¹ Da raha niala gne fiangonagny Jesosy, da nizaka e raiky tamireo mpianatriny hoe: "ô Mpampianatry ô, iteo gn'hatsarany gne vato izy ame hatsaran'e rafitry!" ² Hoy izy se: "Itanao me gne rafitry zakabe toa? Ka avela hisy vato hifanongoa eo da tsy ho ravagny." ³ Ary raha nipetraky tame vohitry Oliva takitsy e fiangonagny Izy, da nagnotany an'Azy mangingigny i Petera, Jakoba, Jaona sy Andrea: ⁴ "Zakay aminay, ovia gne hitrangan'izany raha izany? Ino gne famantaragny refa hitranga io raha io?" ⁵ Da Jesosy nanomboky nizaka tamin-dreo hoe: "Mitandrema mba tsy hisy olo hampivily lalagny anareo. ⁶ Fa maro gne ho avy ame agnarako sy izaka hoe: 'Iao gn'izy,' sady da maro gne ho voafitakiny. ⁷ Refa maregny ady sy resa-be mikasiky gne ady anareo, da ka magnàh; tsy mentsy hitranga ireo, fa tsy mbola izay gne faragny. ⁸ fa hisy firenegny hitsangagny hamely firenegny, ary hisy fanjakagny hamely fanjakagny. Ary hisy horohon-tany ame toeragny maro, sady hisy mosary. Izany gne voalohan'e fahoriagny fiterahagny. ⁹ Mitandrema anareo. Hatolotr'indreo ame Synedriona anareo, da rabohigny ao ame Synagoga. Hitsangagny alohan'ireo mpanapaky sy ireo mpanjaka noho gn'aminà anareo, ho vavolombelogny amindreo. ¹⁰ Fa gne Filazantsara da tsy maintsy toriagny ame firenena agnaby aloha. ¹¹ Refa manambotry sy manolotry anareo indreo, da ka magnà ame zay tokony ho zakainareo. Fa amin'igny lera igny, da homegny anareo gne izay tokony ho zakainareo; tsy anareo gn'izaka, fa gne Fanahy Masina. ¹² Gne rahalà hanolotry gne rahalàny ho faty, sady gne iabany hanolotry gne zanany. E zanaky hanohitry gne iabany ame endriny ka hahafaty andreo. ¹³ Ho halan'olo agnaby anareo nohon'e Agnarako. Fa ndre ia ndre ia maharitry hatramin'e farany, da hovonjegny izany olo izany. ¹⁴ Fa raha hitanareo mitsangagny ame tsy tokony htsanganagny gne fahavetavetan'e fandravagny (da tokony handiniky ze mamaky), da zay Avy agny jodia aby hilefa agny ame vohitry, ¹⁵ izay an-tafotragno da tsy hidigny ao an-dragno na hamôky zavatry avy ao amin'izany, ¹⁶ da zay an-tanimboly aoky tsy hipody sanaka angala gne lambany. ¹⁷ Lozan'ireo bevohoky sy mampinono am' zany andro zany! ¹⁸ Mivavaha anareo mba tsy ame ririnigny gne hitrangan'izany. ¹⁹ Fa hisy fahoriagny be, izay mbola tsy nisy hatramy gne voalohagny, raha namorogny izao tontolo zao Andriamanitry, ka hatram'izao, tsia, sady mandrakizay tsy hisy sanaky zany. ²⁰ Raha tsy hoe nafohezin'i Tompo zany andro zany, da tsy hisy vatagny ho voavonjy. Fa nohon'e olom- boafidy, izay nofinidiny, da nafoheziny gne isan'izany andro izany. ²¹ Sady raha nisy olo mizaka aminao hoe: "Taragno, aty e Kristy!' na koa hoe: 'Eteo, ery Izy!' Da ka mino an'izany. ²² Fa hisy Kristy sandoky sy mpaminany sandoky hibôky sady agnabôky famantaragny sy fahagagagny, mba hamitahagny, ndre da gne olo vôfidy aza, raha azo atao. ²³ Miambena! efa voazakako taminareo taloha gne fotoan'ireo raha agnaby ireo. ²⁴ Kanefa tafaran'ireo andro ireo, da hihamizigny e masoandro, gne volagny tsy hagnome hazavagny, ²⁵ gne kitagny hilatsaky avy ame lagnitry, ary ireo hery izay ao an-dagnitry ho hozongozonigny. ²⁶ Ka ho hitan-dreo gne zanak'Olona avy egny ame rahogny ame hery zakabe sy voninahitry. ²⁷ Sady hagniraky gne anjeliny izy hamory miaraky ame olo vôfidy avy ame vazan-tany efatry, avy agny ame farany gne tany hatrame farane lanitry. ²⁸ Mangalà lesogny avy ame kakazon'e aviavy. Raha vô mamelagny sy mandravigny gne rantsany, da fantatrareo fa ho avy gne lohataogny. ²⁹ Akoizany koa, raha vô hitanareo mibôky zany raha aby zany, da fantatrareo fa efa ho avy avao koa Izy, magnarivo gne vavahady. ³⁰ Zakaiko aminareo,marigny tokôtry, ty taranaky ty da tsy ho ritry mandra- pitrangan'izany raha aby zany. ³¹ Ho levogny e lagnitry sy gne tany, fa e zakako kosa tsy holevogny mandrakizay. ³² Fa gne mahakasiky gne andro na gne lera zany, da tsy misy mahafantatry, ndre da gne anjely agny an-dagnitry aza, na gne Zanaky, fa gne Ray avao. ³³ Mitandrema! Miambena, satria tsy lalanareo gne fotoagny. (Fanamarihagny: Ireo fahefagny taloha da nagnano hoe: Mitandrema! Miambena sady mivavaha, satria....) ³⁴ Izany d'ako gne lehilà raiky handeha lavitry_nagnabela e tragnony izy ka ireo mpanompony gne nataony niandraikitry e tragnony, samy ame asany aby, sady nandidy gne mpiambigny Izy mba tsy hatory. ³⁵ Koa miambena, satria tsy lalanareo hoe ovia gn'evian'e tompon-trano; Mety ame aligny zany; na ame sasak'aligny, na magneno akoho, na mandraigny. ³⁶ Fa raha avy tampoky Izy, da k'ampahitagny anareo matory Izy. ³⁷ Izay Zakaiko aminareo da zakaiko ame olo aby avao koa: Miambena!"