¹ Fa gne mpisoronabe rehetra, voafidy avy tamin'e olo, da notendregny mba hiasa amign'agnaran'e olo amin'e Raha mahakasiky an'Andriamanitry, ka mba hanoloragny fagnomezagny sy fagnatitry ho an'e ota. ² Izy da afaky mifagnaraky mora amin'e tsy mahalala izy ame maniasia satria izy tegnany avakoa da voadidin'e fahalemegny. ³ Noho izany, izy avakoa da notakiagny hanolotry sorogny ho an'e otany manokagny, akô gne naniny ho an'e otan'olo. ⁴ Tsy ho an'e tegnany gne handraisan'e olo izany voninahitry zany. F'izy, izy da nantsovan'Andriamanitry, akô i Arona. ⁵ Da akô izany, Kristy tsy mba nagnome haja gne tegnany mihintsy tamin'e fagnamboarany gne tegnany ho mpisoronabe. F'izy, e raiky izay niresaky taminazy nizaka hoe: "Zanako Anao; anio da Lasa Rainao Iao." ⁶ Akô izany avakoa gne nozakainy tagny amin'e toeran-kafa hoe: "Anao da mpisorogny mandrakizay araky gne fomban'i Melkizedeka." ⁷ andritr'io andron'e nofony io, Kristy nanolotry vavaky sy fangatahagny niaraky tamin'e toreo mafy da ranomaso an'Andriamanitry, e raiky izay afaky mamonjy Anazy amin'e fahafatesagny. Re Izy nohon'e fangorahany. ⁸ Ndre da zanaky aza Izy, da nianatry fankatoavagny tamin'e Raha izay niaretany. ⁹ Nanigny ho tonga lafatry Izy da lasa, ho an'e olo rehetra izay mankato Anazy, e loharanon'e famonjegny mandrakizay. ¹⁰ Da notendren'Andriamanitry akô gne mpisoronabe Izy araky gne fomban'i Melkizedeka. ¹¹ Manan-kambara maro momban'i Jesosy iay, fa sarotry gne magnazava an'izany hatramin'e naha-lalindalovagny gne fandregnesanareo ¹² Fa amin'izao fotoagny izao da tokony ho mpampianatry anareo, anareo da mbola mila olo hampianatry anareo gne fitsipiky fototry gne hafatr'Andriamanitry. Ronono gne ilainareo, fa tsy vetin-tsakafo! ¹³ Fa gne olo izay misotro ronono fotsiny da tsy ampy traikefa amin'e hafatry gne fahamarinagny, satria izy da mbola zaza madiniky. ¹⁴ Fa gne ventin-tsakafo da ho andreo zakabe. Indreo da izay voahofagny tamin'e fagnavahagny gne tsara amin'e ratsy gne fahatakaragny nohon'e fahamatorandreo.