¹ Dahin, Jisus muvi puluu' dua' murid-Na au hiti' mai daha' kuasa usun roh-roh ulaa' jung mugaa' roh-roh anaan dahin jung navaah lim pedaam maupun lim gat peraah. ² Ani' na araan-araan puluu' dua' rasul anaan: Alang ke jii', Simon alang da uvi Petrus, au hiti' Andreas harin na, au hiti' Yakobus anaak Zebedeus, dahin Yohanes harin na, ³ Filipus, dahin Bartolomeus, Tomas, dahin Matius alang tukang mehengkung pajak, Yakobus anaak Alfeus, dahin Tadeus, ⁴ Simon kelunaan Zelot, dahin Yudas Iskariot alang menghianati Jisus. ⁵ Jisus ngutus puluu' dua' rasul anaan dahin nyuhu' daha', "Am te leka' ha' alaan bangsa-bangsa balee atau mutaam ha' halam kota kelunaan Samaria. ⁶ melainkan leka' na im dahin domba-domba alang lingo' man antara umat Israel. ⁷ Dahin, selama' ika' leka', begisah na au hiti' duaan, 'Umaa' Telaangjulaan au jelaang.' ⁸ Im navaah na alang medaam, im pekirip na alang mate, im tahir na alang kusta, dahin im ugaa' na roh-roh ja'ak. Ika' apii' dahin cuma-cuma, ai lim pa dahin cuma-cuma. ⁹ Am gerii' emas atau perak, atau tembaga halam jat kenyung ka. ¹⁰ atau tas halam ano, atau dua' basung, atau sendal, atau tongkat sebab ji kelunaan alang nyadi pantas untuk pengumaan na. ¹¹ Dahin, ha' kota atau desa hino pun alang im utaam, pelip na hi' alang layak ha' halam na dahin melaak na tinaan atang ika' lekaa'. ¹² Teguu' ika' mutaam umaa' anaan, ai salam. ¹³ Dahin, ha' umaa' anaan layak, hembe na damai sejahtera ka ngileh husun na, tapi ha' jaan, hembe na damai sejahtera ka nekulaah ha ika'. ¹⁴ Dahin, hi pun alang jaan nerima ika' atau jaam ikam ngering dahum, teguu' ika' musaang man umaa' atau kota anaan, atik na debu tudak ka. ¹⁵ Akui duaan alang laan-laan na' man ika' bahwa t' do penghakiman, sang lebih hamaan menanggung na daripada kota anaan." ¹⁶ "Lemnang, Akui ngutus ika' nekelung domba ha' beluaa'-beluaa' aso' uang. ¹⁷ Tapi, pehena na ha' kelunaan-kelunaan kenaan daha' sang mai ika' man Sanhedrin dahin sang metek ika' ha' sinagoge-sinagoge daha'. ¹⁸ Dahin, ika' sang da' gerii' ha' nang lim penguasa dahin lim raja demi Akui, sebagai kesaksian man daha' dahin man bangsa-bangsa bale. ¹⁹ Namun, teguu' daha' mai ika', am takut tentang nuno tun atau nun alang im duaan kenaan teguu' anaan lim pa sang d aii man ika' nun alang harus im duaan. ²⁰ Kenaan, bukan ika' alang duaan, tapi anaan Roh Tamaam alang duaan ha' halam ika'. ²¹ Harin sang mai harin na te' palaa patee, dahin tamaan ha nang anaak na. Dahin, anaak-anaak sang ngelawan lim kelunaan ayaa' dahin lemate daha'. ²² Ika' sang daha' pah besi' kenaan araan-Kui, tapi kelunaan alang betahan atang akhir sang d' tulong. ²³ Teguu' daha' mete' ika' halam ji kota, liung na ha' kota alang balee. Akui duaan alang laan-laan na man ika' bahwa ika' jaan hamaan nyelesai lalo kota-kota Israel atang Anaak Kelunaan atang ²⁴ Murid jaan melebihi guru na, nuti lim pa hamba jaan melebihi tuan na. ²⁵ Au nah ha' murid jadi nekelung guru na, dahi hamba jadi nekelung tuan na. ha' daha' muvi tuan umaa' anaan Beelzebul, lebih ulaa' u'ak ha' anggota keluarga na." ²⁶ "Kenaan anaan, ma takut ha' daha' kenaan jaan te' nun alang pekaap alang jaan sang d' gii, atau alang d' huk alang jaan d' jaam. ²⁷ Nun alang ak duaan man ika' halam lidam, duaan nina halam gat malaah. Dahin, nun alang im kering d' hivuk ha' apang ka, dengaah na ha' usun hapo umaa'. ²⁸ Am takut ha' daha' alang lemate lu'ung, tapi jaan hamaan lemate kenaap, melainkan terlebih tegaah lah ha' Hia' alang hamaan lemate kenaap maupun lu'ung ha' neraka. ²⁹ Bukankah dua' ikoh manuk pipit an da bele' man ji duit? Dahin, jaan te' ji ikoh pun man daha' sang legaak ha' tanaa' ha' luar kehendak Ame ka. ³⁰ Bahkan, buk kuhung ka hamaan da ujaap. ³¹ Kenaan anaan, am takut, ika' lebih bernilai man kahum manuk pipit." ³² "Jadi, putung kelunaan alang ngaku' Akui ha' nang kelunaan, Akui lim pa sang ngaku' hia' ha' nang Ame Kui alang te' ha' telaangjulaan. ³³ Tapi, hi alang menyangkal Akui ha' nang kelunaan, Akui pun menyangkal hia' ha' nang Ame Kui alang te' ha' telaangjulaan." ³⁴ "Am peknaap bahwa Akui atang sang gerii' damai ha' dania. Akui atang bukan sang gerii' damai, melainkan malaat. ³⁵ Sebab, Akui atang sang misah lake'-lake'man tamaan na, anaak doh man hinaan na, anaak ivaan doh na man hinaan ivaan na. ³⁶ dahin musuh ji kelunaan hia' hia' ti man lim keluarga na. ³⁷ Hi alang lebih sayang tamaan dahin hinaan na daripada Akui, jaan layak bagi-Kui. Dahin, hi alang lebih sayang anaak lake'-lake' atau anaak na doh daripada Akui, jaan layak bagi-Kui. ³⁸ Dahin, hi alang jaan mebek saleb na dahin livoh Akui, jaan layak bagi-Kui. ³⁹ Hi alang mempertahan beruaan na sang pu'eh beruaan na, dahin hi alang pu'eh beruaan na demi Akui sang alaa' ina'." ⁴⁰ "Hi alang nerima ika', nerima Akui. Dahin, hi alang nerima Akui, nerima Hia' alang ngutus Akui. ⁴¹ Hi alang nerima nabi halam araan nabi sang nerima upah nabi. Dahin, hi alang nerima kelunaan laan halam araan kelunaan laan sang nerima upah kelunaan laan. ⁴² Dahin, hi alang mai ata' dui man salah ji man kelunaan-kelunaan alang tu'uk ani' meskipun hanya ji sawaan ata' hengaam halam araan ji murid, Akui duaan alang laan-laan na ha' ika', hia' jaan sang pu'eh upah na."