¹ Raiso ndre da gne malemy ame finoagny, ka mitsara momba gne tohan-kevitry. ² Gn'olo raiky da managny finoagny hihinagny ndre ino ndre ino, fa gne raiky hafa malemy da tsy mihinagny afa-ts'e legioma. ³ Aleo izay mihinagny e raha marobe aby io mba tsy hagnaratsy izay tsy mihinagny agnaby. Fa Andriamanitry efa nagneky anazy. ⁴ Ia me anao, anao mitsara gne mpanompon'olo hafa? Ankatrefan'e tompony izy gne mitsangagny na milavo. Fa hatsangagny izy, satria gne Tompo da afaky manangagny anazy. ⁵ Gn'olo raiky da mihevitry fa misy andro tsara nohon'e rehetra. Fa gne hafa da mihevitry fa mitovy gn'andro aby io. Apetray gne kiraidraiky ho resy lahatry araky gne sainy agnaby. ⁶ Izay mandiniky gn'andro, da mandiniky an'izany ho an'e Tompo; da gne mihinagny, da mihinagny ho an'ny Tompo, fa misaotry an'Andriamanitry izy. Izay tsy mihinagny, da mifady hanigny ho an'ny Tompo, izy avakoa da misaotry an'Andriamanitry. ⁷ Fa tsy misy miaigny ho an'e tegnany antsika, da tsy misy maty ho an'e tegnany. ⁸ Fa raha miagny itsika, da miagny ho an'e Tompo, ary raha maty itsika, da maty ho an'e Tompo. ⁹ Noho izany antony izany e nahafatesan'i Kristy da nahavelogny anazy indraiky koa, da mba hahatonga Anazy ho Tompon'e maty sady Tompon'e velogny. ¹⁰ Anao ka, nagnino me anao mitsara gne rahalàhinao? Da anao, nagnino anao malaigny e ralahinao? Fa itsika agnaby io da mbola hitsangagny ho tsaraigny ankatrefan'e seza fitsaran'Andriamanitry. ¹¹ Fa efa voasoratry hoe: "Ra mbola velogny koa Iao," hoy gne Tompo, "da hiforitry an-katrefako gne tsopokon'e rehetra, sady gne lela rehetra avakoa da hidera an'Andriamanitry." ¹² Noho izany, da itsika tsiraidraiky da hagnano tatitry gne tegnany amin'Andriamanitry. ¹³ Ka, ao isika tsy hifampitsara sanaky, fa anapaky an'izao, mba tsy hisy hametraky vato mahatafitoigny na fandriky ho an'e rahalàhiny. ¹⁴ Mahafantatry iao sady resy lahatry ame Tompo Jesosy, fa tsy misy tsy madio ame tegnany. Fa ho an'e mandray ndre ino ndre ino ho tsy madio avao, da tsy madio izany aminazy. ¹⁵ Satria raha malahelo noho gne ame sakafo gne rahalàhinao, da tsy mandeha am-pitiavagny esanaky anao. Ka simbagny nohon'e ame sakafonareo indreo izay namoizan'i Kristy gne ainy. ¹⁶ Ka hekenareo ho haratsiagny gne raha eritreretinao ho tsara. ¹⁷ Fa gne fanjakan'Andriamanitry da tsy momba gne hanigny izy ame rano fisotro, fa momba gne fahamarinagny, fiadanagny, da fifaliagny ao amin'e Fagnahy Masigny. ¹⁸ Fa gne manompo an'i Kristy arak'izany da ankasitrahin'Andriamanitry sady eken'olo. ¹⁹ Noho izany, aleo itsika hanohy gne rahan'e fiadanagny izy ame raha manefy gne tsiraidraiky. ²⁰ Ka simbagny nohon'e amin'e hanigny gne asan'Andriamanitry. Madio tokôtry gne raha agnaby, fa ratsy ho an'e gn'olo minagny anazy sady mahavy anazy ho tafintohigny. ²¹ Tsara gne tsy mihinan-kena, na misotro divay, na gne raha aby izay mety hanafintohigny gne rahalahinao. ²² Gne finoagny anagnanao, ampirimo agnatinao sy Andriamanitry. Sambatry izay tsy magnameloky gne tegnany amin'izay ekeny. ²³ Izay misalasala da meloky raha mihinagny, satria tsy tame finoagny izany. Sady ndre ino ndre ino tsy avy ame finoagny da fahotagny.