¹ Roy andro talohan'e Paska sady fankalazagny e fihinanagny mofo matavay tam'izany. Nitady fomba hisamboragny an'i Jesosy mangingigny e lohan'e mpisorogny izy ame mpanoradalagny mba hamonoagny anazy avy teo. ² F'izy, hoy indreo: ''Aleo tsy amin'e andro fety amizay tsy mikorontagny e olo." ³ Raha tagny Betania t'andragnon'i Simona boka i Jesosy, amin'Azy midoboky ambony latabatry eo igny, da nisy viavy raiky nagnatogny Anazy nitondra tavoara alabastara misy menaky lafo vidy, io da narda tsy misy fangarony. Novakiny igny tavoara igny da nararakiny tame lohany izany. ⁴ Nahavignitry e olo sasany izany. Nifampizaka indreo hoe: "Ino me e dikan'ity fandanindaniagny fataniky ty? ⁵ Io menaky magnitry io zao azo navidy lafo mihoatry e denaria telonjato, sady nomegny e mahantra." Da nivignitry an'igny viavy igny indreo. ⁶ F'izy hoy i Jesosy se: "Apetray izy. Nagnino anareo magnano e raha mampalahelo anazy? Raha tsara e naniny taminà. ⁷ E sahiragny da aminareo eo isan'andro, da sady afaky hagnano asa tsara ho andreo io fezay anareo ame fotoagny agnaby, fa Iao anefa tsy hipetraky aminareo etoa isan'andro. ⁸ Nagnano e azony nanigny izy: nagnosotry e Vatako ho ame fandevenagny izy. ⁹ Zakaiko marina aminareo, ndre aia ndre aia hitoriagny e Filazantsara eran'izao tontolo izao, da hambara andreo e raha nanin'ity viavy ity, mba ahatadidizandreo anazy." ¹⁰ . Avy teo, i Jodasy Iskariota, raiky tame roy ambin'ny folo lahy, nandea tame lohan'e mpisorona mba ahafahany manolotry Anazy amindreo. ¹¹ Raha ren'e lohan'e mpisorogny izany, da faly indreo sady nampagnategna hagnome vola anazy. Da nanomboky nitady hevitry hagnambarany Anazy amindreo izy. ¹² Tame andro voalohan'e fihinanagny mofo matavay, refa nagnano sorogny e ondrin'e Paska indreo, da hoy e mpianatriny tamin'Azy se: "Aia e tianao hikarakaragny e hanigny sa? mba ihinanao e hanignin'e Paska?" ¹³ Da nagniraky roy tame mpianatriny Izy sady nizaka tamindreo hoe: "Mandiana an-tanagny, da hisy lelahy mitondra siny feno rano hifanepaky aminareo. Magnaraha Anazy. ¹⁴ Izay tragno idirany, da magnaraha anazy da zakay e tompon-tragno hoe: "Hoy e Mpampianatry se: "aia e efitragno fandraisam-bahiny ahezako miara-minagny e Paska ame mpianatriko?"' ¹⁵ Hagnaboaky tragno zakabe ambony rihagny efa misy fanaky efa vonogny tsara izy. Ao e amboaranareo e fagnomagnagny ho antsika." ¹⁶ Da lasa e mpianatry nandeha amin'io tanàgny io. Fatandreo tam'izany fa efa nozakainy e zava-drehetra, da nagnomagny e hanigny ame Paska indreo. ¹⁷ Raha hariva gn'andro, da niaraky avy tame roy ambin'ny folo lahy Izy. ¹⁸ Rehefa nidoboky t'ambony latabatry nihinagny indreo, da hoy Jesosy: "Zakaiko marina aminareo, fa e raiky aminareo miaraky mihinagny aminà etoa io da hamadiky Anà." ¹⁹ Nalahelo agnaby indreo, da nizaka tamin'Azy tsiraidraiky: " Tsy iao lateo izany?" ²⁰ Da namaly Jesosy da nizaka andreo hoe: "E raiky aminareo roy ambin'ny folo lahy izany, da io miaraky magnatsoboky mofo Aminà agnaty lasety io zao." ²¹ Fa e Zanak'Olo da handeha ame lalagny efa voazakan'e Soratry Masigny mikasiky Anazy. F'izy sa, loza ho an'izany lelahy hamadiky e Zanak'Olo izany. Tsara ho anazy raha tsy teraky izy." ²² Amindreo mbola mihinagny igny, da nangala mofo i Jesosy, nisaotry, da