¹ Da Petera sy i Jaona niakatry tame fiangonagny tamin'e lera fivavahagny, gne lera faha sivy. ² Da nisy lela raiky nalemy hatramin'gne nahateraky anazy netigny isan'andro tame Vavahady Tsaran'endriky e fiangonagny, mba hangataky fagnomezagny ara-bola amin'gne olo izay mandea am-piangonagny. ³ Rehefa naita an'i Petera sy Jaona izay handeha hiditry gne fiangonagny, da nangataky fagnomezagny ara-bola tamindreo izy. ⁴ Nagnety gne masony niaraky tamin'i Jaona i Petera da nizaka hoe: "Iteo iay" . ⁵ E lela malemy nagnety andreo, nagnategna gne ahazo avy amindreo. ⁶ Nefa i Petera nizaka hoe: "Volafotsy sy Volamena gne tsy hanagnako, nefa gnanagnako, gne homeko anao. Amin'gne agnaran'Jesosy Kristy avy a Nazareta, mandiana." ⁷ Nandray anazy tame tagnany hakavanagny, i Petera nanagnagny anazy, tonga da lasa natanjaky gne tongotrin'e lela sy gne kitrokeliny. ⁸ Nitsambikigny, e lela malemy da nitsangagny da nanomboky nandea; sady niaraky niditry tamin'i Petera sy i Jaona tam-piangonagny izy, nandea, nitsambikigny, sady nidera an'Andriamanitry. ⁹ Gne olo marobe da nahita anazy nandea sy nidera an'Andriamanitry. ¹⁰ Tsikaritrin-dreo fa izy e lela nangataky fagnomezagny ara-bola tamin'olo tame Vavahady Tsaran'gne fiangonagny; da tena gaga sy talanjgny indreo nohon'gne ra nitranga taminazy. ¹¹ Da noho izy nitazogny an'i Petera sy Jaona gneolo marobe da nitarodrotry nagnatogny andreo tame fialofagny izay nantsoigny hoe fialofan'i Solomona gne olo marobe, sady tena gaga. ¹² Rehefa naita anizany i Petera da namaly gn'olo hoe: "Anareo vahoakan'Israely, nagnino ra gaga anareo? Nagnino gne masonareo ra mandiniky anay, ako hoe herinay na fahamasinanay manokangny gne nampandeha anazy? ¹³ Gne Andriamanitry Abrahama, sy an'Isaka, da an'i Jakoba, gne Andriamanitrin'gne raintsika, nagnome voninahitry an'i Jesosy mpanompony. Izy gne natolotrinareo sy nolavinareo tanoloan'i Pilato, tamin'izy nanapa-kevitrygne handefa anazy. ¹⁴ Nolavinareo gne raiky izay Masina sy Maria da naleonareo nangataky gne mpamono olo mba ho alefa ho anareo. ¹⁵ Novonoinareo gne Mpagnorigny e fiainagny, izay natsangan'Andriamanitry tame maty_da vavolombelon'izany iay. ¹⁶ Amizao, nohon'gne finoagny amin'gne agnarany_ gne lela izay hitanareo sy fantatrinareo_igny agnaragny igny avao gne nahatonga anazy hahery. Gne finoagny avy amin'i Jesosy gne nagnome izao fagnasitragnana feno izao ho anazy agnatrehanareo marobe. ¹⁷ Amizao, ralah, fantariko fa nagnano izany anareo nohon'gne tsy fahalalanareo, ako gne nanin'gne mpitondraanareo avakoa. ¹⁸ Fa gne ra izay nozakain'Andriamanitry mialoa tame vavan'gne mpaminany marobe, hoe tokony hojaly e Kristy, da efa tanteraky aminizao. ¹⁹ Mibeba, noho izany, da miveregna, mba ho vofafa gne fahotanareo, mba ho tonga gne fotoagny mahavelombelogny anatrehan'gne Tompo; ²⁰ da handefa an'e Kristy izay voatendry ho anao izy, da i Jesosy. ²¹ Izy gne tsy mentsy ho resin'gne lagnitry ambara-pahatongavan'gne lera fameregnana ame loany gne ra marobe, momban'gne ra nizakain'Andriamanitry taloa tame vavan'gne mpaminany masina. ²² Nizaka marina i Mosesy hoe: 'Gne Tompo Andriamanitry da hanagnagny mpaminany ako ana avy amin'gne rahalanareo. Anareo hiteno gne ra marobe izay ho zakainy aminareo. ²³ Hitranga gne hoe gne olo marobe tsy miteno izany mpaminany izany da ho ringagny tanteraky tsy ho ao amin'olo.' ²⁴ Eka, da gne mpaminany marobe nanomboky tamin'i Samoela sy gne zay tonga tafarany, da nizaka mafy sy nagnambara gne andro. ²⁵ Anareo gne zanakin'gne mpaminany sy gne fagnekegny izay nanin'Andriamanitry tamin'gne razambe, araky gne nozakainy tamin'i Abrahama hoe: 'Ame tarankinao da ho tahigny gne fianakaviagny marobe eran-tany.' ²⁶ Tafaran'gne nananganan'Andriamanitry gne mpanompony, da nandefa anazy ho anareo aloha izy, mba hita anareo ame fialanareo amin'gne faharatsianareo."