¹ Au mutaam ha' haruk, Jisus lavaat danau dahin atang ha' kota'-Na dap. ² Dahin, lemnang, daha' gerii' man-Hia' ji kelunaan lumpuh alang mirii' ha' nayaan da' tuduu. Teguu' lemnang iman daha', Jisus duaan ha' kelunaan lumpuh anaan, anaak-Kui, dusa ka au da' ampuni." ³ Au hiti', te' kuri ahli Taurat duaan halam kenaap na, "Kelunaan ani' menghujat!" ⁴ Tapi, Jisus jaam halam kenaap daha', dahun-Na, "Nanun pa ika' peknaap alang ja'ak halam kenaap ka? ⁵ Ano kah alang lebih melee, duaan, 'Dusa-dusa ka da' ampuni,' atau duaan, 'Biti na dahin pano na im'? ⁶ Tapi, jung ika' hamaan jaam bahwa ha' bumi Anaak Kelunaan berkuasa jung ngapon dusa." Au hti', Jisus duaan ha' kelunaan lumpuh anaan, "Biti na, juu' na nayaam tuduu', dahin laap na im!" ⁷ Maka, hia' ma'ur dahin laap. ⁸ Tapi, teguu' kelunaan kahum lemnang hal ani', daha' jadi takjub dahin memuliakam Tipang alang mai kiasa nekelung anaan man kelunaan. ⁹ Teguu' Jisus leka' man tinaan, Hia' lemnang ji kelunaan alang Matius uvi tengaah melo' ha' nayaan pehengkung pajak. Au hiti', Jisus duaan ha' hia', "Livoh na im Akui." Dahin, Matius nekring dahin livoh Jisus. ¹⁰ Teguu' do Jisus melo' kumaan ha' halam umaa' anaan, atang, au hiti' melo' kumaan peji Jisus dahin murid-murid-Na. ¹¹ Dahin, teguu' kelunaan-kelunaan Farisi lemnang hal ani', daha' duaan ha' murid-murid-Na, "Na nun pa Guru ka kumaan peji dahin lim pehengkung pajak dahin kelunaan-kelunaan bedusa?" ¹² Tapi, teguu' Jisus ngering hal anaan, Hia' duaan, "Daha' alang sayuu' jaan perlu mete' tabib, melainkan daha' alang medaam. ¹³ Namun, leka' na dahin pekale nun arti na ani', 'Akui menghendaki belas asi', bukan na persembahan,' sebab Akui atang bukan sang muvi alang laan, melainkan kelunaan-kelunaan bedusa." ¹⁴ Au hiti', murid-murid Yohanes atang ha' Jisus dahin metang, "Nanun pa kame' dahin kelunaan-kelunaan Farisi nepang, tapi murid-murid-Ka jaan nepang?" ¹⁵ Dahin, Jisus duaan ha' daha', "Hamaan kah lim pengiring pengantin berdukacita selama' hawaan lake'-lake' masih peji dahin daha'? Tapi, sang atang do na teguu' hawaan lake'-lake' anaan da api' man daha', dahin au hiti' daha' sang nepang." ¹⁶ Jaan te' ji kelunaan pun alang ngepat kain alang maring ha' hakaaw alang au daraa', kenaan kepaat anaan miraak hakaaw alang daraa' dahin tayaa' na iraak na. ¹⁷ Lim pa, jaan te' kelunaan alang muaak anggur maring ha' halam kantong belanit alang au daraa'. Ha' demikian, kantong belanit anaan sang biraak, dahin anggur na sang pa'oh, dahin kantong belanit na tasaa'. Tapi, daha' melo'k anggur alang maring ha' kantong belanit alang maring lim sehingga kedua' na sayuu'." ¹⁸ Jiarun Jisus duaan hal-hal ani' man daha', lemnang, ji pemimpin umaa' sebayaang atang dahin menyembah-Hia', dahin duaan, "Anaak doh kui maring au mate. Tapi, atang dahin lok na usuu'-Ka ha' husun hia, maka hia' murip." ¹⁹ Au hiti', Jisus biti' dahin livoh kelunaan anaan, nuti lim pa dahin murid-murid-Na. ²⁰ Dahin, lemnang im, ji doh alang au medaam pendarahan selama' puluu' dua' dumaan jelang Jisus man laung dahin mekam ujung Hakaaw-Na, ²¹ sebab doh anaan duaan ha' diri na dap, "Ha' akui mekam hakaaw-Na tua', akui hamaan sayuu'." ²² Tapi, Jisus nekulah dahin lemnang doh anaan, au hiti' duaan, "teguhkan na kenaap ka, hai anaak-Kui, iman ka au na ika' sayuu'." Seketika anaan lim pa, sayuu' na doh anaan. ²³ Teguu' Jisus atang ha' umaa' kepala' umaa' sebayaang anaan dahin lemnang li, mahaar seruling dahin kelepang kelunaan kahum alang pahawan. ²⁴ Hia' duaan man kelunaan-kelunaan anaan, "Leka' na, kenaan anaak doh anaan jaan mate', melainkan tengaah tuduu'." Dahin, daha' peksing Jisus. ²⁵ Namun, teguu' kelunaan kahum anaan au da' ugaa' musaang, Jisus mutaam au hiti' mekaam usuu' anaak anaan, dahin anaak doh anaan pun biti'. ²⁶ Dengaah purah ha' lim daerah anaan. ²⁷ Teguu' Jisus lekaa' man tinaan, dua' kelunaan buta' livoh Hia' sambel pebukak-pebukak, "Masi im kame', Anaak Daud." ²⁸ Au Hia' mutaam umaa' anaan, kedua' kelunaan buta' anaan te ha' Hia' dahin metang ha' daha', "Apakah ika' persayaa' ha' Akui hamaan na' hal ani'?" Daha' duaan dahin-Na, "Aii Tanangaan!" ²⁹ Au hiti', Jisus mete ha' mataan daha', dahun na, "Jadi na ha' ika' menurut iman ka'." ³⁰ Dahin, paap na mataan daha'. Jisus dahin tegas nebaraa' daha', "Lemnang sayuu', jaan usah te' ji kelunaan pun jaam hal ani'." ³¹ Tapi, daha' musaang dahin pedengaah berita tentang Jisus ha' seluruh daerah anaan. ³² Au na dua' kelunaan anaan musaang, lemnang im, kelunaan-kelunaan geri' ji kelunaan bisu alang putaam roh ja'ak te' ha' Jisus. ³³ Au roh ja'ak anaan da' ugaa', kelunaan bisu anaan pun duaan. Kelunaan kahum anaan jadi hiran au hiti' duaan, "Hal nekelung ani' jaan kalaak te' ha' Israel." ³⁴ Tapi, kelunaan-kelunaan Farisi duaan, "Hia' mugaa' roh-roh ja'ak dahin penguasa roh-roh ja'ak." ³⁵ Dahin, Jisus leka' keliling lim putung kota dahin desa sambel ngajar ha' sinagoge-sinagoge daha', dahin pedengaah Injil Umaa', serta navaah lim pedaam dahin peraah. ³⁶ Teguu' Jisus lemnang kelunaan kahum anaan, Hia' ngasaa masii' ha' daha' kenaan daha' la'e dahin murid dap nekelung domba-domba tanpa gembala na. ³⁷ Au hiti' Hia' duaan ha' murid-murid-Na, "Alang laan-laan na, panenan ngahum, tapi alang nyadi uk." ³⁸ Kenaan hia naan, akee na t' Tanangaan alang hipun panenan, jung ngato' alang nyadi halam panenan-Na."