¹ Koa raha Andriamanitry gne nanangagny anareo niaraky tamin'i Kristy, tadiavo gne raha ambony agny, izay ipetrahan'i Kristy eo an-tanan-kavanan'Andriamanitra. ² Diniho gne raha ambony agny, fa tsy gne raha eto an-tany. ³ Fa efa maty anareo, sady gne fiainanareo da mifiny miaraky amin'i Kristy ao amin'Andriamanitry. ⁴ Refa miseho i Kristy, izay fiainanareo, da anareo koa hiara-hiseho aminazy ao amim-boninahitry. [Fagnamarihagny egny ambanin'e pejy: gne dikan-teny taloha sasany mizaka hoe: "Refa miseho i Kristy, izay fiainanareo, da anareo avakoa da hiara-hiseho aminazy am-boninahitry.] ⁵ Vonoy, avy eo, indreo izay mpikambagny eto an-tany- gne filan-dratsy, fahalotoagny, firehetan'gne filagny, fagniriagny ratsy, da fahatendagny, izay fanompoan-tsampy. ⁶ Noho io raha io agnaby gne hahatongavan'gne fahavigniran'Andriamanitry amindreo zanaky gne tsy fankatoavagny. [Fagnamarihagny egny ambanin'e pejy: gne dikan-teny taloha sasany mivaky hoe: "Noho io raha io agnaby gne mahatonga gne fahatezeran'Andriamanitry.] ⁷ Tamin'io raha nandehananareo taloha io agnaby avakoa refa niaigny tao amin'izany anareo. ⁸ Fa amin'izao fotoagny izao da tsy maintsy magnary an'io raha agnaby io- fahatezeragny, fahavigniragny, gne fikasan-dratsy, gne fanevatevagny, da zaka fahavetavetagny avy amin'e vavanareo. ⁹ Ka mifampivandy, fa efa narianareo gne toetry taloha miaraky amin'e fampiharagny izany, ¹⁰ sady notafinareo gne toetry vaovao izay nohavaozigny ao amin'e fahalalagny araky gne endrik'izay namorogny izany. ¹¹ Ao amin'izany da tsy misy Grika sy Jiosy, voafora izy ame tsy voafora, barbariana, Skytiana ,andevo, olon'afaky, fa i kristy gne rehetra, sady ao amin'e rehetra. ¹² Koa, misikina, araky gne maha-olom-boafidin'Andriamanitry, masina sady malala, famindram-po, hatsaram-pagnà, fanetren-tegna, fahalemem-pagnà, da faharetagny. ¹³ Mifampitondrà tsara. Mifamelà. Raha misy olo raiky managny fitaraignagny momba gne olo hafa, mamelà ako e namelàn'ny Tompo anareo. ¹⁴ Ambonin'e raha agnaby io, manàgna fitiavagny, izay mamatotry antsika amin'e fahatanterahagny. ¹⁵ Aoka gne fiadanan'i Kristy hanapaky ao amin'e fonareo. Fa ho an'izany fiadagnagny izany gne niantsoagny anareo ho vatagny raiky. Da misaora. ¹⁶ Aoka gne zakan'i Kristy hitoetry maro be ao aminareo. Amin'e fahendregny agnaby mifampianara da mifagnanara amin'e salamo gne fihiragny izy ame hira ara-pagnà. Mihirà amin'e fisaoragny ao am-ponareo ho an'Andriamanitry. ¹⁷ Ndre ino ndre ino ataonareo, na amin'e teny na amin'e asa, anivo amign'agnaran'ny Tompo Jesosy gne rehetra. Magnomeza fisaoragny ho an'Andriamanitry izay Ray amin'e alalany. ¹⁸ E raviavy, magnekea gne vadinareo, fa izany gne mety ao amin'ny Tompo. ¹⁹ E lelà, tiavo gne vadinareo, sady ka masiaky amindreo. ²⁰ Ô anaky e, magnekea gne ray aman-dreninareo amin'e raha agnaby, fa izany gne ankasitrahagny ao amin'ny Tompo. ²¹ Ô aba, ka magnano izay mampalahelo gne zanakareo, mba tsy ho kivy indreo. ²² Andevo, magnekea gne Tomponareo araky gne nofo amin'io raha agnaby io, tsy amin'e asa eo imaso ako gne olo mpila sitraky, fa amin'e fo tsotry. Matahora gne Tompo. ²³ Ndre ino ndre ino ataonareo, miasà avy amin'e fagnànareo ako gne ho an'ny Tompo fa tsy ho an'olo. ²⁴ Lalanareo fa anareo da handray gne valisoan'e lova avy amin'ny Tompo. Izy gne Tompo Kristy izay tompoinareo. ²⁵ Fa izay magnano gne tsy fahamarinagny da handray sazy ho an'e tsy fahamarinagny izay nataony, ary tsy misy fizahan-tava.