¹ Kamaru'-kamaru' ku, kade urakng nang ba iman ka Jubata Yesus Karistus, Jubata diri' nang mulia, amelah iman koa kao karajaan pilih kasih. ² Jukut, kade ada urakng nang ta'ama'k ka daamp kalompoknyu nang ba pake cincitn amas ba pakean gagas lalu atakng uga'k urakng nang kodo' ba pakean bonto'k, ³ Lalu kao kahe mandang urakng nang ba pakean gagas koa lalu ba kata " silahkan tuan duduk ka tampat nang gagas nyian!" tapi ka urakng nang kodo' koa kao ba kata" ba diri' di na'un kao!" gek " duduk ka agar nyian kao samak pantinyakatn pahaku!", ⁴ buke' gek kao dah medaatn ka daamp atinyu lalu ba tindak jaji hakim nang ba pikiran jahat? ⁵ Dangaratnlah hai kamaru-kamaru nang ku kasihi! buke gek Jubata Panampa milihi'k urakng-urakng nang dianggap kodo' ka dunia nyian lalu dinyajiatn kaya ka daamp iman ba dinyajiatn ahli waris Karajaan nang udah di janjiatn-Ne ka sae nang ngasihi Ia? ⁶ tapi kao dah nyaci urakng-urakng kodo'. Buke me justru urakng-urakng kaya nang mijara kao lalu ngicakng kao ka parukuman? ⁷ buke gek mereka koa nang nyaci dama nang mulia, gara-gara Ia koa kao jaji ampu'k Jubata Panampa? ⁸ Tapi, kade kao majaanan ukum nang utama nang ta tulis ka daamp Kitab Suci: " Kasihilah sasamanyu manusia aya kao ngahsihi diriknyu babaro", maka kao dah ba buat baik. ⁹ Tapi kade kao kahe nee muha, kao dah minjawat dosa, soale ukum koa dah nyata kade kao dah minjawat pelanggaran. ¹⁰ Soale kade sae pun nang nuruti samua ukum koa, tapi ina'k maduliatn sabagian dari koa maka ia dianggap salah samuae. ¹¹ Jukut Ia ba kata : ame ba baya'k, aka'k koa Ia ba kata uga'k " ame munuh". Jaji kade kao ina'k ba baya'k tapi kao munuh, maka kao ngalanggar ukum uga'k. ¹² Bakatalah ba kalakuanlah aya urakng-urakng nang mao'k ba pakara sasuai ba ukum nang ngabebasatn urakng. ¹³ Soale ukum nang ina'k ba belas kasih koa akan ba laku untuk samua urakng nang ina'k ba belas kasih uga'k. Tapi belas kasih pasti manang atas penghakiman. ¹⁴ Ahe gunae, kamaru'k-kamaru'k ku kade ada urakng ba kata kade ia ba iman, padahal ina'k ia karajaan? Bisa me iman koa nyalamatan dirie? ¹⁵ Kade ada seko urakng kamaru'k diri'k nang ina'k ba pakean ba pamakanan sa ari-ari, ¹⁶ Kade ada urakng ka antara nyu nang ba kata:" Salamat jalan, pakelah kaikng angat nyian ba makantn lah sampe kanyang!",tapi ina'k di bareatn ka ia ahe nang di pararuatn bagi tubuhe, ahe me gunae koa? ¹⁷ Ayakoa uga hal e ba iman: kade iman ina'k di karajaan, maka iman koa sama uga'k mati. ¹⁸ Tapi mungkin ada urakng ba kata ka: " ka kao ada ba iman ba ada perbuatan", maka aku nyahuti ia koa:" Teaatnlah ka aku imannyu koa tanpa perbuatan, maka aku nojokatn ka kao imanku ba kalakuan-kalakuanku". ¹⁹ Kao picaya'k, bahawa kahe seko Jubata Panampa? koa baik! Tapi setan-setan pun picaya kade masalah koa dan mereka gangatar. ²⁰ Hai manusia nang babal, maok gek kao ngako angkitn, bahwa iman tanpa perbuatan adalah iman nang kosong? ²¹ Buke ge Abraham, apa'k diri di banaratn oleh kalakuan-kalakuan ba karajaan-karajaanne, waktu ia jajian Ishak persembahan ka atas mezbah? ²² Kao nee'k bahwa iman bakaraja sama ba kalakuan-kalakuan ba karajaan-karajaan koa iman jaji sampurana. ²³ maka ayakoa paslah nas nang ngataant:" Lalu picayaklah Abraham ke Jubata Panamapa, maka Jubata Panampa memperhitungkan hal koa ka ia sebagai kabanaratn ." makae koa Abraham di madah ayukng "Jubata Panampa". ²⁴ Jaji kao nee'k, bahwa manusia di banaratn karena karajaan-karajaanne dan buke hanya gara-gara iman. ²⁵ Buke ge ayakoa uga'k Rahab, palacur koa nang dibanaratn oleh perbuatan-perbuatnne, waktu ia naporatn nyalamatant urakng nang di utus ka dalamp rumah he, lalu nolong mereka lolos ka maraga nang lainne agik? ²⁶ Sababpe ba aya tubuh nang ina'k ba roh makae mati, ayakoa ugaklah iman ina'k ba perbuatan-perbuatan koa sabaya ugak mati.