¹ Aka' koa Imam aya' bakata" ahe gek samua koa banar?" ² sahut Stepanus " kamaru page samadiatnt, dangaratn aku: Jubata Panampa nang Mulia koa nee'ant diri'e ka apa'k diri'k Abraham waktu koa ia masih dia'amp ka Mesopotamia, sanape ia diam'p ka Haran; ³ Ia bakata ka Abraham: tinggaatn tanah ba page warisnyu lalu kao ampus ka tanah nang aku nojokan't ka kao". ⁴ salanjute ia ningaatn tanah urakng Kaldea (Kasdim) koa lalu diam'p ka nagari Haran; ka na' un aka'k apa'e mati, Jubata Panampa ngican'g ia ka tanah nyian, tampat kao diam'p angkitn. ⁵ Ia ina' mare tanah nyian sabagai ongko'ant , nana'k, bahkan ayak lapa'k paha pun nana'k. tapi Ia ba janji ka Abraham biarpun ia nape ba ranak--- tapi Jubata Panampa udah mare'ant tanah nyian jaji tanah onko'atn ka katurunan'ne. ⁶ Jubata Panampa ba kata ka ia aya nyian, bahwa katurunan ne bisa idup samintara ka tanah urakng asing, tapi panduduk koa malah minjawat kabatn ne jaji amba budak ba di nyiksa salama ampat ratus tahut'n. ⁷ Lalu Aku mao' ngukum bangsa nang majara kabatn ne koa; aka' koa kaban'nt ne koa ka uas ba nyambah Jubata Panampa ka tampat nyian ; ⁸ Lalu ia mare' Abraham sete' pajanjiatn ba baa'k, biar Abraham nang jaji apak Ishak maa'k ia pas ari ka lapan; Ishak maranakatn Yakub, Yakub koa maranakatn 12 adi' baradi' (patriark ). ⁹ Adi' baradi' koa dangki ka Yusuf lalu kabantn ne koa nyua ia ka urakng Mesir, tapi Jubata Panampa nonoi' ia. ¹⁰ Aka koa ia di ngalapasatn dari samua pa maksaatn koa lalu ia di mare anugrah kasih karunia ba kapintaratn ka adapatn Firaun, raja nagari Mesir koa. lalu Firaun nyadiatn ia panguasa nagari Mesir ba atas samua rumah e. ¹¹ maka tajadilah musim apar ka saluruh nagari Mesir ba Kanaan. ¹² Tapi Yakub Nangar kade ka Nagari Mesir ada ba gandum, ia nyuruh nak ene' diri' koa ampus.koa ampus nang pa mula. ¹³ Waktu ampus nang ka dua Yusuf neeatn dirie ka adi' baradi'; lalu adi' baradi' Yusuf koa di nahui' Firaun. ¹⁴ Aka' koa Yusuf ngiripm adi' ba radi' e muakng untu' mare nauan Yakub apa'e biar atakng ka Mesir, barage samua kaluargae, tujuh puluh lima urakng samuae. ¹⁵ Lalu Yakub ampus ka Mesir; lalu ia mati, ia ba ene'k moyang diri'. ¹⁶ Bangke kabatn ne koa di ngincakng ka Sikhem lalu di muangan ka daamp kubur nang dimali Abraham samanyak duit perak, dari anak - anak Hemor ka Sikhem. ¹⁷ Waktu nang di nyanjiatn koa udah samak, yakoa janji nang Jubata mareatn ka Abraham, urakng - urakng koa sa makin manyak ka Mesir. ¹⁸ Sampe bangkit raja barahu ka mesir, raja koa ina' kanal ka Yusuf. ¹⁹ Raja koa nipu bangsa diri' ia minjawat ene' moyang diri' sidi seksa; sampe ola - ola pun ka daapm bahaya, ba arap samua ola koa bisa salamat. ²⁰ Pada waktu koa Musa di maranakatn, ia koa sidi gagas ka paneeatn Jubata Panampa tarus ia di mihara salama talu buatn' ka rumah apa'e. ²¹ Waktu ia di muang, putri Firaun ngangkat ba ngayai'k aya anak