¹ Avy teragnilan'e ranomasigny indreo, tamign'e faritr'i Gerasena. ² Refa niala lat'amin'e lakagny Jesosy, tonga da nisy lelà raiky nidiran'e devoly nagnatogny Anazy lat'ame kobory. ³ Nidoboky tamin'e kobory ity lelà ty. Tsy vôtagny sanaky izy, ndre da tamin'e rojo vy. ⁴ Matetiky vôfe tamin'e gadra vy izy ame rojo vy izy. Nitapahany aby gne rojo da potika gne gadra vy. Tsy nisy olo natagny anazy. ⁵ Isan'andro isak'aligny gname kobory izy ame vohitry, da nitorotoreo izy sady nandratry gne tegnany tamin'e vato marangitry. ⁶ Refa nahita an'i Jesosy mbola lavitry izy, da niezakazaky negnaminazy sady nandoaliky tagniloany. ⁷ Sady Nizaka tamin'e feo mafy be izy hoe: "Ino me gne ifandraisako aminao, Jesosy, zanak'Andriamanitra Ambony indrindra? Miangavy anao amign'agnaran'Andriamanita raiky iao, k'ampijaligny iao." ⁸ Fa izy nizaka taminazy hoe: "Melà an'io lelà io anao, devoly" ⁹ Da nagnotany anazy izy hoe: " Ia gne agnaranao?" Da nivaliny hoe: "Legiona gne agnarako, satria marobe iay." ¹⁰ Sady niangavy mafy anazy avao izy tsy handrôky andreo ambadike faritry. ¹¹ Da nisy lambo maromaro nihinagny tame vohitry tegny, ¹² sady niangavy taminazy indreo, nagnano hoe: "Alefaso amin'io lambo io iay, apetray iay hiditry amindreo ao." ¹³ Da napetrany indreo; da niala aby gne devoly sady niditry tamine lambo aby, avy eo da nipitsiky negname ranomasigny indreo, lambo teo ame roa arivo teo gne maty an-dranomasigny. ¹⁴ Nandeha nilefa indreo mpamahagny lambo sady nitantara gne rà-hitany tà-tanagny izy ame tambanivolo tagny, da olo maro gne nijotso nagnety gne rà-nisy. ¹⁵ Avy eo indreo nagnantogny an'i Jesosy da hitandreo teo igny lelà nipetrane demonia igny, igny raiky nipetran'ny legiona igny, nidoboky teo, nisiky sady feno fagnà; da nalia indreo. ¹⁶ Indreo izay nahita gne rà-nisy tamin'igny lelà nipetrane demonia igny da nitantara tamindreo gne momba anizany tamine antsipirihany, sady nitantara tamindreo agnaby avakoa gne momban'e lambo. ¹⁷ Da nanomboky niangavy Anazy indreo mba hialany amin'e faritrindreo. ¹⁸ Refa hitikigny an-dakagny Izy, da niangavy Anazy igny lelà nipetrane devoly igny mba hiaraky aminazy. ¹⁹ Saingy tsy nagnome Anazy i Jesosy, fa nagnano taminazy hoe: "Mandehana mody amin'e tragnonao izy ame fianakavianao da tanatarao andreo zay nanin'ny Tompo taminao, izy ame nandikany fo taminao!" ²⁰ Da lasa nody Izy sady nanomboko nagnambara gne rà-zakabe izay nanin'i Jesosy taminazy tà Dekapolisy, da gaga aby gn'olo. ²¹ Refa nandeha teragnilany indraiky Jesosy, tamin'e lakagny, da io nisy fokonolo maro be nilagno nagnodidigny Anazy, raha tamoron-dranomasigny igny Izy. ²² Avy eo da avy gne raiky tamindreo mpitariky gne Synagoga, atao hoe Jairo, ndreky vô nahita Anazy, da niondriky tamin'e