nizarazara izany. Natolotriny andreo izany sady nizaka Izy: "Raiso, Ity e vatako." ²³ Da nangala kapoaky koa Izy, nisaotry, da nanolotry an'izany tam'indreo, da nindrano an'igny indreo agnaby. ²⁴ Da hoy izy: "Ity e ràn'e fagnekem-pihavanagny, rà izay alatsaky ho an'e olo agnaby. ²⁵ Zakaiko marina aminareo, tsy hindrano an'ity vokatr'e voaloboky ty sanaky Iao mandrapevian'e andro indranomako izany indraiky ra avy ame Fanjakan'Andriamanitry." ²⁶ Refa avy nihira fideragny indreo, da nandeha t'antendrombohitr'Oliva. ²⁷ Hoy Jesosy tamindreo: "Hiala Anà agnaby anareo aby, fa efa voasoratry hoe: "Hamango e Mpiandry ondry Iao, da hilefa aby e ondry agnaby.' ²⁸ Fa refa avy nitsangagny tame maty Iao, da handeha alohanareo a Galilia." ²⁹ Da hoy i Petera tamin'azy: "Ndre da hiala anao aby gn'olo agnaby, da iao tsy mba hiala Anao." ³⁰ Da hoy i Jesosy tamin'azy: "Zakaiko marina aminao, androany hariva, ndre mbola tsy magneno in-droy e akoho, da efa handà anà in-telo anao." ³¹ Da hoy i Petera: "Ndre da tsy maintsy hiara-maty Aminao iao, da tsy handà Anao sanaky." Da samby nampagnategna akoizany agnaby indreo. ³² Refa avy tame tany angiagny hoe Getsemane indreo, da hoy i Jesosy tame mpianatriny: "Mijanogna etoa anareo mandra-pivavahako." ³³ Nentiny niaraky tamin'Azy i Petera, da i Jakoba, da i Jaona, sady efa nanomboky nalahelo sady ory. ³⁴ Da hoy Izy tamindreo: "Mijaly lôtry e fagnàko, akô olo efa hofaty. Mipetràha etoa da miambena." ³⁵ Nisitaky lavidavitry kidikidy andreo i Jesosy, nandoaliky sady niondriky tame tany, da nivavaky, nangataky, mba hiala amin'azy izany ora izany, ³⁶ Da hoy Izy: "Aba, Aba! anao mahay magnano e raha agnaby, mba alay aminà rô ity kapoaky ity. F'izy tsy gne sitrapoko e hanigny, fa e sitraponao." ³⁷ Nipody izy da nahita andreo natory, da hoy izy tamin'i Petera: "Simona, matory me anao? Tsy nahavita niambigny ndre lera raiky? ³⁸ Miambena da mivavaha mba tsy hidiran'e fakam-pagnàhy. E fagnàhy da mety mazoto tokôtry, fa e nofotry e malemy." ³⁹ Da lasa koa izy nisitaky sady nivavaky, da mbola namerigny e zaka naniny taloha igny avao. ⁴⁰ Da nipody koa izy, da mbola nahita andreo natory, fa navesatr'e torimaso e masondreo da tsy nahita raha ho zakaigny tamin'Azy. ⁴¹ Nagnatogny fanintelony izy da nizaka: "Mbola matory sady mangalaky aigny avao me anareo ty? Ampy izay! efa avy e fotoagny. Iteo! e Zanak'olo hatolotry am-pelatagnan'e mpanota. ⁴² Mitsangana! atsika andeha. Iteo! Efa akaiky e mpamadiky Anà." ⁴³ Amin'i Jesosy mizaka eo igny, da igny i Jodasy avy, raiky tame roy ambin'ny folo lahy, niaraky tame fokonolo maro izay nitondra sabatry izy ame langilangy, avy ame lohan'e mpisorogny, mpanoradalàgny, da e olombe ame tanagny. ⁴⁴ Da e mpamadiky nagnome famantaragny andreo hoe:"Izay orofako, gn'izy. Sambory izy da embeno." ⁴⁵ Refa avy i Jodasy, da tonga da nagnantogny an'i Jesosy sady nizaka hoe: "Raby," sady nagnoroky anazy izy. ⁴⁶ Avy eo da nosamborindreo i Jesosy. ⁴⁷ Fa nisy raiky tamindreo teo namoaky sabatry da namira e sofin'e mpanompon'e mpisoronabe. ⁴⁸ Da hoy i Jesosy tamindreo: "Avy hanambotry Anà anareo, da akò hanambotry dahalo, da miaraky ame sabatry izy ame langilangy anareo? ⁴⁹ Tamina hitanareo isan'andro sady nampianatry