¹ Hoy Izy tamin-dreo se: "Zakaiko aminareo marigny tokôtry, fa aminareo ze mitsangagny etoa gne tsy hagnandragny zany fahafatesagny zany meloha gne ahitan-dreo gne fanjakan'Andriamanitra ze ho avy ame hery zakabe." ² Ary enina andro tafara, da nindesin'Jesosy niaraky tamin'azy Petera sy Jakôba da i Jaona tegny ame vohitry ankabôgny ary indreo avao e tagny. Da niova tarehy tagnatrehan-dreo Izy. ³ Gne lambany ambany da lasa namirapiratry da nazava, fotsy be avao koa, fotsy mihôtry gne zavatry nampamotsiagny tetoa ambonin'e tany. ⁴ Aveo Elia sy Mosesy da niseho tamin-dreo, ary niresaky tamin'i Jesosy indreo. ⁵ Petera namaly da nizaka tamin'i Jesosy hoe: "Raby ô, mety raha magnano tragno talatala telo tsika, gne raiky anao, gne raiky an' i Mosesy, da gne raiky an'i Elia." ⁶ (Tsy lalany gne raha tokony zakainy, satria nalia be indreo.) ⁷ Nisy rahogny avy da nadrakotry andreo. Da nisy zaka nivôky tamigne rahogny hoe: "Ty gne zanako malalako. Mitenoma an'Azy." ⁸ Avy teo, da nagnety gne magnodidingy indreo, da tsy nahita ninonino koa, raha tsy Jesosy avao. ⁹ Raha nidigny tame vohitry indreo, da nagnafatry mafy mba tsy izaka na amin'ia na amin'ia gne raha itan-ndreo, raha tsy mitsangagny ame maty gne zanak'Olona. ¹⁰ Sady da nitanan-dreo ho an'azy zany zaka zany, sady nifagnotany indreo amin'e mety ho dikan'izany" Fitsanganagny ame maty" zany. ¹¹ Nagnontany an'Azy indreo hoe: "Nagnino ireo panora-dalàgny gne Nagnambara fa tsy mentsy avy meloha i Elia?" ¹² Da hoy Izy tamin-dreo hoe: "Efa tonga taloha Elia agnarigny e raha aby. Sady nagnino gne vosoratry fa gne zanak'Olona da hijaly be ame raha maro da ataon'olo tsy misy dikany? ¹³ Nefa zakaiko aminareo f'efa tonga Elia, da nataon'olo tamin'azy ze sitraky gne fony, araky gne voalaza ame Soratra Masina mikasika an'azy." ¹⁴ Aveo da niverigny teo ame mpianatry indreo, da nahita olo maro be nagnodidigna andreo da gne mpanora-dalàgny niady hevitry tamin'azy. ¹⁵ Raha vô nahita an'i Jesosy indreo, da gaga agnaby gn' olo maro be da nezakazaky nagnatogny da nagnotsafa an'Azy. ¹⁶ Nagnontany ireo mpianatriny Izy hoe: "Momba gn'ino me gn'iadianareo hevitry amindreo." ¹⁷ Ary nisy raiky tame vahoaky namaly an'Azy hoe: "Mpampianatra ô, nindesiko etoa aminao gne zanako lahy. Misy fagnahy ratsy tsy mampizaka an'azy izy. ¹⁸ Manambotry an'azy io da mandavo an'azy sady da mandoa vory izy, midi-vazagny, da lasa mihenjagny izy. Nangataky tamireo mpianatrao iao mba hamôky an'izany amin'azy, da tsy vitan-dreo izany." ¹⁹ Namaly an- dreo Izy hoe: "Ry taranaka tsy mino, mandra-pahovia gne ipetrahako aminareo etoa? Mandra-pahovia gn'andeferako aminareo? Eto aty aminà izy." ²⁰ Da nindesigny tamin'azy gne zaza lehilà, ary raha vô nahita an'i Jesosy gne fagnahy ratsy, da nampifanintosintogny an'azy zany. Lavo tame tany gne zaza lelà da feno vory gne vavany. ²¹ Jesosy nagnontany an'iabany nagnano hoe: "Nanomboky ovia nahavoa an'azy an'io?" Da hoy iabany nagnano hoe: "Nanomboky an'azy kidikidy." ²² Indraindraiky gne fagnahy ratsy io da nandavo an'azy tagnaty gne afo na tagnaty rano nagnandragny hamotiky an'azy. Raha mahay gne raha aby anao, da iantrao ro iay sady ampio iay." ²³ Jesosy nizaka an'azy nagnano hoe: '"Raha mahay anao? ²⁴ Gne raha aby da hain'e mino." Niaraky tamizay iaban'e zaza da nikiaky mafy nagnano hoe: ''Mino iao! tahio iao ame tsy finoako!" ²⁵ Refa itan'i Jesosy gne vahoaky nezakazaky nagnatogny an-dreo, Da nizaka mafy gne fagnahy maloto sady