¹ Pado ari yo ketigo, ado pesta penikahan di Kana, Galilean, kant umak Yesus ado diok. ² Yesus kant murid-murid-A gak diundang ka pesta penikahan nyin. ³ Tengkalo aik anggur acomdah, umak Yesus bekato kapado-A, "Sidok kahabisan aik anggur." ⁴ Yesus ngenyambut, "Batinok, opei hubung'a ngan Aku? Waktu- Ku bolom tibo." ⁵ Umak Yesus bekato kapado balo Pelayaan, " Opei pun yo Io kato ka ikau, laku kan nyin." ⁶ Diok, ado enam gentong derik b'tu, yo biaso di pakai urang Yahudi Pado upacaro penyucian. Mansing-mansing gentong nyin, muat'a kiro-kiro duok atau tigo buyung. ⁷ Yesus bekato kapado belo pelayan, "Isi'ak gentong-gentong nyin ngan aik." Kant, sidok ngisik gentong-gentong nyin ngan aik sampai ponoh . ⁸ Lalu, Yesus bekato kapado sidok, "Tum'a, ambik'ak sikit kant beik'ak kapado pamimpin pesta." lalu, sidok ngembeik'a kapado pamimpin pesta. ⁹ Tengkalo pamimpin pesta ngaso aik yo dah dijedikan anggur nyin, kant Io com ngetahuik derik mone nyin baasal(tapi belo palayan yo ngambik aik nyin tau), mako pamimpin pesta nyin meyapo mempelai lelaki, ¹⁰ kant bekato kapado'a, "Satiap urang ngeluarkan aik anggur yo je'ngak talobih doluk kant tengkalo samuo urang puas insup, baru'ak dihidangkan anggur yo kurang je'ngak. Tapi, ikau nyimpan anggur yo je'ngak sampai tum'a." ¹¹ Tando ajaib pertamo tuk Yesus lakukan di Kana, Galilea, kant ngenyatokan kemulioan-A, kant murid-murid-A pecayok ka Io. ¹² Udah nyin, Yesus turun ke Kapernaum besamo umak, anakberenak, kant murid -murid-A. Sidok tinggel diok selambet beberope ari. ¹³ Ari Raya Paskah urang Yahudi dah somak, kant Yesus pun nait ke Yerusalem. ¹⁴ Di Bait Allah, Io nogan urang-urang ngenjuel lembu, domba, kant merpati, serto belo penukar duit duduk diok. ¹⁵ Yesus ngemulah cambuk derik tali kant ngusir sidok semuo keluer derik Bait Allah, temansuk semuo domba kant lembu sidok. Io gak ngebuang duit-duit koin derik belo penuker duit kant ngembalikkan mejo-mejo sidok. ¹⁶ Kepado belo pedegang merpati, Yesus bekato," Bewak keluer semuo tuk derik dituk! Nang nyenjedikan umah Apak-Ku tompat ntuk bejuel beli!" ¹⁷ Murid-murid-A teringat bahwa ado tetulis: "Cinta akan Umah-Mu, nganguskan Aku." Mazmur. 69:10 ¹⁸ Lalu, urang-urang Yehudi menyambut kant bekato kepado-A, " Tando ajaib opei yo Ikau tunjukkan kepado kamik sehingo Ikau berhak ngelakukan hal-hal nyin?" ¹⁹ Yesus nyaut sidok, "Ancorkan Bait Allah tuk kant dlom tigo ari Aku akan ngemb'ngun'a gik'im." ²⁰ Sidok ngenyambut, "Prelu 46 taun ntuk b'ngun Bait Allah tuk, kant Ikau akan b'ngun'a d'lom waktu tigo ari?" ²¹ Tapi, yo Yesus maksudkan Bait Allah te bedan-A surang. ²² Dongah nyin, tengkalo Yesus dibengkitkan derik antaro urang mati, murid-murid-A teingat akan pekatoan tuk; kant sidok pecayok pado Kitab Suci kant pekatoan Yesus omongkan. ²³ Tengkalo Yesus beado di Yerusalem selambet Perayaan Paskah, b'nyak urang pecayok d'lom demo-A dongah ngenogan tando-tando ajaib yo dipulah-A. ²⁴ Akan tetapi, Yesus sUrang com pecayokkan dirik-A kepado sidok dongah Io ngenal semuo urang, ²⁵ kan com merlukan sope pun ntuk mborik kesaksian tentang ension sebab Io tau ope yo ado d'lom ati ension.