¹ Ralahy, laha gny tiany gny foko da gny angataiko amy Zagnahary ho andreo, da gny famonjena andreo. ² Fa mitsangana vavolombelogna momba andreo iao fa mafana fo ho amy Zagnahary indreo, nefany tsy avy amy gny fafantarany. ³ Fa tsy malala gny famarignan`i Zagnahary indreo io, sady mikatsaky ametraka gny famarignandreo raika avao. Tsy magneky gny famarignany zagnahary indreo io. <sup>4</sup> Fa Kristy gny favitany gny lalàgna ho famarignana ho any zay mino aby. <sup>5</sup> Fa Mosesy manoratra momba gny famarignana zay avy amy gny lalàgna hoe: "Gn`olo zay magnano gny famarignany lalàgna da iaigna amy zany famarignana zany. ⁶ Fa gny famarignana zay avy amy gny finoana da mizaka hoe: "Aza mizaka an`izao ao agnatiny fony hoe: 'Ia gn`iakatra agny andanitra?' (zany da, mapidigna any Kristy); ⁷ sady aza mizaka hoe: "Ia gn`idigna agny amy gny laligna?"" (zany da, mapiakatra any Kristy amy gny maty). <sup>8</sup> Fa ino gny ho zakainizany? "Akekinao eo gny zaka, agnaty vavanao sady agnaty fonao." Zany gny zakany gny finoana, zay voazakany. <sup>9</sup> Fa laha amy gny vavanao gny agnekenao any Jesosy ho Ragnandria, sady mino amy gny fonao fa natsangana Zagnahary tamy gny maty Izy, da vôvonjy anao. <sup>10</sup> Fa amy gny fo gny inon`olo gny famarignana, sady amy gny vava gn`agnekeny gny famonjena. <sup>11</sup> Fa hoy gny Soratra Masigna hoe: "Tsy ho megnatra zay raha aby misy Anazy." <sup>12</sup> Fa tsisy fampifagnavahana amy gny Jiosy da gny Grika. Fa izy Ragnandria raika avao gny tompony gny raha aby zao, sady aregnam-pasoavana ho any izy aby magnentso Anazy Izy. <sup>13</sup> Fa zay magnentso gny agnarany Ragnandria gny ho vonjena. <sup>14</sup> Otrany gn`aia zany gn`ahezandreo magnentso Anazy zay tsy ninoany? Otrany gn`aia gn`ahezandreo mino Anazy zay tsy regnindreo? Otrany gn`aia gn`ahezandreo maregny laha tsisy mpiapanga? <sup>15</sup> Sady ôtrany gn`aia ahezandreo matory, laha tsy nisy nagniraka? Avy amy gny voasoratra hoe: "Ah zalay gn`atsarany gny tongotrandreo magnambara gny raha tsara any gny filazantsara!" <sup>16</sup> Kanefany ts`izy aby gny nitno gny filazantsara. Fa hoy Isaia hoe: "Ragnandria, ia gny nino gny afatra?" ¹⁷ Laha zany gny finoana da avy amy gny fitenona, sady gny fitenona avy amy gny zakany Kristy. ¹⁸ Hoy iao hoe: "Kaiky tsisy naheno indreo io?" Eka, da marina ka. "Gny feondreo da efa nivôka magneragnany tany, sady gny zakandreo tonga avy agny amy farany zao aby zao agny." ¹⁹ Ambadiky zay, hoy iao hoe: "Kaiky tsy nalala gn`Israely?" Tamy zany vôloany Mosesy nizaka hoe: "Anôviko ho saropiaro amy zay tsy firenena mintsy anareo. Amy gny firenena zay tsisy falalana, anôviko tonga amy gny favignirana anareo. <sup>20</sup> Sady eo vô masahy tokôtry Isaia laha efa nizaka izy hoe: "Hitandreo zay tsy nikatsaka iao. Nibky tamindreo zay tsy nagnontany anà iao." <sup>21</sup> Fa hoy izy tamy gn`Isaely hoe: "Efa ela gny nagnaparako gny tagnako tamy gny`olo tsy mankasitraka sady maditra."