nagnano hoe: "Ry fagnahy môgny sy maregny; mandidy anao iao, mela amin'azy, aza mipody miditry amin'azy koa." ²⁶ Nikiaky mafy izany ka nampifanintogny be gne zaza lelà da niala tamin'azy aveo. Nanahak'e olo maty gne zaza lelà, da maro gne nizaka hoe: "Maty izy." ²⁷ Jesosy nandray gne tagnany da nagnarigny an'azy, da nitsangagny e zaza lelà. ²⁸ Refa niditra t'an-dragno Jesosy, da nagnontany an'azy manakagny gne mpianatrany nagnano hoe: "Nagnino iay raha tsy ahavôrôky gne fagnahy ratsy?" ²⁹ Da hoy izy tamin-dreo nagnano hoe: "Gne karazan'igny da tsy afaky roasigny raha tsy ame alalan'e vavaky." ³⁰ Niala teo indreo da nandalo ta Galilia. Tsy tiany ho fantatr'ia na ia hoe taia indreo, ³¹ fa nampianatry ireo mpianatriny Izy. Hoy izy tamin-dreo nagnano hoe: "Gne zanak'Olona da atolotry antagnan'olo, ka hovonoin-dreo izy, da hitsangagny ame maty koa afaky telo andro." ³² Fa tsy takatry ndreo io fagnambaragny io, sady da natahotry indreo hagnotany an'azy. ³³ Aveo da tonga ta kapernaomy indreo. Refa avy niditry tan-dragno izy da nagnontany andreo agnano hoe: "Ino e raha nifampiresahanareo tan-dala?" ³⁴ Fa nangigny indreo. Satria efa niady hevitry tan-dala indreo gne amizay lehibe indrindra. ³⁵ Nidoboky, da mangaiky gne roa ambin'ny folo lahy niaraky izy sady nizaka tamin-dreo nagnao hoe: "Raha misy te ho voalohany, da tsy maintsy farany amin'izy aby izy sady da ho mpanompon'izy aby." ³⁶ Nangala zaza raiky izy da nataony tagnivon-dreo. Notrotroiny tame sandriny izy da nizaka tamin-dreo nagnano hoe: ³⁷ "Na ia na ia mandray zaza akoizao amign'agnarako, da mandray Anà koa, sady raha misy mandray Anà, da tsy mandray Anà raiky izy, fa e nagniraky Anà koa." ³⁸ Hoy i Jaona tamin'azy nagnano hoe: "Mpampianatry ô, Nahita olo namoaky demonia tamign'agnaranao iay da noraranay izy satria tsy magnaraky antsika." ³⁹ Fa Jesosy nagnano hoe: "Aza mandrara an'azy, fa tsy misy olo hagnano asa zakabe ame agnarako nefa tselatsela afaran'izay da hizaka raha ratsy mikasiky Anà. ⁴⁰ Na ia na ia tsy manohitry antsika da momba antsika. ⁴¹ Na ia na ia magnome rano anao eran'e kôpy ho sotroigny satria an'i Kristy anao, da zakaiko aminao marigny tokôtry, fa tsy ho very gne valim- pitiany. ⁴² Fa na ia na ia manafitoigny gne raiky amin'e madiniky mino Anà, da mety amin'azy raha agnatognagny vatobe fikosoham-bary mifatotry ame vozony da atsipy an-dranomasy. ⁴³ Raha gne tagnanao gne mahatonga anao ho tafitoigny, tapay izy. Fa tsara ho anao gne miditry kilemaigny ame fiainagny toy izay manatagna roa ka andeha ame helo, agny ame afo tsy mety ho vonoigny. ⁴⁴ [ Fanamarihagny: Gne fandikana tsara indrindra da gne tsy magnisy fehezanteny ame andinigny faha 44 sy 46 hoe: '''Izay tsy maty mintsy gne kankan-dreo ary gne afo tsy ho faty mandrakizay.'''] ⁴⁵ Raha gne tombokao gne manafitohigny anao, tapay izy. Tsara lôtry aminao gne miditry mitongaitry ame fiainagny noho gne managny tomboky roy aveo ariagny ame helo. ⁴⁶ [ Jereo gne fanamarihagny eo ame andinigny faha 44] ⁴⁷ Raha gne masonao gne manafitoigny anao, alay iala izy. Tsara aminao gne miditry ame fanjakan'Andriamanitry miaraky ame maso raiky to zay maso roy da ariagny ame helo, ⁴⁸ agny ame toeragny zay tsy mahafaty gne kankan-dreo, ary gne afo da tsy mety ho vonoigny. ⁴⁹ Fa gn'olo aby da samby ho voasira ame afo. ⁵⁰ Tsara gne sira, fa raha gne sira gne tonga matsatso, akogn'aia gn'aninao ahasiran'azy koa sa? Asio sira gn'aminareo, da mihavagna ame tsirairaiky aby."