tombokiny. ²³ Nandadilady koa Izy, nagnano hoe: "Marary mafy efa ho faty gne zanako viavy. Milela-paladia aminao iao, avia da apetraho aminazy gne tagnanao mba ho sitragny sady ho velogny Izy." ²⁴ Nandeha niaraky taminazy Izy, da fokonolo maro be gne nagnaraky sady namalavala nagnodidigny Anazy. ²⁵ Nisy viavy raiky nandeha rà-lava nandritry gne roambinifolo taogny. ²⁶ Nijaly tokôtry Izy da nagnatogny mpitsabo maro Izy sady nandany gne fanagnany agnaby,nefa tsy nahita fahasitragnagny fa vô maiky neratsy. ²⁷ Refa nahare gne tatitry momban'i Jesosy Izy, da nandeha tafarany tagnatine fokonolo tao Izy sady nikitiky gne raisikiny. ²⁸ Satria ho izy hoe: "Raha mahavôkasiky gne lambany fotsiny iao, da ho sitragny." ²⁹ Refa nikasiky Anazy Izy, da nijanogny gne rà-very, sady tsarony lat'agnatiny fa sitragny tamin'e aretigny Izy. ³⁰ Fantatr'i Jesosy niaraky tam'zay fa nisy hery niala lat'Aminazy. Nitodiky tamin'e fokonolo Izy sady nizaka hoe: "Ia gne nikasiky gne raisikiko?" ³¹ Da namaly Anazy indreo mpianatriny hoe: "Hitanao io fokonolo marobe mifanisiky amnao io, da mbola agnotanianao hoe: "Ia gne nikasiky anao." ³² Da nagnety gne magnodidigny Anazy Jesosy mba hahitany izay nagnano anizany. ³³ Igny viavy, nahalala gne ra nisy taminazy igny, da nalia sady nangitakitaky. Nandeha Izy sady nandadilady tagnoloan'I Jesosy da nizaka taminazy gne marina agnaby. ³⁴ Da hoy Jesosy taminazy hoe: "Anaky, gne finoanao gne nahasitragny anao. Mandehana amin'e fiadagnagny da sitràgna amign' aretinao." ³⁵ Raha mbola nizaka Izy, da avy gne olo sasany lat'amin'e mpitariky an'i Synagoga, nagnano hoe: "Efa maty gne zanakao. Nagnino gne mbola manahiragny gne mpampianatry avao?". ³⁶ Da refa naharegny gne ra nizakaindreo i Jesosy, da hoy Izy tamin'igny mpitariky an'i Synagoga igny hoe: "Ka malia. Minoa avao." ³⁷ Sady tsy nisy navelany hiaraky amin'azy, afa-tsy Petera, Jakoba, da i Jaona, rahalahin'i Jakoba. ³⁸ Avy andragnon'igny mpitariky an'i Synagoga igny indreo da nahita olo naresaky be Izy; nitomagny sady nibabababa mafy indreo. ³⁹ Refa niditry e tragno Izy, da hoy Izy tamindreo hoe: "Nagnino anareo maresaky sady mitomagny? Tsy maty gne zaza fa matory." ⁴⁰ Niomehy Anazy indreo. Nefa najotsony tatany aby indreo sady nangalaky an'ny aba am'iendrin'igny zaza igny izy amin'e olo niaraky taminazy, sady niditry tamin'e efitry nisy anigny zaza igny. ⁴¹ Nalainy gne tagnan'igny zaza igny da nizaka taminazy hoe: "Talita,Komy!" raha avadiky hoe: "Razazaviavy, mizaka aminao iao, mitsangàna." ⁴² Avy da nitsangagny razazaviavy sady nandeha (satria roa ambin'ny folo taogny Izy). Gaga agnaby indreo. ⁴³ Noraràgny mafy indreo mba tsy hisy hahalala na ia na ia gne momba anio. Avy eo da nampagnomeziny hanigny razazaviavy.