¹ Salam umpat ka Yakobus, amba Jubata Allah ba Jubata Yesus Karistus, ka kadua balas suku ka parantauatn. ² Kamaru-kamaruku, anggaplah sete' ka bahagiaatn, kade kao jantu' ka daa'mp ba macam-macam pancobaan, ³ jukut kao nauan, kade ujian ka imannyu koa ngasilatn ka tekunan. ⁴ Biarlah ka tekunan koa ngasilatn buah nang masak, biar kao jaji sampurana ba utuh ba ina' kakurangan sete' ahe pun. ⁵ Tapi kade' ada ka antara kita' nang ina' sagahe ba hikmat, biarlah ia minta'e ka Jubata Allah, nang sau mare samua urakng dengan rendah hati ba ina' di bangkit-bangkit'tant, makae hal koa pasti di bareaatn ka ia. ⁶ Makae ia harus minta' koa ka daamp iman, ame sakai-kai ia bimbang, kade urakng nang bimbang sama uga' ba galombang laot, nang di ombang ambingkan ka dian ka naun di angin.Ur ⁷ akng nang pangkat koa ame dikira, kade ia bisa narima' ahepun dari Jubata. ⁸ Sabab urakng nang mandua atie ina' bisa tanang ka daamp idupe. ⁹ Baiklah kamaru'-kamaru' ada nang daamp keadaan ka babah nang sombong jukut kadudukatnne nang tinggi, ¹⁰ ba urakng kaya jukut kadudukatnne nang babah maka ia pasti ilang lanyap aya bunga rumput. ¹¹ Jukut mataari timu angatte nang nyaget lalu ngalayu'atn rumput koa lalu gugurlah bungae koa makae ilanglah kagagasatnne. Ayakoa uga' hal le ba urakng kaya; ka tangah-tangah usahae ia lanyap. ¹² Berbahagialah urakng nang batahan ka daamp pancobaan soale kade ia dah tahan uji, ia pasti narima mahkota ka idupaatn nang di njanjiaatn Jubata Panamapa ka saepun nang ngasihi Ia. ¹³ Kade ada seko' urakng nang di cobai', amelah ia bakata" Pancobaan nyian atakng umpat ka Jubata Panampa" sabab Jubata Panampa ina' bisa di coba'i dari nang jahat solae Ia sandiri ina' nyoba'i sae pun. ¹⁴ Tapi tiap-tiap urakng nang di coba'i koa kamaoane babaro soale ia di nyeret ba tapikat dihe koa. ¹⁵ kade kamaoan koa dah di mua'hik maka ia maranakatn dosa kade dosa koa dah masak lalu ia maranakatn maut. ¹⁶ Kamaru-kamaruk nang ku sayakngi amelah sasat! ¹⁷ Tiap-tiap pamareatn nang baik ba tiap anugerah nang sampurana, atakng umpat ka atas, di nurunan umpat ka apa'k samua nang tarakng; ka Ia ina' ada parubahan atau bayangan akibat panukaratn, ¹⁸ Atas ka maoanNe babaro Ia nyiptaatn diri' dari firman kabanaratn, biar diri' jaji anak nang tuha ka antara samua ciptaan-Ne ¹⁹ Hai kamaru'k-kamaru'k nang ku ngasihi'k, ingatlah hal nyian: tiap urakng koa biarlah ia can'cingk' panagaratne tapi lamut pakataantne ba inak bijak bera. ²⁰ kade' manas manusia ina' ngarajaan kabanaratn ka adapatn Jubata Panampa. ²¹ makae buaknglah sagala nang kotor nang jahat nang manyak koa lalu tarima'k lah batol-batol firman koa tanamlah ka daamp atinyu nang bakuasa nyalamatant jiwanyu. ²² Tapi biarlah kao jaji pelalu firman buke' kahe panagar ja, jukut kade' ina' ya koa kao ngalok'i diri' nyu babaro. ²³ soale urakng kade kahe nagar firman maan tapi ina' ngarajaan ne' maka ia sabanare umpama urakng nang maratiatn muha e ka caramin. ²⁴ sabantar kahe ia nee' diri' e lalu dari, lalu ia ina' ingat agi' ka muhae. ²⁵ Tapi sae pun nang nee' hukum nang batol, ya koa hukum nang memerdekakan urakng, ia sidi-sidi ka daamp e, jaji buke kahe nangar lalu kaupaatn tapi sidi-sidi ngarajaan ne, makae ia bahagia di kalakuan ne. ²⁶ Kade ada urakng nang nganggap diri'e sambayang tapi ia ina' nyjaga jiah he, ia ngaloki diri' e babaro maka toa'-toa' sambayange koa. ²⁷ Sambayang nang gagas nang ina' cacat cela ka adapant Jubata Panampa, Apa'k Ia ngampusi yatim piatu ba janda-janda nang ka susahaatn, biar mereka koa ina' di kotori dunia.