¹ Saulus dah satuju ba kamtiatne.mulaik ari koalah panganiaayaan aya ka jemaat Yerusalem; Lalu tasabarlah urakng - urakng nang picaya ka samua wilayah Yudea ba Samaria, kacuali para rasul. ² Urakng - Urakng bariman nyubur Stefanus maratapi Ia sidi. ³ Tapi Saulus ngancuratn jemaat; Ia ta,ama dari rumah ka rumah nang lain narikatn ka uwas nang laki ba nang bini, sarata namaan kabatne ka daapm pinjara. ⁴ Tapi urakng - urakng nang picaya udah tasebar ampus baritaatn firman. ⁵ Filipus uga ampus ka kota nang ada ka samaria baritaatn Kristus ka kabatne. ⁶ as urakng - urakng nangar dan nee tanda - tanda nang di ngalakuatn Filipus, kabatne maratiatn ka ahe nang ia ngataatn. ⁷ Sabab dari manyak urakng nang udah narima firaman koa, ka uwaslah roh - roh jahat sambi ngampak; uga manyak urakng lumpuh ba timpakng di samuhan. ⁸ sahingga manyak sukacita ka daapm kota koa. ⁹ Tapi ka kota koa ada urakng nang badama Simom, dah lama ia maraktekatn seher; biasae ia mijawat urakng - urakng Samaria kaheranan, karana ia ngako urakng panting. ¹⁰ Samua urakng Samaria, dari nang enek sampe nang ayak kagum ka ia, lalau kabatne bakata,"Urakng nyian kuasa Allah nang di sabut aya." ¹¹ kabatne nangaratn ia, karana ia udah mijawat kagum kabatne ba sehere daapm waktu nang lama. ¹² Tapi pas kabatne picaya ahe nang dah baritaatn Filipus nganai karajaan Allah dan nganai dama Yesus Kristus, kabatne di baptis, baik nang laki maopun nang bini. ¹³ uga Simon pun jaji picaya; aka ia di baptis, ia basirage ba Filipus, namun pas ia nee tanda - tanda ba pabuatan aya nang tajadi, ia batol kagum. ¹⁴ pas rasul - rasul ka Yerusalem nangar kade urakng Samaria dah narima Firman Allah, ia ngutus Petrus ba Yohanes ba kabatne. ¹⁵ pas atakng kanaun, Petrus ba Yohanes doa,atn kabatne, supaya kabatne bsa narima Roh kudus. ¹⁶ karana sampe saat koa, Roh kudus nape ada turutn ka atas kabatne koa; karana kabatne kahe di baptis daapm dama Tuhan Yesus. ¹⁷ Lalu Petrus ba Yohanes ngakaatn kokote ka atas kabatne, dan kabatne narima Roh kudus. ¹⁸ Simon ne'e kade Roh Kudus di mareatn malalui panumpangan para Rasul, Ia nawaratn duit ka Petrus ba Yohanes. ¹⁹ Ia bakata, "Bareatn aku kuasa nyian ugak, supaya sae pun nang Ku ngakaatn kokot atas'e pasti narima Roh Kudus. ²⁰ Tapi Petrus bakata ka Iya, "Biaratn duit peraknyu binasa ka kao, soale kao udah bapikir mali Karunia Allah ba duit." ²¹ Inak ba bagiatn kao ka masalah nyian, soale atinyu na banar ka adapatn Jubata. ²² Makae batobat unang kao atas kajahatannyu, aka koa batobat unang ka Jubata, supaya Iya ngampuni niat atinyu koa. ²³ Karana aku ne'e kadek kao ada ka daapm ati nang jahat ka daapm ikatan dosa koa." ²⁴ Simon nyawab aka koa bakata, "Badoa ugak ka Jubata untok aku, biar inak ada jukut-jukut nang kao ngataatn koa tajadi ka aku. ²⁵ pas Petrus ba Yohanes dah basaksi dan baritaatn Firman Allah, kabatne muakng ka Yerusalem; dan sapanyakng pajaanan, kabatne baritaatn injil ka kampkng - kampokng ka Samaria. ²⁶ Abis koa saurakng malaikat Tuhan ngomong ka Filipus fan bakata, "Umpatlah dan ampuslah ka arah salatan maraga nang nuju Yerusalem ka Gaza" ( maraga nyian ada ka padang gurun.) ²⁷ Lalu ia umpat dan barangkat. Teelah, di naun ada saurakng nang laki Etiopia, saurakng kasim aya ka babah kakuasaan Kandake, ratu urakng Etiopia. Ia batanggung jawab atas samua kakayaatne. Ia atakng ka Yerusalem untuk baribadah. ²⁸ Ia gi daapm pajaanan puakng dan duduk ka daapm karetae, dan agi maca kitab nabi Yesaya. ²⁹ Maka Roh bakata ka Filipus, "ampuslah dan samakilah kareta koa. ³⁰ "Maka Filipus ampuslah ka ia, dan nangar ia gi maca kitab nabi yesaya, lalu ia bakata "Ahe ge kao ngarati ka ahe nang kao maca?" ³¹ urakng Etiopia koa pun bakata, "Yamae aku mo ngarati, kade ina ada urakng nang bimbing aku?" ia minta Filipus naik ka ka daapm kareta dan duduk ba ia. ³² Ayat kitab suci nang di maca urakng Etiopia koa nyianlah, " sarupa seko domba nang di ngicakng ka tampat pamunuhan; dan sarupa anak domba nang kelu ka adapatn pangunting bulue, Ia ina muka moote: ³³ Ka daapm kahinaane kaadilane di ngarampas: Saelah nang akan nyaritaatn asal-usule?Sabab nyawae di naap dari bumi." ³⁴ Lalu urakng kasim koa batanya ka Filipus, jakatae, "Aku batanya ka kao, nganai sae lah nabi koa bakata? Nganai dirie babaro ato nganai utakng lain? ³⁵ Maka Filipus mulai bakata; ia mulai ba kutipan firman dari tulisan daapm kitab Yesaya untuk baritaatn nganai Yesus ka ia. ³⁶ Pas kabatne bajaatn, sampelah kabatne ka tampat nang ba aie; lalu urakng kadim koa bakata, "Tee ada aie ka dian; ahelah nang nyegah aku untuk di baptis?" ³⁷ Filipus ngataatn, kade kao picaya ba saganap atinyu, kao muih di baptis." urakng Etiopia koa pun jawab, "Aku picaya kade Yesus Kristus koa putra Allah." ³⁸ Maka urakng Etiopia koa pun marentahatn karetae baranti.Lalu kabatne turutn ka daapm aie, baik Filipus ba urakng kasim, lalu Filipus baptis ia. ³⁹ Abis kabatne kauwas dari aie; Roh Allah ngicakng Filipus, urakng kasim koa ina nee ia agi, dan ia narusatn pajaane ba sukacita. ⁴⁰ Tapi Filipus muok ka Asdod dan ia ngalewati daerah koa, ia baritaatn injil ka saluruh kota- kota sampe ia atakng ka Kaisra.