t'ampiangonagny, tsy nosamborinareo. Fizy nanigny izao mba hahatanteraky e Soratry Masigny." ⁵⁰ Da niala Anazy aby e namany niaraky tamin'i jesosy da tsy nitodiky sanaky. ⁵¹ Da nisy kiraolahy raiky, tsy nitafy afa-tsy lamba hariry raiky avao. Nagnaraky an'i Jesosy. Refa nosamborin'olo izy ⁵² da nalany e lambany da lasa nilefa izy. ⁵³ Nentindreo tame Mpisoronabe i Jesosy. Nivory tamin'Azy teo agnaby e Mpisorona aby, gne olombe ame tanagny, e mpanora-dalàna. ⁵⁴ Da i Petera nagnaraky Anazy tame sisiny lavidavitry egny avao, hatrame bazagnin'e tokotanin'y mpisoronabe. Nidoboky niaraky tame mpiambigny izy, izay namindro takeky e afo. ⁵⁵ Da e lohan'e mpisorogny sy Synedriona Jiosy da nitady vavolombelo hanohitry an'i Jesosy mba ahafahandreo hamono Anazy ho faty. F'izy tsy nahita indreo. ⁵⁶ Fa maro e nagnibitry vandy anazy, nefa e fagnobirandreo tsy mitombogny aby. ⁵⁷ Nisy olo sasany nitsangagny nagnibitry vandy Anazy; da hoy indreo se: ⁵⁸ "Da renay izy nizaka hoe: "Ho ravako ity fiangonagny namboarigny tagna ity, da agnatin'e telo andro iao da hanangagny raiky hafa tsy namboarigny tame tagna." ⁵⁹ Fa mbola tsy mifagnaraky avao moa e fagnobirandreo. ⁶⁰ Da e mpisoronabe nitsangagny tamindreo teo da nagnotany an'i Jesosy hoe: "Tsy misy havaly sanaky anao io me? Ino me e itorian'itoa olo toa Anao io?" ⁶¹ Fa nangigny avao izy fa tsy namaly ndre kidikidy. Da mbola nagnotany anazy avao e Mpisoronabe hoe:"Anao zany i Kristy io? e Zanak'e vôtahy zany?" ⁶² Da hoy i Jesosy: "Izaho no Izy, ho hitanareo moa e Zanak'Olo refa mipetraky an-tagnan-ankavanan'e herin'Andriamanitry sady refa ambonin'e rahogn'e lagnitry." ⁶³ Da e Mpisoronabe nandrivatry e sikiny sady nizaka hoe: "Mbola mila vavolombelo avao atsika? ⁶⁴ Efa renareo e vava ratsin'izany. Da ino e fanapaha-kevitrareo?" Indreo agnaby da samby nagnameloky anazy Agnaby mba ho olo tokony hovonoigny. ⁶⁵ E sasany efa nanomboky nandrora tamin'Azy, sady nandrakotry e tarehiny, da namango anazy sady nizaka anazy hoe: "Maminania sa!" Da e manam-boninahitry moa nangalaky sady nagnabonaky Anazy. ⁶⁶ Da refa tame bazagny teo i Petera, da nagnatogny anazy e raiky tame mpanompo vavin'e mpisoronabe. ⁶⁷ Nahita an'i Petera nitsanga namindro tame afo izy, da nodinihiny akeky. Da hoy izy tamin'azy se: "Anao koa niaraky tamin'igny Nazarena igny, i Jesosy" ⁶⁸ Fa izy moa nandà an'izany, sady nizaka hoe: "Tsy lalako sady tsy azoko e tianao zakaigny." Da avy teo lasa niala e bazagny izy. [Fagnamarihagny: E fandikagny sasany magnampy hoe: "Da nagneno e akoho," fa e fandikagny taloha tsara indrindra da tsy misy anio zaka io.] ⁶⁹ Da igny zaviavy nahita anazy teo igny nanomboky nizaka tame olo nitsangagny nagnodidigny teo hoe: "Io lelà io da raiky amindreo!" ⁷⁰ Fa da mbola nandà an'izany avao moa izy. Avy teo da hoy e olo nitsangagny takeky an'i Petera teo hoe: "Da amindreo io mintsy anao ka, satria anao Galiliana." ⁷¹ Fa efa nanomboky nagnozon-tegna sady nitangè izy hoe: "Tsy fatako an'izany lelà zakainareo zany!" ⁷² Da niaraky tamin'izany da nagneno fagnindroiny e akoho. Da avy teo da nahatadidy e zakan'i Jesosy tamin'azy igny i Petera: "Ndre mbola tsy magneno fagnindroiny e akoho da handa Anà in-telo anao." Da nalahelo mafy sady nitomagny izy.