¹ Fa gne fanjakan'e lagnitry da akô gne tompon-tany izay nandeha vao mandraigny be hagnakarama nge mpiasa ho an'e tanim-boalobokiny. ² Refa avy nifagnarsky tamindreo mpiasa izy fanhk denaria raiky isanan'asro gne karamandreo, da nalefany tagny amin'e tanim-boalobokiny indreo. ³ Nijotso indraiky izy tamin'e lera fahatelo sady nahita mpiasa hafa nitsangagny ta-bazary. ⁴ Hoy izy tamindreo ho: "Anareo koa, mandehana agny amin'e tanim-boaloboky, sady izay an-keviny marigny da ho omeko anareo.' Da nandeha niasa indreo. ⁵ Mbola nijotso indraiky izy tamin'e lera fahahenigny sady koa tame fahasivy, sady nagnano akô izany avao. ⁶ Tame lera faharaiky ambiny folo da nijotso indraiky koa izy sady nahita mpiasa hafa nitsangagny. Hoy izy tamindreo hoe: 'Nagnino anareo mitsangagny etoa mandritry gne tontolo andro?' Hoy indreo taminazy hoe: 'Tsy misy olo nagnakarama iay.' ⁷ Hoy izy tamindreo hoe: 'Anareo avakoa mandehana agny ame tanim-boaloboky.' ⁸ Refa avy gne hariva, da nizaka tame mpitandrin-draharahany gne tompon'e tanim-boaloboky hoe: 'Angeo ireo mpiasa ireo da meo e karamandreo, manomboky ame farany izay vao mandeha ame vôlohany.' ⁹ Refa avy ireo mpiasa izay nampody tame lera fiharaiky amby folo, da nahazo denaria raiky gne tsikiraikiraiky aby indreo. ¹⁰ Refa avy ireo mpiasa vôlohany, da nihevitry fa hahazo mihôtry indreo, kanefa indreo avakoa da nahazo denaria raiky aby gne tsikiraikiraiky. ¹¹ Refa nahazo gne karamandreo, da nataraigny momba e tompon-tany indreo. ¹² Hoy indreo: 'Ireo mpiasa farany ireo da niasa lera raiky avao, nefa da nampitovisiny taminay indreo, iay izay ninday gne vesatry e tontolo andro sy niharitry hain'andro.' ¹³ Fa namaly gne tompon-tany da nizaka e raiky tamindreo hoe: ' Ry namagny, tsy magnano izay tsy mety aminao iao. Tsy denaria raiky me gne nifagnarahanao taminà? ¹⁴ Raiso izay anao sady zory gne lalagninao. Iao da nifady gne hagnome ho an'ireo mpiasa nokaramaigny farany akô gn'anao avakoa. ¹⁵ Tsy manan-jo ame tiako anigny amin'e gnanà me iao? Sa mialogny me anareo satria malala-tagna iao?' ¹⁶ Da gne farany da ho vôlohany, sady gne vôlohany ho farany. " [ Fagnamarihagny: Gne fandikan-teny taloha tena tsara da mangalaky gne hoe: " Maro gne nangegny fa kidy gne voafidy."] ¹⁷ Râ hiala ho agny Jerosalema Jesosy, da nangalaky gne roy amby folo lahy Izy, sady tegny an-dalagny Izy nizaka tamindreo hoe: ¹⁸ "Indro, hiakatry ho agny Jerosalema isika, sady gne Zanak'Olo da hatolotry eo ame lohan'e mpisorogny izy ame mpanora-dalàgny. Indreo da hagnameloky Anazy ho faty ¹⁹ sady hanolotry Anazy aminareo Jentilisa da hiomehezahny, ho vangohigny, sady hofantsiagny Anazy ame kakazofijaliagny. Fa amign'andro fahatelo dz hitsangagny indraiky Izy." ²⁰ Avy eo gne renin'e zanaky lahin'i Zebedio nagnatogny an'i Jesosy niaraky tame zanany lelà. Niankohoky teo agnantrehany izy sady nangataky zavatry avy Aminazy. ²¹ Hoy Jesosy taminazy hoe: " Ino gn'irinao?" Hoy izy taminazy hoe: "Mandidia mba himpetrahan'ireto zanako lelà roy ireto, gne raiky an-tagnanao ankavanagny sady gne raiky an-tagnanao ankavia, ao ame fanjakano." ²² Fa Jesosy namaly sady nizaka hoe: "Tsy fantatrareo gne raha angatahinareo. Afaky gne hindrano e kapoaky izay hindranomako me anareo?" Namaly indreo hoe: " Afaky iay." ²³ Ho Izy tamindreo hoe: " Hindrano ame kapoakiko tokôtry anareo. Fa gne hipetraky eo an-tagnako anankavanako sy ankaviako da tsy anjarako gne magnome, fa an'ireo izay efa nomagnin'e Raiko." ²⁴ Refa nahare izany ireo mpianatry folo lahy hafa, da vignitry mafy tamindreo mpiralà roy. ²⁵ Fa Jesosy nangahiky andreo andeha aminazy sady nizaka hoe: " Fantatrareo fa ireo mpanapak'ireo Jentilisa da hangeja andreo, sady ireo lelà manan-danjan-dreo da hampianatry gne fahefagny gn'amindreo. ²⁶ Fa tsy tokony ho akô izany gn'aminareo. Mifanohitry amizany, ndre ia ndre ia magniry gne ho lasa zakabe inareo da tsy maintsy ho mpanomponareo, ²⁷ sady ndre ia ndre ia magniry gne ho vôlohany aminareo da tsy maintsy mpanomponareo, ²⁸ akô gne Zanak'Olo tsy avy ho tompoigny, fa hanompo, sady hagnome gn'ainy mba ho vidim-panavotagny ho an'e maro." ²⁹ Râ nibôky avy agny Jeriko indreo, da fonkonolo maro gne nagnaraky Anazy. ³⁰ Nisy lelà jamba roy nidoboky tamoron-dalagny. Refa nahare fa nandalo Jesosy, da nitoreho mafy indreo hoe: "Tompo, zanak'i Davida, mamindra fo aminay". ³¹ Vignitry andreo gne fonkonolo, nizaka andreo mba hisigny, kanefa vao maiky indreo nangahiky mafy hoe: "Tompo zanak'i Davida, mamindra fo aminay." ³² Aveo Jesosy nijanogny sady nangahiky andreo nizaka joe: "Ino gn'irinareo ho aniko aminareo?" ³³ Hoy indreo taminazy hoe: "Tompo, mba hahita gne masonay" ³⁴ Aveo Jesosy, nangoeaky, da nikitiky gne mason-dreo. Tonga da nahita indreo sady nagnaraky Anazy.