¹ Aoka gne fagnahy agnaby hagneky e manam-pahefagny ambony, fa tsy misy fahefagny raha tsy avy amin'Andriamanitry. Fa indreo manam-pahefagny efa misy da efa voatendrin'Andriamanitry. ² Noho izany zay manohitry an'izany fahefagny zany da manohitry gne didin'Andriamanitry; fa indreo zay manohitry an'izany da hahazo fitsaràgny amin'e tegnandreo. ³ Satria indreo mpanapaky da tsy fampitahoragny ho an'e asa tsara, fa ho ane gn'asa ratsy. Magniry gne tsy halia gne raiky amin'e fahefagny me anareo? Magnamboara e tsara, da ho deraigny amin'izany anao. ⁴ Fa izy da ho mpanompon'Andriamanitry ho anareo amin'e tsara. Fa raha magnano gne ratsy anareo, da matahòra, satria tsy mitondra gne sabatry tsy amin'e antony Izy. Fa Izy da mpanompon'Andriamanitry, mpamaly gn' avigniragny amin'izay magnano e ratsy. ⁵ Noho izany da tokony hagneky anareo, tsy nohon'e havigniragny avao, fa nohon'e fieritreretagny avakoa. ⁶ Noho izany da mandoa hetra avakoa anareo. Fa mpanompon'Andriamanitry e manam-pahefagny, izay miandraikitry an'izany raha izany tsy ankijanogny. ⁷ Aloavy amin'e tsiraidraiky izay tokony ho andreo: mandoava hetra amin'izay tokony handoavagny anazy; mandoava fadin-tseragnagny amin'izay tokony handoavagny anazy; maliava an'izay tokony haliavagny; magnajà an'izay mendriky an'izany. ⁸ Ka managny trosa ndre amin'ia ndre amin'ia, afa-tsy gne fifankatiavagny avao. Fa izay tia gne magnodidigny anazy da nahatanteraky gne lalàgny: ⁹ Maro e didy: "Ka mangala-badin'olo, ka mamono olo, ka mangalatry, ka magniry," fa raha misy didy hafa ankoatry an'io koa, da voafehy amin'ity fehezanteny ity izany: "Tiavo gne namanao akô gne tegnanao." ¹⁰ Gne fitiavagny da tsy mandratry gne magnodidigny; noho izany, gne fitiavagny gne fahatanterahan'e lalàgny. ¹¹ Noho izany, lalanareo gne fotoagny, fa efa fotoagny hifoazanareo amin'e torimasinareo sahady izao. Fa amin'izao efa magnakeky noho izay ninoantsika tamin'e voalohany gne fagnavotagny antsika. ¹² Miha aligny, sady magnakaiky gne andro. Noho izany andasika hariagny gne asan'e mizigny, sady andao isika hisikigny gne fiadian'e fahazavagny. ¹³ Andasika andeha amin'e lalagny mahitsy, akô gn'amign'andro, tsy akô gn'ame fety tsy am-pamendrehagny na koa gne fahamamoagny; da andasika tsy handeha amin'e fahavetavetagny na amin'e filàgny tsy voafe, sady tsy ho amin'e fifanoheragny na fialognagny. ¹⁴ Fa misikina an'i Jesosy Kristy Tompo, sady ka magnome hiriky ho an'e nofo, mba hagnomezany fahafam-po gne filàny.