¹ Pekatoan tuk b'nar, "Mun seurank ngondakik jebatan penilik jemaat, io ngingin'ik krejo yo b'et." ² Dongah nyint, panilik jemaat arus'ak seurank yo com becola, laki derik satu bini, bijaksana, nguaso'ik dirik, dihormatik, suka mborik tumpangan, kant terampil ngajer, ³ kan'ak peminum, kan'ak urank yo kasar tapi'a lomah lombut, com suko betengkar, kant com urank yo cinto duit. ⁴ Io arus d'pat ngurus umah tanggok'a surank ngan b'et kant njego anak-anak'a ntuk taat ngan aso hormat. ⁵ Sebab, mun io com tau koti ngurus umah tanggok'a surank, koti io nak ngurus jemaat Allah? ⁶ Nank'ak io tu seurank petobet beru supayo io nank nyedi sombunk kant jetuk ke d'lom hukum Iblis. ⁷ Ditama gik, io arus'ak seurank yo ado reputasi yo b'et di antaro urank-urank luar supayo io com jetuk d'lom kehinaan kant jebakan Iblis. ⁸ Piok gak'am diaken, io arus'ak seurank yo dihormatik, com becabank lidah, com kecanduan insup anggur, kan com ngo'gok untunk yo com jujur. ⁹ Sidok arus d'pat mijab rahasio kebenaran iman kant ati nurani yo bersih. ¹⁰ Sidok punt arus diuji luk'a kant mun tebukti com becola, sidok d'pat melayanik nyedi diaken. ¹¹ Piok gam bini-bini diaken, sidok arus'ak urank yo dihormatik, kan'ak pempitnah, tapi'a d'pat nguasa'ik dirik kant d'pat dipecayok d'lom segelo hal. ¹² Diaken arus laki derik satu bini, d'pat ngatur anak-anak'a kant umah tanggok'a kant b'et. ¹³ Sebab, sidok yo dah mlayanik nyedi diaken kant b'et akan ngenapat kehormatan begi dirik sidok surank kant keyakinan yo bosar akan iman'a d'lom Yesus Kristus. ¹⁴ Aku bearap aku d'pat segera d'tank ke ikau, tapi aku nulis hal-hal tuk ke ikau supayo ¹⁵ dongah aku telambet, ikau dah tau koti sidok arus idop d'lom umah Allah, yotnyint gerejo derik Allah yo idop, tiank penyokonk, kant dasar derik kebenaran. ¹⁶ Kito ngaku'ik piok bsar'a rahasia kasalehan nyin: "Io dinyatokan dlom degink, dibenarkan oleh Roh, ditongan tam malekat-malekat, diberitokan diantaro bangsa-bangsa, dipecayok dlom dunio, diangkat kepado kemuliaan."