¹ Setiap urank yo pecayok bahwo Yesus nyen te Kristus lahir d'rik Allah; kan setiop urank yo ngasihi Aapa, ngasihi anak yo lahir d'rik Aapa gam. ² Khan tuk, kito tau bahwo kito ngasihi anak-anak Allah, yam tengkalo kito ngasihi Allah kan naati prentah-prentah Sien. ³ nongah tum kasih Allah, bahwo kito naati prentah-prentah Sien; kan prentah-prentah Sien com berat pei. ⁴ Dongah, pei pun yo lahir d'ik Allah ngalahkan dunio; kan tum kemenangan yo dah ngalahkan dunio: iman kito. ⁵ Sopei mo yo ngalahkan dunio mun kanak io yo pecayok bahwo Yesus nyin Anak Allah? ⁶ Sien tum yo detank khan aik kan derah: Yesus Kristus; kanak hanyo khan aik, ngelainkan khan air kan derah. Rohlah yo besaksi dongah Roh nyiam kebenaran. ⁷ Dongah, ado tigo yo besaksi di serugo: ⁸ Roh, aik kan derah; kan ketigo'a nyin te satu. ⁹ Mun kito nerimok kesaksian ensio, kesaksian Allah lobih kuat,. Dongah, kesaksian tentank Anak Sien. ¹⁰ Urank yo pecayok ke Anak Allah ado kesaksian nyin di delom dirik'a. Urank yo com pecayok ke Allah dah ngulah Sien nyedi seurak pengelakar dongah urank nyin com pecayok pado kesaksian yo Allah borikkan tentank Anak Sien. ¹¹ Kan, tum kesaksian nyin: Allah dah morikkan ke kito keidupan kekal, kan idup nyin ado delom Anak Sien. ¹² Setiop urank yo ado Sang Anak ado idup; setiop urank yocom ado Anak Allah com memiliki idup. ¹³ Aku dah nuliskan hal-hal tuk ke kau yo pecayok delom demo Anak Allah supayo kau tau bahwo kau mempunyai idup yo kekal. ¹⁴ Kan, tum keyakinan yo kito miliki di adop Sien, yam mun kito mintok pei pun yo sesuai khan kehendak Sien, Sien ningo kito. ¹⁵ Kan, mun kito tau Sien ningo kito, pei pun yo kito mintok, kito tau bahwo kito dah ado pemuhunan yo dah kito mintok d'rik Sien. ¹⁶ Mun ado urank yo nongan saudero'a ngulah dosa yo com yo com ngarahkan ke kematian, beitlah urank nyi mintok, kan Allah akan morikkan idup ke urank yo ngulah dosa yo com ngarahkan ke kematian nyin. Tapi, ado sutik dosa yo ngarahkan ke kematian; aku com ngatokan bahwo io arus betanyok ntuk dosa nyin. ¹⁷ Semuo kecombenaran nyin te dosa, tapi ado dosa yo com ngarahkan ke kematian. ¹⁸ Kito tau bahwi setiop urank yo lahir derik Allah acom ngulah dosa, tapi io yo lahir d'ik Allah ngelindungik'a kan si jahat acom nyontuh'a. ¹⁹ Kito tau bahwo kito berasel d'ik Allah, kan seluruh dunio berado delom kuaso si jahat. ²⁰ Kan, kito tau bahwo Allah dah detankkan dah morikan pengertian kepado kito supayo kito d'pat ngenal Sien yo benar; kan kito ado di d'lom Io yo benar, d'lom Anak-A, Yesus Kristus. Io'ak Allah yo benar kant idup yo kekal. ²¹ Anak-Anakku, jauh'ak dirik kau d'rik behalo-berhalo.