¹ Nagneky gne fahafatesany i Saoly. da nanomboky tamio andro io gne fagnejeagny zakabe hanoheragny gne fiangonagny izay tao Jerosalema, sady gne mpino agnaby da niparitaky nagneragny gne faritry jodia izy ami Samaria, ankotrin'e Apostoly . ² Gne lelà matahotry an'Andriamanitry da nandevigny an'i Stefana sady nagnano hira fisaonagny an'azy. ³ Fa Saoly da nanimba tanteraky gne fengonagny; nitety tragno izy sady nangala gne lelà izy ame viavy, sady nandefa andreo tagny am-pigadragny. ⁴ Fa gne mpino izay niparitaky da nandeha nitory gne zaka. ⁵ Filipo da nidigny tagny ame tanam-ben'i Samaria sady nitory an'i Kristy tamindreo. ⁶ Refa naharegny sady nahita gne famataragny izay namboarin'i Filipo gne fokon' olo maro, da nifantoky tsara tamizay nozakainy indreo. ⁷ Gne fagnahy maloto da nijotso tame maro izay nidirany, nitoreo mafy, sady maro tame malemy izy ame kilemaigny gne sitragny. ⁸ Noho izany da nisy fifaliagny zakabe tao ame tanam-be. ⁹ Fa nisy lelà raiky natsovagny hoe Simona tao ame tanam-be , izay vao tselatsela gne nihira aody; matetiky nagnano raha mahagaga gne fokon'olo tao Samaria izy, refa magnambara fa izy da olo manan-danja. ¹⁰ Gne Samaritana agnaby, manomboky ame kidy indrindra ka hatrame zakabe indrindra, da niteno tsara an'azy; da hoy indreo hoe: "Io lelà io da e fahefan'Andriamanitry izay antsovagny hoe Zakabe." ¹¹ Indreo da niteno an'azy, satria izy da nahagaga andreo efa nandritry gne fotoagny ela tame gn'aodiny. ¹² Fa refa nino an'i Filipo indreo noho izy nitory gne filazantsara momban'e fanjakan'Andriamanitry izy ame gn'agnaran'i Jesosy Kristy, da nanigny batisa indreo, ndre gne lela ndre gne viavy. ¹³ Na i Simona aza da nino, sady tafaran'e nagnamboaragny batisa an'azy da nijanogny niaraky tamin'i Filipo fezay izy. Refa nahita gne famantaragny izy ame asa zakabe izay niboaky izy, da gaga. ¹⁴ Sady refa regnin'e Apostoly ao Jerosalema fa nandray gne zakan'Andriamanitry i Samaria, da nalefandreo tagny amindreo i Petera izy am'i Jaona. ¹⁵ Refa nidigny indreo, da nivavaky ho andreo indreo, mba mety handresandreo gne Fanahy Masina. ¹⁶ Fa nandrapaha avy an'izany fotoagny izany, da mbola tsy nisy nilatsahan'e Fanahy Masina indreo; fa vita batisa tame gn'agnaran'i Tompo Jesosy fotsiny avao. ¹⁷ Avy eo i Petera izy am'i Jaona da nametraky gne tagnany teo amindreo, sady da nandray gne Fanahy Masina indreo. ¹⁸ Sady refa hitan'i Simona fa gne Fanahy Masina da natolotry teo an-tagnan'e apostoly tame gn'alalan'e fametrahagny tagna, da nomeny vola indreo. ¹⁹ Hoy izy hoe: "Omeo anà avakoa izany fahefagny izany, ka izay ametrahako tagna agnaby da mety handray gne Fanahy Masina." ²⁰ fa hoy i Petera tamin'azy hoe: "Ho levogny miaraky aminao agny gne volafotsinao, satria anao nieritreritry gne hahazo gne fagnomezan'Andriamanitry ame gn'alalan'e vola. ²¹ Anao da tsy managny anjara na ampahany amizany raha izany, satria gne fonao da tsy marigny