¹ Tamin'izany andro izany da nandeha nitory tagny ame tany foagnin'i Jodia I Jaona mpagnano Batisa magnano hoe: ² "Mibebaha, f'efa akaiky gne fanjakan'e lagnitry." ³ Fa izy gn'ilay nozakain'Isaia mpaminany, magnano hoe: "Misy feo raiky mangaiky mafy agny agn'efitry hoe: "Amboary gne lalan'e Tompo, ahitsio gne lalagny." ⁴ Sady Jaona nitafy volon-drameva sy nagnano fehikibo hoditry tamin'e vanihany. valala sy tantely remby gne nataony fihinagny. ⁵ Sady Jerosalema, Jodia manontolo, miaraky ame faritry rehetra magnodidigny gne reniranon'i Jordana da nagnatogny anazy. ⁶ Hanigny batisa tegny amin'e reniranon'i Jordana indreo, refa nagneky gne fahotagny. ⁷ Fa non'e nahita andreo Fariseo sy Sadose maro naganatogny anazy mba ho atao batisa izy, da hoy izy tamindreo hoe: "Ry taranaky menaragny feno poizigny, ia gne nampitandrigny anareo hitsoaky gne fahatezeragny izay ho avy? ⁸ Mamoaza miendriky gne fibebahagny. ⁹ Sady aza misaigny gne hizaka anankam-po hoe: "Managny an'i Abrahama ho rainay iay." Fa zakaiko aminareo fa Andriamanitry da mahavita manangagny zanaky hoan'i Abrahama ndre da avy amin'ireto vato ireto aza. ¹⁰ Sady efa napetraky ame am-pototrin'e hazo gne famaky. Da ireo hazo rehetra izay tsy mamoa tsara da ho tapahigny sady hariagny agny agnaty afo. ¹¹ Magnano batisa anareo amin'e rano ho amin'e fibebahagny iao. Fa mahery noho iao izy izay ho avy afarako, sady iao da tsy mendriky avao na da gne hinday e kapany azaky. Hagnano batisa anareo amin'e Fanahy Masina sy gne afo Izy. ¹² Efa egny an-tagnany gne fikororohagny mba hagnadiovagny gne famoloagny sady hanangonagny gne variny agny an-tsopitry. Fa izy da handoro ireo akofa amin'e afo izay tsy mety maty." ¹³ Avy eo Jesosy avy tagny Galilia da avy teo amin'e reniranon'i Jordana ho amboarin'i Jaona batisa. ¹⁴ Nefa i Jaona da nizaky nanakagny anazy, magnano hoe: "Iao e mila amboarinao batisa nefa anao avakoa me gne magnontany anà?" ¹⁵ Jesosy namaly sady nizaka taminazy hoe: "Ekeo izany amin'izao fotoagny izao, fa iao gne mety amintsika hahatanteraky gne fahamarinagny agnaby." Avy eo Jaona nagneky anazy. ¹⁶ None vita batisa Izy, da nibohaky gne rano avy hatrany Jesosy, sady igny, hisokatry taminy gne lagnitry. Hitany gne fanahin'Andriamanitry nidigny akô e voromailala sady nankeo amboniny. ¹⁷ Sady igny, nisy feo avy agny an-dagnitry nagnano hoe: "Ity gne Zanako malalako. Izay sitrako indrindra."