1 Ry Galatiana Adala! Iza no namosavy anareo? Teo imasonareo indrindra no nanehoana an`i Jesosy Kristy vohombo. 2 Izao hany no zavatra tiako ianarana amindreo: Nandray gny Fagnahy tamin`ny asan`ny lalana sa tamin`ny finoana zay regninareo nareo? 3 Mola tokoa ve nareo? Niatomboka tamin`ny Fagnahy nareo, da hifaragna amy gny nofo ve amin`zao? 4 Moa niaritra zava-maro tamin`ny tsy misy dikany ve nareo_fa raha tagna zava-pogna tokoa ary zany? 5 Moa ve izy zay magnome gny Fagnahy nareo sy manao asa magaga eo amindreo da manao zany amin`ny asan`ny lalagna, sa amy gny fihaognana amigny finoagna? 6 Akô an'i Abrahama "nino an`i Zagnahary ary nisaigna ho fahamarinany zany," 7 da mitovy zany, lalanao, fa reo zay amy gny finona da zanak`i Abrahama. 8 Gny Soratra Masna, nahita mialoha fa Zagnahary hanamarina reo Jentilisa amy gny finoana, da nitory gny filazantsara aloha tamin`i Abrahama, nizaka hoe: "Avy aminao gno hitahina gny firenena rehetra. " 9 Ka, reo zay amy gny finona da voatahy miaraka amin`i Abrahama, lay olon`ny finona. 10 Reo zay miankina amy gny asan`ny lalagna da eo amban`ny ozona; fa voasoratra hoe: "Vohozogna zay rehetra tsy magneky gny zavatra rehetra voasoratra ao anatin`ny bokin`ny lalagna, sy manao ny." 11 Amin`zao da manjava fa tsy misy olo zay hagnamarina eo anatrehan`i Zagnahary amy gny alalan`ny lalagna, satria gny marina da ho velona amy gny finoana. 12 Fa gny lalana da tsy araka gny finona, fa kosa, "Gny olo zay manao gny asan`ny lalana tsy maintsy velona amindreo." 13 Kristy nanavotra antsika tamigny ozon`ny lalana tamigny neveny ho ozona ho antsika_ fa voasoratra: "Vohozogna zay rehetra mihantogna amy gny hazo" _ 14 mba ho avy amy gny Jentilisa gny fitahian`i Abrahama ao amin`i Kristy Jesosy, mba ho amy gny finoana no azahoantsika lay fampanantenan`ny Fagnahy. 15 Ry ralay, avelay aho hizaka gny fanaon`ny olo. Ao amy gny fifanarahana amboarin`ny olo, tsy misy afaka manafoagna na magnampy zay ao, rehefa tafapetraky gny lalana zay. 16 Ary reo fampanantegnana da nizakaina tamin`i Abrahama sy tamin`ireo taranany. Tsy mizaka zany hoe: "ho an`ny taranaka, " manondro olo maro, fa kosa olo raika hany, "ho an`ny taranakao, " da i Kristy. 17 Ary zao no tiako ho zakana: "Ny lalàna, zay avy telo-polo sy efa-jato taogna taty afara, da tsy hahafogna gny fagnekena zay efa napetrak`i Zagnahary mialoha. 18 Fa raha avy amy gny lalàna gny lova, datsy avy amy gny fampanantenana tsony zany. Fa Zagnahary nagnome zany an`i Abrahama tamin`ny alalan`ny fampanantenana. 19 Ino, ary, gny tanjon`ny lalàna? Nasiana zany noho reo fandikan-dalana, mandra-pahavin`ny tarana`i Abrahama eo amin`zay nagnamboarana gny fampagnantenana. Ny lalàna da namboarin`ny mpanalalana ray ho manan-kery tamin`ny alalan`ny anjely. 20 Fa gny mpanalalana da midika olo mihoatra gny ray, nefa Zagnahary da raika. 21 Moa ve gny lalàna manda reo fampananten`i Zagnahary? Sagnatria zany! Fa raha nisy lalàna nomena zay afaka magnome fiainana, da tamin`ny lalàna tokoa gny fahamarinana. 22 Fa gny Soratra Masina nagnagadra gny zava-drehetra amban`ny fahotana. Nagnano zany Zagnahary mba hagnomezana ho andreo mino gny fampagnantenana gny hagnavotana antsika amy gny alalan`ny finoana an`i Jesosy Kristy. 23 Ary talohan`ny gny niavian`ny finoana, sika da nitagnany ho babo tao amban`ny lalàna, nogadraina mandra-pisehon`ny finoana. 24 Koa avy eo gny lalàna da lasa mpiambigna antsika nandra-piavin`i Kristy, mba ho voamarina amy gny finoana sika. 25 Fa zao da avy zay finoana zay, ka tsy eo amban`ny mpiambina tsony sika. 26 Fa nareo aby da zanaki`Zagnahary ao amy gny finoana an`i Kristy Jesosy. 27 Fa maro amindreo zay natao batisa tao amin`i Kristy, no nandray an`i Kristy. 28 Ary tsy misy tsony ndre Jiosy ndre Grika, ndre andevo ndre olon`afaka, ndre lahy ndre vavy, fa iraika hany nareo, ao amin`i Kristy. 29 Koa raha an`i Kristy nareo, da taranak`i Abrahama, sy mpandova araka gny fampanantenana anareo.