¹ Tafaran'e dimy andro, Ananiasy ilay mpisorogny be, indreo loholo sasany, ary mpikabary angiagny hoe Tertylo da nandeha tagny. Ireo lelà ireo da ninday fitoriagny an'i Paoly tankatrefan'e governora. ² Rehefa nitsangagny tankatrefan'e governora i Paoly, da nanomboky nitory anazy i Tertylo ka nizaka tamin'e governora hoe: "Noho anao da managny fiadanagny zakabe anay, ary gne fahitanao da minday fagnovagny tsara amin'e firenegninay eo; ³ ka am-pankasitrahagny tanteraky gn'andraisanay e raha aby izay aninao, rô Feliksa tsara indrindra. ⁴ Mba tsy hitazomako anareo ela lotry, da nangataky fotoagny kidikidy aminareo iao mba hiteno anà am-pahatoniagny. ⁵ Fa io lelà io da hitanay fa mpagnakorontagny ary raiky ame nitariky gne Jiosy aby magneragny an'izao tontolo izao hitokogny. Izy e mpitariky gne sekta Nazareana. ⁶ Da izy avakoa e niezaky gne handoto e tempoly, ka dia nosamborinay izy. (Fagnamarihagny: Gne antonta-tarstasy aby taloha da nagnampy hoe: "Tianay ho tsaraigny arak'e lalàgninay izy.") ⁷ (Fagnamarihagny: Gne antonta-tarstasy taloha da ahitagny ao ame gnandininy faha 7 hoe: "Fa Lysia, mpiandraikitry, avy ary nangala anazy an-keriny tame tanàgninay.") ⁸ Rehefa magnontany an'i Paoly mikasiky gne raha aby io anao, da ho fantanao gne mikasiky gne fitoriagny naninay momba anzy aby io. " (Fagnamarihagny: Gne antonta-tarstasy taloha da nagnampy ao ame andininy faha 8 hoe: "Nandefa anay teo aminao.") ⁹ Indreo Jiosy avakoa da nagnampy trotraky gne fitoriagny io, sady nagnamafy fa marigny aby izany. ¹⁰ Fa rehefa nitondroin'e mpanapaky hizaka i Paoly, da namaly i Paoly hoe: "Fantanao fa anao da efa avy mpitsara teto am'ity firenegny ity nandritry gne taogny maro, da faly gne tegnako magnazava aminao. ¹¹ Ho fantanao fa tsy mbola nihoatry gne roy ambin'ny folo andro izay e neresako nidera ta Jerosalema. ¹² Rehefa hitan-dreo tao an-tempoly iao, da tsy niady hevitry ndre taminia ndre taminia iao, sady tsy namporisiky gne vahoaky, ndre tamine Synagoga, na t'antanàgny. ¹³ Tsy afaky magnaporofo aminareo fitoriagny izay aniny amina amizao indreo. ¹⁴ F'izy iao magneky izao aminao, araky gne Fampianaragny izay angian-dreo hoe sekta, da akô izany avakoa gne hanompoako gne Andriamanitry gne razambetsika. Iao da mahatoky amin'e gn'olo aby izay ao ame lalàgny sy gne voasoratrin-dreo mpaminany. ¹⁵ Managny e fahatokiagny an'Andriamanitry akô ireo olo ireo iao, fa hisy gne fitsanganan'e marigny sy gne ratsy fagnahy ame maty. ¹⁶ Noho izany iao da miezaky mandrakariva mba hanagny fisaignagny madio eo agnatrehan'Andriamanitry sy gn'olombelogny. ¹⁷ Da tafaran'e taogny maro da avy iao hinday fagnampiagny ho an'e fireneko sy fagnomezagny ara-bola. ¹⁸ Rehefa vitako izany, nisy jiolahy vitsivitsy avy agny Asia nahita anà tame fetin'e fagnadiovagny tao ame tempoly, tsy niaraky tame fokonolo na tabataba. ¹⁹ Ireo olonireo da tokony ho eo ankatrefanareo amin'izao da izaka izay hitorian-dreo anà, La managny raha indreo. ²⁰ Na koa, io olo maro io avao gne tsy tokony hizaka gne raha hitan-dreo tsy mety aty aminà rehefa nitsangagny teo ankatrefan'e filan-kevitrin'e Jiosy iao, ²¹ raha tsy hoe momba gne raha raiky izay nihikiako rehefa nijoro tategnategnan-dreo iao: 'Izany da mikasiky gne fitsanganan'e maty izay hitsaragny anà eto ankatrefanareo androany. ' ²² Ary Feliksa, izay nampafantarigny tsara momba gne Fampianaragny. Izy da nizaka hoe: 'Rehefa midigny avy e Jerosalema i Lysia mpandidy, da nanapa-kevitry gn'amin'e raharahanao iao." ²³ Avy eo izy nandidy e kapiteny fa i Paoly da tokony hembenagny, fa mba hisy fahafahagny da tsy hisy amindreo namany ho sakagny ame fagnampiagny izay raha ilainy. ²⁴ Andro vitsivitsy tafaran'izay, da niverigny niaraky tamin'i Drosila vadiny i Feliksa, izay viavy Jiosy, da nalefa ho an'i Paoly izy sady naregny taminazy momba gne finoagny ao amin'i Kristy Jesosy. ²⁵ Fa rehefa niady hevitry niaraky tamin'i Paoly momba gne fahamarinagny, fahononan-tegna, sy gne fitsaragny ho avy, da lasa nalia i Feliksa da nizaka hoe: "Mandeana manomboka izao. Fa rehefa managny fahafahagny iao afara ao, da handefa ho anao. " ²⁶ Nandritry an'izany fotoagny zany avao, da nagnantegna izy fa hagnome vola anazy i Paoly, nohonizany da nandefa ho anazy matetiky izy sady nikoragny taminazy. ²⁷ Fa rehefa afaky roy taogny, da lasa governora nandimby an'i Feliksa i Porsio Festosy, f'izy Feliksa te ahazo sitraky tame Jiosy, da navelany ho hembenagny avao i Paoly.