¹ Tarus aku nee'k seko' laok kauar dari daapm laot, batanuk sapuluh bakapala tujuh: kaatas tanuk-tanuk'ke ada basapuluh mahkota ba ka kapalae ada tatulis dama-dama nang menghina Tuhan. ² Laok nang ku nee'k aya tolen macan tutul, ba pahae aya paha beruang ba mootte aya tolen singa. Lalu naga koa mareatn kakuatan ka ia, tahta ba kakuasaanne nang aya'k. ³ Lalu kateeatnlah ka aku sete' dari kapala-kapalae aya kana uka'k nang mahayaatn iduppe, tapi uka'k nang mahayaatn iduppe koa tomo. Samua dunia heran, lalu nunaan binatang koa. ⁴ Tarus kabatnne nyambah naga koa, barang ia mare'k kakuasaan ka binatang koa. Ba kabatnne nyambah binatang koa ugak sambi bakata: "Saegek nang sama aya binatang nyian? Ba sae gek nang bisa baparang ngalawan ia?" ⁵ Ba ka binatang koa dimareatn moot, nang bainsi'k kasombongan ba hujat; ka ia dimareatn ugak kuasa untu' mijawat koa salama ampat puluh dua buatn lamae. ⁶ Lalu ia muka' mootte untu' nyaci Tuhan, menghujat dama-E ba kemah kadiaaman-Ne ba samua kabatnne nang diapm ka saruga. ⁷ Ba ka ia di ngijinan untu' baparang ngalawan urakng-urakng kudus ba untu' ngalahatn kabatnne; ba ka ia di mare'k kuasa ka atas samua urakng, suku, bahasa ba bangsa. ⁸ Ba samua urakng nang diapm ka atas bumi akan nyambah ia, satiap urakng nang damae ina'k ditulis dari mulai' dunia diminjawat ka daapm buku kahidupan dari Anak Domba, nang udah dinyambaleh. ⁹ Saepun batarenyekng, saharuselah ia nangar! ¹⁰ Saepun nang dinantuatn untu' di tangkap, ia akan ditangkap, saepun nang ditantuatn untu' dibunuh ba pedang, ia harus dibunuh ba pedang. Nang penting ialah katabahan ba iman urakng-urakng kudus. ¹¹ Aku nee'k seko'k binatang lain kaluar dari daapm bumi batanuk dua sama aya tolen anak domba, ia bakata aya tolen naga. ¹² Ba samua kuasa binatang nang doho'k koa dimajaanan ka depan matae. Ia minjawat samua bumi ba samua penghunie nyambah binatang pertama, nang uka'k parah e udah tomo koa. ¹³ Ba ia minjawat tanda-tanda nang hebat, bahkan ia nurunan api dari angit ka dunia ka adapatn mata samua urakng. ¹⁴ Ia nyasatatn dangan nang diapm ka bumi ba tanda-tanda, nang udah dimareatn ka ia untu' ia lakukan ka adapatn mata binatang koa. Ba ia nyuruh dangan nang diapm ka bumi, untu' madiriatn patung untu' ngormati'k binatang nang uka'k di pedang, tapi tatap idup koa. ¹⁵ Ba ka ia dimareatn kuasa untu' mare'k nyawa ka patung laok koa, sampe patung koa bisa bakata ugak jajie, bisa batindak sademikian rupa, sampe samua urakng, nang ina'k nyambah patung binatang koa, dibunuh. ¹⁶ Ba ia ugak minjawat samua urakng, enek gek aya'k, kaya gek miskin, merdeka gek budak, dibareaik tanda ka kokot kananne gek ka kaningnge, ¹⁷ ina' seko'k pun nang bisa mali gek bajual salain dari nang make tanda koa, yakoa dama binatang koa, atau angka damae. ¹⁸ Nang penting kadian ialah hikmat: saepun nang bijaksana, baiklah ia ngetong nomor binatang koa, barang nomor koa ialah nomor seko' manusia, nomor koa ialah anam ratus anam puluh anam.