¹ Kamaruk-kamarukku, amelah manyak diantara kita' nang maok jajiak guru, soale diri nauan kade jaji guru koa diri' di hakimi labih barat agik. ² Sabab diri nyian siang ba salah ka daamp manyak hal; saepun nang ina'k ba salah ka pakataatnne, ia adalah urakng nang sampurana, nang mampu ngandaliatn samua tubuhe. ³ Diri makeatn kekang ka moot kuda, makae ia nuruti ahe nang diri maoaan, ayakoa ugak makae diri bisa ngandaliatn samua tubuhe. ⁴ Lalu tee ugak kapal-kapal nang aya' sidi koa, tapi bisa di garakkatn di angin nang kuat,tapi bisa di kendalikan di kemudi nang ene'k tarus nuruti kamaoan juru mudi. ⁵ Ayakoa uga ba jiaah diri'k, biarpun ia ene'k dari anggota tubuh diri'k tapi mampu memegahkan pakara-pakara nang aya'k. Teelah, biarpun api ene'k , tapi ia mapu nunu udas nang aya'k. ⁶ Jiah pun aya api, ia koa sarupa dunia nang barinsi kajahataatn nang naap tampat ka antara anggota-anggota tubuh diri'k aya jukut nang bisa ngotor'i saluruh tubuh diri'k ba nyalaatn roda ka idupatn diri'k, samintara ia babaro di nyalaatn di api neraka ⁷ Samua jenis binantang liar, burukng-burukng, sarata binatang-binatang nang marayap ba binatang-binatang laot bisa di jinakkatn dan udah dijinakkatn oleh sifat manusia, ⁸ tapi ina'k ada seko urakng pun nang mampu jinakkantn jiah, ia koa sarupa seko binatang nang garang, nang inak bisa di jinakkatn, ba racutn nang matiatn. ⁹ Pake jiah diri memuji Jubata Panampa, Apa'k diri; pake jiah ugak diri nyumpahi'k manusia nang di nyiptaatn sabaya ba muha Jubata Panampa, ¹⁰ dari sege'k moot kaluar kata-kata berkat ba kutuk. hal nyian, kamaruk-kamaruk ku, ina'k muih terjadi aya koa. ¹¹ Ada gek sumber maancaratn ai'k tawar ba ai'k pahit umpat ka mata ai'k nang sabaya? ¹² Kamaruk-kamaruk ku, ada gek puhutn ara'k bisa mamuahan buah zaitun tarus ada gek puhutn anggur bisa mamuahan buah ara'k? Ayakoa ugak mata ai'k pada'k ina'k bisa muokatn ai'k nang tawar. ¹³ Sae gek di antara kita' nang pintar ba nang ba amal? Baiklah ia idup ba cara nang baik matakatn parbuatanne oleh hikmat nang di maranakatn dari ka lemahlembutan. ¹⁴ Kade kao narohatn rasa dangki ka daamp atinyu tarus kao mentinggan diri'knyu ba baro, ame kao ba malagaatn diriknyu, ba amelah pangalok kade malawan kabanaratn! ¹⁵ Koa bukelah hikmat nang atakng umpat ka atas, tapi umpat ka dunia, dari nafsu manusia ba dari setan-setan. ¹⁶ Sabab dimae ada dangki ba ada mementingkan dirie babaro dikoa ada ka kacauan ba sagala macam ka kalakuan jahat. ¹⁷ Tapi hikmat nang umpat ka atas adalah nang pertama-tama murni, selanjutnya pendamai, peramah,panurut, pangasih, ba buah-buah nang baik,ina'k barat sabalah ba ina'k munafik. ¹⁸ Dan buah nang umpat dari kabanaratn di taburatn ka daamp damai untok mereka nang ngadaatn damai.