¹ Lalu, aku ngeningo sebuah soro yo koras d'rik d'lom Bait Allah yo bekato ka ketujoh malekat, " Pogi'ak kant tumpahkan'ak ketujoh cawan murka Allah nyin ke bumi." ² Malekat petamo pogi kant numpahkan cawan'a ke bumi, mako muncul'ak bisul yo njijikkan kant nyakitkan pado urang-urang yo makai tando bintang nyin kant yo nyombah patung'a. ³ Malekat keduok numpahkan cawan'a ke laut, mako laut beubah nj'di d'rah, tokuh d'rah urang mati; kant semuo yo idup di d'lom'a pun mati. ⁴ Malekat ketigo numpahkan cawan'a ke sungai-sungai kant mato-mato aik, kant semuo'a nj'di d'rah. ⁵ Lalu, aku ningo malekat yo bekuaso atas aik bekato, "Duen adil, ya Yo Suci, yo ado kant yo dah ado dongah Duen ngakim'ik semuo tuk. ⁶ dongah, sidok da numpahkan d'rah umat Duen yo kudus kant d'rah nabi-nabi Duen, kant Duen mborik sidok d'rah ntuk diinsup. Sidok pantas nerimok'a." ⁷ Kant, aku ningo mezbah nyin bekato, "Ya Doto. Allah Yo Mahakuaso. benar kant adil'ak penghakiman Duen." ⁸ Malekat keompat numpahkan cawan'a ke atas matoari, mangko matoari diborik kuaso ntuk nganguskan ensio ngan api. ⁹ Ensio dianguskan tam panas yo luar biaso, tapi sidok nghujat demo Allah yo mpunya'ik kuaso atas semuo bencano tuk.Sidok blek betobet kant muliokan Allah. ¹⁰ Malekat kelimok numpahkan cawan'a ke atas takhta binatang nyin, mangko kerajoan'a nje'di golap; kant sidok ngotap lidah sidok dongah kesakitan, ¹¹ kant nghujat Allah yo di surgo dongah aso sakit kant bisul-bisul sidok; tapi sidok com betobet d'ri pebuatan -pebuatan sidok. ¹² Malekat keenam numpahkan cawan'a ke aik bosar, yonyin Efrat, mangko aik'a nje'di koring ntuk mpersiopkan j'len b'gi rajo-rajo d'ri Timur. ¹³ Lalu, aku nongan d'ri mulut naga, d'ri mulut binatang nyin, kant d'ri mulut nabi palsu keluar tigo roh najis yo ketongan tokuh kodok, ¹⁴ dongah sidok te roh-roh jahat, yo ngadokan tando-tando ajaib, pogi kepado rajo-rajo di bumi ntuk ngumpulkan sidok ntuk ngadap;ik peporangan pado ari bosar, yonyin hari Allah Yo Mahakuaso ¹⁵ ["Tongan'am! Aku d'tang tokuh pencuri. Diberkat'ik'ak urang yo tetap teje'go kant meliharo pakaian'a sehinggo io com akan beje'len ngan kelanjang kant urang-urang com nongan kemaluan'a."] ¹⁶ Lalu, roh-roh jahat nyin ngumpolkan sidok di tompat, yo d'lom bahaso Ibrani disobut Harmagedon. ¹⁷ Malekat ketujoh numpahkan cawan'a ke atas udara, mangko tedingo'am soro yo kuat d'rik d'lom Bait Allah, d'rik takhta nyin, bekato, "Dah suntung." ¹⁸ Kant, ketongan'am kilat yo nyamber-nyamber, soro kant gemuruh guntur, kant gempa bumi yo hebat, tokuh yo com kolok teje'di sejak ensio ado di atas bumi, sangat dahsyat gempa nyin. ¹⁹ Kota boser nyin tebelah nje'di tigo bagian, kant kota-kota bangso-bangso runtuh; kant Babel yo boser nyin com dilupokkan Allah ntuk diborikkan kepado'a cawan anggur murka-A yo begurak-gurak. ²⁰ Setiop pulau lonyap kant gunung-gunung com ditomukan. ²¹ Ujan es yo boser, kiro-kiro 1 talenta , j'tuk d'ri lengit nimpok ensio; tapi ensio ngujat Allah dongah bencano ujan es nyin. Dongah, bencano nyin piok ngorik'a.