¹ Tamin'izany andro izany, da nisy fokonolo maro indraiky koa, tsy nanan-kohanigny indreo. Da nangaiky e mpianatriny i Jesosy da nizaka tamin-dreo hoe: ² "Mampalahelo ana itoa fokonolo toa, efa telo andro indreo e nagnaraky ana sady tsy nanankohanigny. ³ Raha alefako mody andragnondreo tsy mihinagny indreo, da mety himiagny andalagny. E sasany amindreo da avy lavitry." ⁴ Namaly an'Azy e mpianatriny hoe: "Aia gne ahitantsika mofo ampy amokisagny an'itoa fokonolo toa ety ame tany tsisy raha ty?" ⁵ Nagnontany andreo Izy hoe: "Firy e mofo anagnanareo?" Hoy indreo hoe: "Fito" ⁶ Nandidy gne fokonolo hidoboky ame tany Izy. Nalainy gne mofo fito, da nisaotry Izy, da nanapaky an'izany. Natolotriny ho an'e mpianatriny izany mba ho zaraindreo ame fokonolo, da napetrak'indreo talohany e fokonolo izany. ⁷ Da mbola nanagny laoky an-drano kidy vitsivitsy avakoa indreo, da refa avy nisaotry an'izany Izy, da nandidy gne mpianatriny hagnome an'izany avakoa Izy. ⁸ Da nihinagny indreo ka voky, da nalaindreo gne sisa tavela, da mbola nahafeno sobiky fito zakabe. ⁹ Tokony ho efatr'arivo eo ho eo gn'olo tamin' io fotoagny io. Avy teo da nalefany nody indreo. ¹⁰ Avy da niakatry tame lakagny niaraky tame mpianatriny Izy, da nandeha ame faritr' i Dalmanota indreo. ¹¹ Da nizotso agnaby e fariseo ary nanomboky nifamaly tamin'Azy. Nitadia famantaragny avy an_dagnitry tamin'Azy indreo, hitsapagny an'Azy. ¹² Netsatsaky sady nagnerignerigny tame fagnahiny Izy da nizaka hoe: "Nagnino kaiky raha mitadia famantaragny ity taranaky ity? Nefa zakaiko marigny aminareo, fa tsy misy famantaragny omegny an'ity taranaky ity izany." ¹³ Avy teo da nisitaky andreo Izy, niakatry tame lakagny indraiky, da nisitaky lavitra ho egny agnilany. ¹⁴ Da adignon'e mpianatry gne ninday mofo niaraky tamindreo. Tsy nanagny mihoatry gne raiky indreo tagnatin'e sambo. ¹⁵ Da nampitandrigny andreo Izy da nizaka hoe: "Membena sady mitandrema ame masirasirandreo fariseho sy gne masirasiran' i Heroda." ¹⁶ Da nifagnontany tegna gne mpianatry hoe: "Avy amintsika tsy managny mofo izany." ¹⁷ Fantatr' i Jesosy izany, da hoy Izy tamindreo hoe: " Nagnino raha ame tsy fanagnagny mofo gn'eritreritrinareo? Mbola tsy takatrinareo me? Nanjary mafy me gne fonareo? ¹⁸ Managny maso me anareo, fa tsy mahita ? Managny sofy me anareo fa tsy maregny ? Tsy tadidinareo me? ¹⁹ Refa nanapaky gne mofo dimy ho an'olo dimy arivo Iao, da sobika firy feno hambiny e mofo nangoninareo? Hoy indreo tamin'Azy hoe: "Roambinifolo." ²⁰ Refa nanapaky gne mofo fito ho an'olo efatr' arivo Iao, firy sobika gnambiny nangoninareo? Hoy indreo tamin'Azy hoe: "Fito." ²¹ Da nizaka Izy hoe: " Mbola tsy takatrinareo avao me? " ²² Avy tagny Betsaida indreo. Da nisy jamba raiky nindesin' olo tamin'Azy da niangaviandreo i Jesosy mba hikasiky an'azy. ²³ Nindesin' i Jesosy tame tagnany gne jamba, da nitariky an'azy nivoaky e tanagny. Refa nandrora tame masony Izy sady nametraky gne tagnany tamin'azy, da nagnontany an'azy Izy hoe: " Mahita raha anao sa? " ²⁴ Da niandra izy, da nizaka hoe: "Mahita olo akô kakazo mandende iao." ²⁵ Napetrak' i Jesosy tame masony koa gne tagnany, da nahiratr'igny lelà igny e masony, da nipody tame tena izy gne fahitany, da nahita mazava tsara gne raha agnaby izy. ²⁶ Da nalefan' i Jesosy nody izy da nozakainy hoe: "Ka miditry an-tanagny." ²⁷ Nandeha nizotso i Jesosy sy gne mpianatriny nandeha ame tanin' i Kaisaria Filipo. Tegny an-dalagny da nagnontany an'e mpianatriny Izy hoe: " Hanin' olo ho Ia me iao?" ²⁸ Namaly an'Azy indreo ka nizaka hoe: "Jaona mpagnano batisa. Gn' afa mizaka hoe: 'Elia', ary gn'afa koa nizaka hoe:' Gne raiky ame mpaminany ireo."' ²⁹ Nagnontany andreo izy hoe: " Fa anareo magnano Anà ho Ia?" Da namaly an'Azy i Petera nagnano hoe: "Anao gne Kristy." ³⁰ Nampitandrigny andreo i Jesosy tsy hizaka gne momba an'Azy ndre amin'ia ndre amin'ia. ³¹ Nanomboky nampianatry andreo Izy fa tsy maintsy hijaly e Zanak' Olo, da ho laviny gn'olom-be ame tanagny sy gne lohan'e mpisorogny Izy ame mpanora-dalàgny, ho vonoigny, da hitsangagny ame maty afaky telo andro. ³² Nozakainy mazava tsara izany. Avy teo da nangian'i Petera mangingigny i jesosy da nanomboky nizaka mafy an'Azy. ³³ Nefa nitodiky i Jesosy da nagnety e mpianany da avy eo nizaka mafy an' i Petera ka nagnano hoe: "Melà lavitry Anà, anao Satana! Tsy mba misaigny gne rahan' Andriamanitry anao,fa gne rahan'olo." ³⁴ Avy teo da nangaiky e fokonolo izy ame mpianatriny niaraky Izy, da hoy Izy tamindreo hoe:" Ra misy te-hagnaraky Anà, da tsy maintsy mandà gne tegnany izy, mangala gne hazo fijaliany, da magnaraky Anà. ³⁵ Ndre ia ndre ia te_hamonjy gnainy da ahavery izany, fa izay mahavery gnainy noho gnaminà izy ame filazantsara, da hahavonjy izany. ³⁶ Fa ino me gne tombotsoa azon'olo raiky, raha mahazo izao tontolo izao,sady avy teo da very gnainy? ³⁷ Ino me gnafaky omen' olo raiky ho takalon' ny gnainy? ³⁸ Ndre ia ndre ia megnatry Anà sy gne zakako amity taranaky mijangajanga sy mpanota ity, da ho megnatry anazy avakoa gne Zanak' Olo refa avy ame voninahitry e Rainy miaraky ame gn'anjely masigny Izy."