¹ Noho izany, Ô rahalà Masigny, nizara gne antson'e lagnitry anareo. Eritrereto gne momban'i Jesosy, gne Apostoly izy ame mpisoronabe izay ekentsika. ² Izy da nahatoky an'Andriamanitry, izay nanendry anazy, akô i Mosesy izay nahatoky tan-dragnon'Andriamanitry avakoa. ³ Fa Jesosy da efa noraisigny mendriky gne voninahitry zakabe noho Mosesy, satria izay magnorigny gne tragno no manan-kaja bebe kokoa noho e tragno. ⁴ Fa gne tragno agnaby da nisy olo nagnorigny, fa gne raiky izay nagnorigny gne Raha agnaby da Andriamanitry ⁵ Amin'e lafiny raiky, Mosesy da natokisagny akô mpanompo tan-dragnon'Andriamanitry raiky manontolo. Izy gne vavolombelogny momba gne Raha izay tokony efa nozakaigny amin'e ho avy. ⁶ Fa Kristy no Zanaky miandraikitry gne tragnon'Andriamanitry. Itsika gne tragnony raha toa ka mitazogny mafy gne herim-po izy ame fahatokiantsika itsika. ⁷ Noho izany, izany da akô gne zakain'e Fagnahy Masigny hoe: "Anio, raha mandre gne feony anareo ⁸ da ka magnamafy gne fonareo akô gne amin'e fikomiagny, amin'e fotoan'e fitsapagny agny agn'efitry. ⁹ Akô izany gne razambenareo rehefa nikomy tamign'alalan'e fitsapagny Ana, sady rehefa, nandritry gne efapolo taogny, da hitandreo gne asako. ¹⁰ Noho izany da tsy faly Iao amin'io taranaky io. ¹¹ Hoy Iao se: "Indreo da voatariky mandrakariva agny amin'e lalan-diso ao am-pony. Tsy nahalala gne lalako indreo. Akô izany gne niagniagnako tamin'e fahatezerako hoe: 'Tsy hiditry ao amin'e fitsaharako velively indreo."' ¹² Mitandrema, ô rahalà, mba tsy hisy na raiky amindreo aza gne hanagny to ratsin'e tsy finoagny, fo izay miala amin'Andriamanitry velogny. ¹³ F'izy, mifampahereza isan'andro, raha mbola misy gne antsoigny hoe: "Anio", mba tsy hisy aminareo ho mafy fo amign'alalan'e fitaky gne fahotagny. ¹⁴ Fa itsika da avy mpiara-miasa amin'i Kristy raha toa ka mitazogny mafy gne fahatokisantsika Anazy hatragny am-piandohagny ka hatramin'e fiafaragny. ¹⁵ Fa gne momba an'izany da efa voazaka hoe: "Anio, raha mandre gne feony anareo, da ka magnamafy gne fonareo, akô gne amin'e fikomiagny." ¹⁶ Ia izy izay efa nandre an'Andriamanitry ka nikomy? Fa tsy indreo rehetra izay nijotso avy tagny Egypta tamign'alalan'i Mosesy me izany? ¹⁷ Ia gne nahavignitry anazy nandritry gne efapolo taogny? Tsy indreo izay nanota me, izay lavo tagny agn'efitry gne fatindreo? ¹⁸ Ho an'ia gne niagniagnagny fa tsy hiditry ao amin'e fitsaharagny indreo, raha tsy ho andreo izay tsy nankato Anazy? ¹⁹ Hitantsika fa tsy afaky niditry tao amin'e fitsaharagny indreo nohon'e tsy finoagny.