¹ Ado seurang Farisi bedemo Nikodemus. Io te seurang pemimpin bangsa Yaudi. ² Suatu melam , Io d'tang kepado Yesus kant bekato," Guru, kamik tau bahwa Ikau te Guru yo d'tang derik Allah dongah com ado seurangpun yo d'pat ngelakukan tando-tando ajaib yo Ikau lakukan, kecuali Allah ado bersamo'a." ³ Sambut Yesus kepado'a, " Sabenar-benar'a Aku bekato kepadomu, mun seseurang com dilaherkan kembali , io com d'part nogan Kerajaan Allah." ⁴ Nikodemus betanyok, "Bagaimone mungkin seseurang d'pat dilaherkan kembali mun io udah tuo? D'patkah io mansuk agik ka d'lom rahim umak'a kat dilahirkan kembali?" ⁵ Jawab Yesus kepado'a, "Sebonar'a, Aku bekato kepado ikau, mun seseurang com dilaherkan d'rik aik kant Roh, io com d'pat tamok ka d'lom Kerajoan Allah. ⁶ Opei yo dilaherkan d'rik daging te daging am, kant opei yo dilaherkan d'rik Roh te roh am. ⁷ Nang'ak binggung dongah Aku bekato ka ikau, 'Kau te arus dilaherkan kembali.' ⁸ Angin betiup ka mone pun io ndak kant kulok ngeninggo saro'a, tatapi ikau com tau d'rik mone asal'a kant ka mone io nak pogi. Bagitu gak ngan setiop urang yo dilaherkan d'rik Roh ." ⁹ Nikodemus betanyok, "B'geimone mungkin semuo hal nyin tejedi?" ¹⁰ Yesus nyambut, "Kan'ak kulok guru urang Israel, tatapi kulok com ngereti semuo hal tuk ? ¹¹ Sabonar-bonar'a, Aku madah ka ikau bahwa kamik bebicaro tontang opei yo kamik ketauik kant mborik kesaksian tontang ope yo kamik tongan, tetapi ikau com nerimok kesaksian kamik. ¹² Mun Aku mboriktau ikau tontang hal-hal duniawi gam ikau com pecayok, b'geimone mungkin ikau nak pecayok mun Aku mboriktau kau tontang hal-hal surgawi? ¹³ Com seurang pun kolok nait ka surga, kecuali Io yo dah turun d'rik surga, yonyink Anak Ensio . ¹⁴ Samo tokuh Musa ngenaitkan ular tembago di padang belantaro, piok gam Anak Ensio arus ditinggikan, ¹⁵ supayo belo urang yo pecayok kepado-A ndepatkan idup yo kekal . ¹⁶ Dongah Allah sangat ngasihik dunio tuk, Io mborikan Anak-A yo tunggel supayo belo urang yo pecayok kepado-A com binaso, ngelainkan d'pat idup yo kekal. ¹⁷ Dongah Allah ngutus Anak-A ka d'lom dunio kan'a ntuk ngakim'ik dunio, ngelainkan supayo dunio diselamatkan ngelaluik Anak-A. ¹⁸ Urang yo pecayok kepado-A com akan diukum, tatapi urank yo com pecayok dah beado di beruh ukuman dongah io com pecayok pado demo Anak Tunggel Allah. ¹⁹ Tuk'ak hukuman nyin: Torang dah d'tang ka d'lom dunio, tatapi ensio lobih nyukoik kegelapan d'rikpado torang dongah pei yo sidok lakukan te'ak jahat. ²⁰ Dongah belo urank yo bebuat jahat mboncik Torang kant com d'tang gam kepado Torang nyin supayo pebuetan-pebuetan'a com diungkit-ungkit. ²¹ Tatapi, urank yo ngelakukan kebenaran d'tang kepado Torang nyin supayo dinyatokan pebuetan-pebuetan'a nyin dilakukan d'lom Allah." ²² Udah nyin, Yesus kant belo murid-A pogi ke daerah Yudea. Diok, Io ngabiskan waktu besamo sidok katn ngembaptis. ²³ Yohanes pun mbaptis di Ainon somak Salim dongah ado b'nyak aik diok. Urank-urank bed'tangan kant di baptis. ²⁴ Waktu nyin, Yohanes bolom di masukkan ke d'lom penjero. ²⁵ Kant, timbollah pedebatan antaro beberope murid Yohanes kant seurank Yahudi ngonok'ik penyucian. ²⁶ Sidok nomuik Yohanes kant bekato, "Guru, Urank yo besamokau di seborang Yordan, yo tontang Io ikau dah besaksi, tongan'ak, Io pun ngembaptis kant semuo urank d'tang kepado-A." ²⁷ Yohanes njawab, "Ensio com d'pat nerimok pei pun, kecuali hal nyin diborikkan kepado'a d'rik surga. ²⁸ Ikau surank d'pat mborik kesaksian bahwa aku kolok bekato, 'Aku kan'ak Mesias, 'tatapi aku di utus untuk ngendolukik-A ²⁹ Urang yo milik'ik mempelai tinok te mempelai lalaki; tatapi sahabat mempelai lalaki, yo bediri kant ningokan'a, ayah'am ati'a ningo soro mempelai lalaki. Jedi, sukocitoaku tuk dah dijedikan ponuh. ³⁰ Io arus semakin bosar kant aku arus semakin kocik." ³¹ "Io yo dtang d'rik atas te'ak di atas semuo'a, Io yo beasal d'rik bumi te'ak d'rik bumi kant bebicaro tontang hal-hal yo ado di bumi. Io yo d'tang d'rik surgo te'ak di atas segalo jolu. ³² Io mborik kesaksian tontang pei yo ditongan kan dingo-A, tatapi urank-urank com nerimok kesaksian-A. ³³ Urank yo nerimok kesaksian-A ngakuik ngan sungguh bahwa Allah nyin b'nar. ³⁴ Sebab, urank yo di utus Allah akan madahkan pekatoan Allah dongah Allah mborikan Roh yo com tebatas. ³⁵ Apak ngasihi Anak kant dah nyerahkan segalo jolu ke d'lom jeri-A. ³⁶ Urang yo pecayok kepado Anak nged'pat idup yo kekal, tatapi urank yo com naatik Anak com nak nongan kehidupan, ngelainkan murka Allah tetap ado pado'a."