¹ Peretikkanam besar kuh kasih yo Apak karuniakan ke kito sehinggo kito di sebut anak-anak Allah, kan memang kito tuk anak-anak Allah. Dongah nyin, dunio com ngenal kito sebab dunio com ngenal Sien. ² Saudero-saudero yo ku kasihi , saat tuk kito tuk yam anak-anak Allah, tapi tokuhpei keadaan kito nantik sebelum tampak. Tapi, kito tau bahwo tengkalo Sien detang, kito akan nyedi samo tokuh Sien dongah kito akan nogan Sien delom keadaan Sien yo sebenar'a. ³ Setiop urank yo ado pengaropan tuk di delom Kristus, io nyucikan dirik'a, samo tokuh Kristus te suci. ⁴ Setiop urank yo ngelakukan dosa melangger ukum gam dongah dosa te pelanggeran teadop ukum. ⁵ Ikau tau bahwo Kristus dinyatokan ntuk ngapus dosa, kan di delom Sien com mado dosa. ⁶ Setiop urank yo diom di delom Sien com ngulah dosa; com seurank pun yo ngulah dosa dah nongan atau ngenal Sien. ⁷ Anak-anakku, nangam ngeronak surank pun nyosatkan kau. Urank yo ngelakakukan kebenaran yen am urank benar, samo tokuh Kristus te benar. ⁸ Urank yo ngulah dosa berasel d'rik setan dongah setan dah bedosa sejak semulo. Anak Allah detang ntuk tujuan tuk: ngancurkan pempulah-pempulah setan. ⁹ Com seurank pun yo lahir d'rik Allah ngulah dosa dongah benih Allah diom delom d'rik'a; kan io com depat ngulah dosa dongah io lahirkan d'rik Allah. ¹⁰ Khan piok, sopei anak-anak Allah kan sopei Iblis nyedi jelas. Urang yo com ngulah kebenaran com berasel d'rik Allah, tokuh nyin gam urank yo com ngasihi saudero-saudero'a. ¹¹ Dongah, tum berito yo dah ikau dingo sejak semulo, yam ntuk kito saling mengasihi. ¹² Nang nyedi tokuh Kain, yo beresal d'rik yo jahat kan yo munuh adik'a. Kan, ngopei Kain munuh adik'a? Dongah pempulah Kain jahat kan pempulah adik'a benar. ¹³ Saudero-sauderoku, nang tekanjet mun dunio tuk moncik ikau. ¹⁴ Kito tau bahwo kito dah keluar d'rik kematian nuju kehidupan dongah kito ngasihi saudero-saudero. Urankyo com ngasihi saudero'a diom di delom kematian. ¹⁵ Setiop urank yo moncik saudero'a te seurank pemunuh kan ikau tau bahwo com modo pemunuh yo ado idup kekal di delom dirik'a. ¹⁶ Piokam kito ngenal kasih: Yesus Kristus dah nyerahkan idup Sien ntuk kito. Jedi, kito arus nyerahkan idup kiti gam ntuk saudero-saudero kito. ¹⁷ Tapi pei bilo urank ado harto duniowi, kan nongan saudero'a tongah merlukan, tapi nutup ati'a teadop saudero'a nyin, kotiangkuh'a kasih Allah ado di delom ati'a? Anak-anakku, ayoklah kito ngasihi kanak khan kato-kato atau lidah, ngelainkan khan pempulah kan kebenaran. ^{22 19} Khan tum, kito tau bahwo kito berasel d'ik kebenaran kan kito akan ngeluhkan ati kito di adop Allah. ²⁰ Dongah, peibilo ati kito nyalahkan kito, Allah lebih besar d'ik ati kito, kan Sien ngetaui segalo jolu. ²¹ Saudero-sauderoku yo kukasihi, mun ati kito com nyalahkan kito, kito ado keyakinan diri di adop Allah. ²² Pei pun yo kito mintok, kito nerimok'a d'ik Allah dongah kito nuruti perentah-perentah Sien kan yo bekenan ke Sien. ²³ Kan, tum perentah Allah, supayo kito pecayok delom demo Anak Sien, Yesus Kristus, kan kito saling mengasihi tokuh yo dah Sien perentahkan kepado kito. ²⁴ Urank-Urank yo naati perentah-prentah Allah diom di delom Sien, kan Allah diom di delom io. Kan tuk kito tau bahwo Allah diom delom kito, tam Roh yo Allah karuniakan ke kito.