¹ Amin'izany fomba izany, anareo viavy da tokony hagneky e vadinareo. Amboaro izany ndre da misy lela maro tsy magnaraky zaka, sady mety ho azo indreo ndre da tsy misy e zaka, amin'e alalan'e fitondran-tegnan'e vadindreo. ² Fa indreo da hahita e fitondran-tegna mendrikinareo am-pagnajagny. ³ Aoka izany ho tanteraky tsy miaraky ame haingo ivelany: rongo, rojo volamena, na akanjo lamaody. ⁴ Fa, aoka izany ho tanteraky miaraky amin'izay am-pon'olo, sady e hagnatsaragny maharitr'e fagnahy tsara sady mangigny, izay zarobidy eo agnatrehan'Andriamanitry. ⁵ Fa e viavy masigny taloha e nandravaky e tegnandreo akoizany. Nanagny fahatokisagny an'Andriamanitry indreo sady nagneky e vadiny agnaby. ⁶ Akoizany fomba izany e nagneken'i Abrahama an'i Saraha sady nangiany anazy ho tompony. Anareo da zanany amin'izao fotoagny izao raha magnano izay tsara sady tsy matahotry olagny. ⁷ Akoizany avao, anareo lelà da tokony miaigny miaraky ame vadinareo arak'e fahazavan-tsaigny, ako e fanaky malemy kokoa e viavy. Tokony omenareo voninahitry indreo ako e mpiara-mandova e fagnomezan'e fiainagny. Amboaro izany mba tsy ho voasakagny e vavakinareo. ⁸ Farany, anareo aby, miraisa saigny, hifampiferign'aigny, hifankatia ako e mpirahalà, ho tso-po, da hanetri-tegna. ⁹ Ka mamaly ratsy e ratsy na manevateva e mpanevateva. Mifanohitry amin'izany aza, mitahia avao, fa noho izany e nangiagny anareo mba hahafahanareo mandova e fitahiagny. ¹⁰ "E raiky izay te hankafy e fiainagny sady te hahita andro tsara da tokony hampijanogny e lelany ame ratsy izy ame molotriny ame fizakagny fitaky. ¹¹ Aleo izy hiala ame anigny hoe ratsy sady hagnano izay tsara. Aleo izy hitady fiadanagny sady hitaky izany. E mason'e Tompo da mahita e marina, da e sofiny da mahare e fangatahandreo. ¹² Fa e tarehin'e Tompo da manohitry izay magnano ratsy." ¹³ Ia e raiky hamely anareo raha magniry e hagnano e tsara anareo? ¹⁴ Nefa raha mijaly nohon'e fahamarinagny anareo, da sambatry. Ka matahotry izay hatahorandreo. Ka mangitakitaky. ¹⁵ F'izy, atokano ako e masigny am-ponareo e Tompo Kristy. Mivognona avao hamaly gn'olo agnaby izay magnontany anareo e antony hatokisanareo an'Andriamanitry. Anio ame halemem-pagnahy sady fagnajagny izany. ¹⁶ Manàgna feon'e fieritreretagny madio mba ho megnatry gn'olo izay manevateva e fiainagny tsaranareo ao amin'i Kristy satria mizaka manohitry anareo indreo ako e mpagnano ratsy anareo. ¹⁷ Tsara kokoa, raha Andriamanitry e magniry, fa mijaly anareo ame fagnamboaragny e tsara nohon'e fagnamboaragny ratsy. ¹⁸ Efa nijaly nohon'e fahotagny avakoa i Kristy. Izy izay marina da nijaly ho antsika, izay tsy marina, mba hitondrany antsika eo amin'Andriamanitry. Novonoigny tame nofo Izy, fa novelomin'e Fagnahy. ¹⁹ Tame alalan'e Fagnahy, da nandeha izy da nitory ho an'e fagnahy izay agny am-pigadragny amin'izao fotoagny izao. ²⁰ Tsy nagneky indreo rehefa nandigny e faharetan'Andriamanitry tame andron'i Noa, tame andron'e fananganagny sambofiara, da Andriamanitry namonjy olo vitsy _ fagnahy valo _ tame rano. ²¹ Izany e famantaragny e batisa izay mamonjy anareo amin'izao fotoagny izao_tsy ako e fagnadiovagny e loto ame vatagny, fa ako e haikin'e feon'e fieritreretagny ho amin'Andriamanitry_tame alalan'e fitsanganan'i Jesosy Kristy tame maty. ²² Kristy da eo an-tagn'ankavanan'Andriamanitry. Niakatry an-dagnitry izy. E anjely, e manam-pahefagny, da e hery da tsy maintsy magneky an'Azy.