amin'Andriamanitry . ²² Noho izany mibebaha ame faharatsianao, sady mivavaha am'i Tompo, sao mba mety hamela gne fagnirian'e fonao Izy. ²³ Fa iao mahita fa anao da vôpoizignin'e lolom-po izy ame vôfatotrin'e fahotagny anao." ²⁴ Simona namaly sady nizaka hoe: "Mivavaha am'i Tompo ho anà, mba tsy hisy hiboky aminà gne raha nozakainao." ²⁵ Refa nijoro vavolombelogny sady nagnambara gne zakan'i Tompo indro, da nipody tagny Jerosalema i Petera izy am'i Jaona, nitory gne filazantsara tame tanagny maro ao Samaritana. ²⁶ Sady nisy anjelin'i Tompo nizaka tam'i Filipo sady nizaka hoe: "Mitsangana sady mandehana megnatsimon'e lalagny midigny avy agny Jerosalema megn'agny Gaza." (Io lalagny io da da agny ame tany fogny.) ²⁷ Da nitsangagny izy sady nandeha . Indro, nisy lela avy agny Etiopia, tandapan'i Kandasy, mpanjaka vavin'e Etiopiana. Izy gne nendraikitry gne haregny agnaby. Avy tagny Jerosalema izy mba hidera. ²⁸ Sady nody izy ka nipetraky teo ame saretiny, sady namaky gne zakan'Isaia mpaminany. ²⁹ Sady gne fagnahy nizaka tam'i Filipo hoe: "Mandehana sady k'aza miala lavitry an'io sarety io." ³⁰ Ka da nihazakazaky nagnatogny an'azy izy, sady naharegny an'azy namaky gne zaka tao amin'Isaia mpaminany, sady nizaka hoe: "Azonao me io vakinao io?" ³¹ Nizaka gn'Etiopiana nagnano hoe: "Akôgnaia gne hahalalako, raha tsisy olo mitari-dalagny anà?" Nengavy an'i Filipo izy mba hagnatogny gne sarety sady hipetraky hiaraky amin'azy. ³² Sady gne andalan-tsoratra masigny isay novakiny gne Etiopiana da nagnano hoe: "noetigny ho vonoigny akô gn'ondry izy ,sady akô gne zanak'ondry môgny eo aloan'e mpamono an'azy, noho izany da tsy nahazaka izy. ³³ Fa tame fangala-baraka an'azy da nesorigny tamin'azy gne rariny. Ia gne afaky hamaritry tanteraky gne taranakiny? Nohon'e gn'aigniny nesorigny teto an-tany." ³⁴ Noho izany da nagnotany an'e Tandapa i Filipo, nagnano hoe: "Magnotany anao iao, ia gne zakain'io mpaminany io, gne tegnany avao me, sa olo hafa?" ³⁵ Nanomboky nizaka i Filipo, sady nanomboky tamizany soratra masina izany gne nitoriany gne filazantsara momba an'i Jesosy tamin'azy. ³⁶ Refa nandeha tegny an-dalagny indreo, da nagnatogny tegny amizay nisy rano indreo sady hoy gne tandapa hoe: "Io , misy rano eto. Ino gne manakagny anà tsy ho anigny batisa?" ³⁷ (Fagnamarijhagny: Hoy i Filipo hoe: "Raha mino ame fonao agnaby anao, da afaky anigny batisa." Gne Etiopiana namaly hoe:"Mino iao fa Jesosy Kristy gne Zanak'Andriamanitry.") ³⁸ Ka nasain'e Etiopiana najanogny gne sarety. Nidigny negn'agny ame rano indreo, i Filipo izy ame tandapa, sady nanin'i Filipo batisa izy. ³⁹ Refa niala gne rano indreo, da nentin'e Fagnahin'i Tompo i Filipo, ka tsy hitan'igny tandapa igny sanaky izy, fa nandeha tame fifaliagny tegny ame lalagniny. ⁴⁰ Fa i Filipo da nibôky tagny Azota sady nitety an'io faritry io izy, nitory gne filazantsara magneragn'e tanam-be agnaby mandra-pahaviny tagny Kaisaria.