¹ Teguu' Jisus ngileh man ngalang anaan, kelepang kelunaan kahum livoh-Hia. ² Dahin, nyinang, ji kelunaan alang medaam kusta atang ha'-Hia', dahin duaan, "Tuan, ha' Ika' ikam, Ika' hamaan menahirkan akui." ³ Dahin, Jisus mai usuu'-Na dahin mekam hia', dahun-Na, "Akui ikam, tahir na." Teguu' anaan pa, da' tahirkan na kusta kelunaan anaan. ⁴ Dahin, Jisus duaan dahin na, "lemnang na sayuu', ika' am begisah nun-nun ha' ji kelunaan pun, tapi leka' na, petulaa' na diri ka' man imam." ⁵ Teguu' Jisus mutaam ha' Kapernaum, ji kelunaan perwira atang ha'-Hia', akee muhon ha'-Hia', ⁶ dahin duaan, "Tuan, hamba kui tengaah miri' lumpuh ha' umaa', menderita patee." ⁷ Dahin, Jisus duaan dahin na', "Akui akan atang dahin navaah hia'." ⁸ Tapi, perwira anaan nyu'wee dahin duaan, "Tuan, akui jaan layak nayaam Im utaam ha' idaa' atap kui, tapi duaan na sepatah daho' tuaa' dahin hamba kui sang da' navaah. ⁹ Kenaan, akui pa' kelunaan alang te' ha' hidaa' kekuasaan, dahin tentara-tentara ha' idaak kui. Dahin, akui duaan ha' alang jii', 'Leka' na,' hia' pun leka', dahin ha' alang balee, 'Atang na,' dahin hia' pun atang, dahin ha' hamba kui, 'Naa' na terani',' dahin hia' pun na ina." ¹⁰ Teguu' Jisus ngering hal ani', Hia' kagum dahin duaan ha' kelunaan-kelunaan alang livoh-Hia', "Akui duaan alang laan-laan na' man ika', Akui jaan kalaak habung iman alang ayaa' ani' t'haang kelunaan Israel. ¹¹ Akui duaan ha' ika' kenaan kahum alang sang atang man timur dahin barat, dahin melo'k kumaan dahin Abraham, Ishak, dahin Yakub halam Umaa' Telaangjulaan. ¹² tapi nyaam-nyaam umaa' anaan sang da' u'eh ha' halam kegelapan alang lidam patee. Ha' hiti' sang te' ratapan dahin kertak ipan." ¹³ Dahin, Jisus duaan dahin perwira anaan, "Leka' na, hembe na terjadi ha' ika' nekelung alang im persayaa'." Dahin, t' do anaan lim, hamba na an da navaah. ¹⁴ Teguu' Jisus atang ha' umaa' Petrus, Hia' lemnang hinaan ivaan Petrus tengaah miri' medaam. ¹⁵ Au hiti', Jisus apii' usuu' doh ayaa' anaan dahin medaam na pu'eh. Au hiti', hia' maur dahin melayani Jisus. ¹⁶ Teguu' sang malam, daha' gerii kahum ha'-Hia' kahum kelunaan alang putaam roh ja'ak, dahin Hia' mugaa' roh-roh anaan dahin ji daho', dahin navaah lim kelunaan alang medaam. ¹⁷ jung an da genapi na nun alang Nabi Yesaya duaan: "Hia' lah alang apii' kelemahan-kelemahan ta' dahin menanggung pedaam-pedaam ta'." ¹⁸ K're ni, teguu' Jisus lemnang kelunaan kahum ha' tebeh-Hia', Hia' nyuhu jung nekulah ha dipah. ¹⁹ Au hiti', ji kelunaan ahli Taurat atang au hiti' duaan dahin-Na, "Guru, akui sang livoh Ika' hino pun Ika' leka''. ²⁰ Dahin, Jisus duaan dahin na, "Lim rubah hipun liang dahin manuk-manuk ha' langet hipun halaah-halaah. Tapi, Anaak Kelunaan jaan hipun nayaan sang mete' kuhung-Na." ²¹ Ji man daha' murid duaan dahin-Na, "Tanangaan, akee' ijin kui jung lebih unaak te leka' dahin ngubor amee' kui." ²² Tapi, Jisus dahin na, "Ne na im Dahik, dahin hembe na kelunaan mate ngubor kelunaan mate daha' dap." ²³ Dahin, teguu' Jisus mu'un ha' haruk, murid-murid-Na livoh Hia'. ²⁴ Dahin, lemnang im, sang te' badai ayaa' ha' danau sehingga haruk anaan belaraa' kap. Tapi, Jisus tuduu'. ²⁵ Dahin, murid-murid atang ha' Jisus dahin miti' Hia', dahun na, "Tanangaan, tulong na kame'! ita' tengaah mate'!" ²⁶ Dahin, Hia' duaan dahin daha', "Na nun pa ika' takut, hai ika' alang kuraang beriman?" Au hiti', Hia' nekring dahin menghardik dii serta danau anaan, dahin jadi tenang patee. ²⁷ Maka, kelunaan-kelunaan anaan hiran-hiran dahin duaan, "Kelunaan nekelung nun Hia' ani', bahkan dii' dahin danau pun ngebayaa'-Hia'?" ²⁸ Teguu' Jisua atang ha' dipah danau, ha' daerah kelunaan Gadara, dua' kelunaan alang putaam roh ja'ak pehina-Hia'. Daha' musaang man kubor dahin ja'ak patee' sehingga jaan te' kelunaan alang hamaan lalo alaan anaan. ²⁹ Dahin, lemnang na, daha' pebukaa', dahun na, "Nu urusan antara Ika' dahin kame', hai Anaak Tipang? Nun kah Ika' atang jung ngeperaah kame' sebelum do na?" ³⁰ Dahin, agak suu' man daha' te' d' kawanan bavi ayaa' alang tengaah pelip kumaan. ³¹ Tok-tok anaan akee' ha'-Hia' dahin duaan, "Ha' Ika' ikam muga' kame', suhuu' na kame' pudee ha' halam kawanan bavi anaan." Dahin, Jisus duaan man daha', "Leka' na!" Au hiti'. ³² daha' musaang dahin mutaam ha' halam bavi-bavi anaan. Au hiti', lim kawanan bavi anaan pun neso man bahe' danau dahin mate ha' halam ata'. ³³ Kelunaan-kelunaan alang gerii' kawanan bavi anaan liung, dahin mutaam ha' halam kota, au hiti' begisah lim ina' pah, termasuk nun alang terjadi dahin kelunaan-kelunaan alang putaam tok anaan. ³⁴ Dahin, lemnng im, lim kota musaang sang pehina dahin Jisus. Teguu' lemnang Jisus, daha' ake-Hia' jung melaak wilayah daha'.