¹ Saudero-sauderoku yo kukasihi, nang mempercayoik setiop roh, ngelainkan ujiak roh-roh nyin ntuk ngetahui peikah sidok berasel d'rik Allah dongah benyak nabi palsu dah detang ke dunio. ² Piokam kau ngenali Roh Allah: setip roh yo ngakuk bahwo Yesus Kristus dah detank delom wujud ensio berasel d'rik Allah. ³ Setiop roh yo com ngakuki Yesus, com berasel d'rik Allah. Nyin am roh anti Kristus, yo kau dingo akan detank kan saattuk dah ado di dunio tuk. ⁴ Anak-anakku, ikau berasel d'rik Allah kan dah ngalahkan nabi-nabi palsu nyin dongah Sien yo ado di delom dirikkau lebih besar derikpado io yo ado di dunio. ⁵ Nabi-nabi palsu berasel d'rik dunio. dongah nyin, sidok becakap d'rik dunio kan dunio ningokan sidok. ⁶ Kito berasel d'rik Allah. Urank yo ngenal Allah ningokan kito, tapi urank yo com berasel d'rik Allah com ningokan kito. Khan tuk,kito ngetaui Roh kebenaran kan roh penyesat. ⁷ Saudero-saudero yo kukasihi, ayoklah kito salink mmengasihi dongah kasih berasel d'rik Allah, kan setiop urank yo mengasihi d'rik Allah kan ngenal Allah. ⁸ Urank yo com ngasihi com ngenal Allah nyin kasih. ⁹ Piom kasih Allah di nyatokan di antaro kito: Allah ngutus Anak Sien yo Tungal ke delom dunio supayo kito depat idup ngelalui Sien. ¹⁰ Di delom tum kasih nyin: kanak kito yo dah ngenal Allah, tapi Allaham yo ngasihi kito kan ngiromkan Anak Sien sebegi kurban pendemaian begi dosa-dosa kito. ¹¹ Saudero-saudero yo kukasihi, nun Allah manak mengasihi kito, kitopun arus salink mengasihi. ¹² Lom ado urank yo kalok nongan Allah. Mun kito salink mengasihi, Allah diom delom kito kan kasih Sien nyin di sempurnokan di delom kito. ¹³ Kan hal tuk kito tau bahwo kito diom di delom Allah kan Allah delom kito dongah Allah dah morikkan ke kito d'rik Roh Sien. ¹⁴ Kan kami dah nongan kan nyaksikan bahwo Bapa dah ngutus Anak Sien nyedi Juru Selamat dunio. ¹⁵ Setiop urank yo ngakui Yesus nyin Anak Allah, Alah diom di delom io kan io di delom Allah. ¹⁶ Jedi, kito dah ngetahui kan dah mempercayoik kasih yo Allah miliki begi kito. Allah nyin am kasih, kan urank yo diom delom kasih, diom delom kasih, tinggel di delom Allah kan Allah di delom io. ¹⁷ Khan tuk, kasih di sempurnokan khan kito supayo kito depat memiliki keyakinan d'ik pado ati pengakiman dongah samo tokuh Sien, piok gam kito di dunio tuk. ¹⁸ Com mado golakan didelom kasih, tapi kasih yo sempurno ngusir golak dongah golak ngandug ukuman. Urank yo golak, lom disempurnokan delom kasih. ¹⁹ Kito mengasihi dongah Sien lobih duluk ngasihi kito. ²⁰ Mun ado urank yo bekato, " Aku mengasihi Allah", tapi moncik saudero'a, urank tokuhnyin pengelakar. Dongah, urank yo com ngasihi saudero'a yo ketonganan, com d'pat ngasihi Allah yo com ketonganan. ²¹ Kan, perentah tuk kito terimok d'rik Allah: Setiop urank yo mengasihi Allah, arus ngasihi saudero'a gam.