¹ Raha nikoragny tamin'gne fokonolo i Petera sy Jaona, da tonga gne mpisorogny sy gne lehiben'gne mpiambigny e fiangonagny da gne Sadoseo. ² Vignitry be indre noho i Petera sy Jaona nampianatry gne fokonolo sy nitory gne fitsanganagny ame maty tamin'gne alalan'i Jesosy. ³ Nosamborigny indreo da nihiditry tam-ponja mandrapahatongan'gne marina, satria efa hariva gn'andro tamin'izany. ⁴ F'izy maro tamin'olo naharegny gne hafatry e nino; da gne isan'e lela izay nino da dimy arivo teo ho eo. ⁵ Da omarain'igny da niotriky ta Jerosalema gne mpanapakin-dreo, olombe da gne mpanora-dalagny. ⁶ Teo i Anasy mpisoronabe, Kaiafa, Jaona, sy Aleksandro sy gne marobe havan'gne mpisoronabe. ⁷ Ra nalefa tategnategnany i Petera sy Jaona, da nagnotany andreo hoe: "Aminin'gne hery ino, na amin'gne agnaragny ino, gne nagnamboaranareo anizany?" ⁸ Aveo i Petera, feno gne Fagnahy Masina, da nizaka andreo hoe: "Anao mpanjaka e fokonolo, sy gne lohologny, ⁹ raha nagnotaniagny momban'gne asa soa naninay tamin'io lela narary io iay tamin'io andro io_tame fomba akoignaia gne nahasitragny io lela io? ¹⁰ Da aoky ho fantatry nareo marobe da gne fokonolon'Israely maro, fa tamin'e agnaran'i Jesosy Kristy avy agny Nazareta, izay nifantsianareo, gne natsangan'Andriamanitry tame maty_tamin'e alalany gne ijoroan'ity lela ity amasonareo etoa.' ¹¹ Jesosy Kristy da vato izay naninareo mpanagnatragno tsinotsinona f'izy efa nanigy ho loahan'gne vato fehizoro. ¹² Da tsy misy famonjegny avy ame hafa, fa tsy misy agnaragny hafa ambanin'gne lagnitry nomen'e olo izay tsy maintsy havovonjy antsika". ¹³ Da rehefa nahita gne fasahian'i Petera sy Jaona indreo, da natsapa fa olo tsotry, olo tsy nianatry, da gaga indreo, nahafantatry fa niaraky tamin'i Jesosy i Petera sy Jaona. ¹⁴ Satria indreo naita e lela izay sitragny nitsanga niaraky tamindreo, da tsy naita ho zakaigny hanoheragny izany indreo. ¹⁵ Fa rehefa avy nandidt gneapostoly hiala gne fivorian'gne filan-kevitry indreo, da nifampikoragny indreo. ¹⁶ Hoy indreo hoe: "Ino gne tokony ho anigny am'itoa lela toa? Nohon'gne fahagagagny vita tamn'gne alalan-dreo da fantatrin'gne olo maro mipetraky Jerosalema etoa, da tsy hafaky manda anizany isika. ¹⁷ Fa mba tsy hiparitahan'izany amin'gne fokonolo, da hatsika isika hampitandrigny andreo mba tsy hizakan-dreo izany agnaragny izany esanaky. ¹⁸ Nangiagny hiditry Petera sy Jaona da nizakainy indreo tsy nizaka sy tsy hampianatry amin'gne agnaran'i Jesosy esanaky. ¹⁹ F'izy namaly andreo i Petera sy Jaona nizaka hoe: "Raha marigny anatrehan'Andriamanitry gne magneky anareo mihoatry Anazy, da anareo gne mitsara. ²⁰ Tsy hafaka gne hijanogny tsy hizaka gne momba e ra hitanay st regninay iay." ²¹ Tafaranin'gne fampitandremagny an'i Petera sy Jaona, da napetraky nandea indreo. Fa tsy nahita ra hagnasaziagny andreo indreo, satria nidera an'Andriamanitry gne fokonolo nohon'gne ra vitany. ²² E lela niagny gne fahagagagny sy fagnasitranagny da nihotry gne efa-polo taogny. ²³ Tafaran'gne nagnafahagny andreo, da tonga tame fokonolo i Petera sy Jaona da notaterigny andreo gne ra nizakain'gne lohan'e mpisorogny sy gne lohologny tamin-dreo. ²⁴ Rehefa regnin-dreo izany, da niaraky nanandratry gne feon-dreo ho an'Andriamanitry indreo da nizaka hoe: "Tompo, anao gne nagnano e lagnitry sy e tany sy gne ranomasigny, sady gne ra marobe aminazy. ²⁵ Nizaka tame alalan'gne Fagnahy Masina tamin'gne vavan'e mpanomponao, gne raintsika Davida Anao hoe: 'Nagnino vignitry gne firenena Jentilisa, sy gne olo mieritreritry ra tsy misy ilagny anazy?' ²⁶ Anareo mizaka hoe: Gne Mpanjakan'gne tany da nitambatry, da gne mpanapaky da nivondrogny hanihitry e Tompo, sy hanohitry gne Kristianina.' ²⁷ Fa efa i Heroda sy Pontsy Pilato, izay niaraky tamin'gne jentilisa sy gne fokonolon'i Israely, gne nivory tatanagny hanohitry an'i Jesosy mpanomponareo, izay nosoranareo. ²⁸ Niaraky nivory indreo mba hagnano gne ra maro nanin'gne tagnanareo sy gne drafitry nareo izay izay efa notahin-dreo ho anigny mialoha. ²⁹ Amizao, Tompo, iteo gne fampitandreman-dreo da omeo gne mpanomponao mba hizakany e zakanao ame fasahiagny tanteraky. ³⁰ Amparo gne tagnanao mba hagnasitragny, da hagnome gne famantragny sy fahagagagny ame alalan'e agnaran'i Jesosy mpanomponao masina." ³¹ Rehefa avy nivavaky indreo, da nihozongozogny gne toeragny nivorian-dreo, da feno gne Fgnahy Masina indreo marobe da nizaka tame zakan'Andriamanitry ame fasahiagny. ³² Da raiky fo sy fagna gne olo marobe izay nino. Tsy nisy nizaka fa gne ra izay azony da anazy raiky, fa ra niarahan-dreo nanagny. ³³ Niaraky tame hery zakabe gne nagnambaran'gne apostoly e fijoroan-dreo vavolombelogny momba gne fitsanganan'i Jesosy Tompo tame maty, sady fahasoavagny zakabe gne tamindreo marobe. ³⁴ Tsy nisy olo sahiragny tamin-dreo, fa izay nanagny tany na tragno da navidy sady nitondra gne volon'e ra lafo. ³⁵ Da napetraky tame tongotrin'e apostoly, sady nozaraigny tame olo kiraikiraiky arakin'gne ilain-dreo ³⁶ Josefa, Levita raiky, lela avy ta Sipra izay natsovan'e apostoly hoe Barnabasy (izay midika hoe Zanaky lelan'gne Fampaherezagny), ³⁷ nivarotry tany sy nitondra gne vola da nametraky anazy tame tongotrin'gne apostoly.