e sandiri'. ²² Musa di ngajari' samua ilamu urakng Mesir, ia sidi pintar ba kata ba pakarajaatn'e. ²³ Tapi waktu ia ba umur kira - kira ampat puluh tahutn, tapikir untuk basaroh ngatakngi'k adi' ba radi'e, katurunan Israel. ²⁴ Waktu ia nee'k urakng Israel di minjawat inak baik, Musa managan urakng Israel, ia mangkong urakng mesir koa. ²⁵ Ia ba pikir kamarue koa bisa ngarati kade lewat ia Jubata Panampa nyalamatatn'e, tapi kabatne koa ina' ngarati. ²⁶ Ampagie koa lalu ia ngatakngi urakng Israel pas ba tangkar; ia ba rusaha ngarara'k pakalahiatn koa, ia ba kata: ayukng - ayukng kita' koa ba kamaru; nghe pane ba saki'ti sabaya diri? . ²⁷ Tapi urakng nang ba buat salah ka ayuknge koa malah bera ka ia sambi ba kata" sae nang ngankat kao jadi pa mimpin ba hakim kami?. ²⁸ Kao munuha' kami uga' me aya kao munuh urakng Mesir tumare? ²⁹ Lalu Musa dari pas nagar ia koa, ia jadi urakng pandatang ka tanah Midian, ka na'un ia maranakatn dua eko anak nang laki. ³⁰ Dah ampat puluh tahutn ba lalu, ada seko' malaekat nee'atn dirie ka padang gurun Sinai, ka daamp nyala api ka rompo' duri. ³¹ Waktu Musa nee'k api koa, ia kagum ka paneeatn koa; sampe ia ngampusi' lalu ia nagar suara Jubata Panampa, bakata, ³² Akulah Jubata dari ene'k moyangnyu, Jubata Abraham, Ishak, ba Yakub; Musa gangatar ina barani nee'k . ³³ Lalu Jubata bakata ka ia " lapasatn kasotnyu jukut tampat nang kao badiri nyian adalah tampat nang kudus. ³⁴ Aku dah nee'k kasusahatn pangikut Ku nang ada ka Mesir" Aku udah nangar rintihan mereka; ampeatn atakng lah, Aku marentah kao ampus ka Mesir. ³⁵ Musa nyian ina' di tarima' kabatne, waktu mereka ba kata" sae nang ngankat kao jadi pa mimpin ba hakim kami?--- ia seko-sekoe nang Jubata marentah jaji pamimpin ba panyalamat,Jubata marentah ia ba kokot kanan malekat nang ka teeatn ka rompok abut. ³⁶ Musa udah mimpin mereka ka luar dari Mesir, aka' minjawat mujizat-mujizat ba tanda-tanda ka Mesir ba ka Laut Merah, ba ka padang rumput salama ampat puluh tahut. ³⁷ Musa ba kata ka urankg Mesir, " Jubata Panampa koa mao' mangkitant seko' nabi untu' kao ka antara kamaru'knyu, sa urakng nabi aya aku nyian". ³⁸ Nyian urakng nang ada ka jemaat ka padang gurun barage malekat nang udah ba kata ka ia ka atas gunung Sinai. Nyianlah urakng nang ba rage ba ene' moyang diri, Nyianlah urakng nang narima'k Firman Kaidupatn nang di mareatn ka diri'k samua. ³⁹ Nyianlah urakng nang ina'k di tarima ene'k moyang diri'k untuk di taat'i, mereka ngajang ia dari ame ba mereka, ka daapm atinya mereka udah muakng ka Mesir. ⁴⁰ Waktu koa kabatne ba kata ka Harun, minjawatlah diri'k dewa-dewa nang bisa mimpin diri'k. Jukut Musa, nang mimpin diri'k ka luar dari tanah Mesir nyian, diri'k nak nauan ahe nang udah ta jadi ka ia. ⁴¹ Lalu mereka koa minjawat patung anak sapi ba marek panompoatn karama ka dewa-dewa, mereka basukur karepoatn nee'k asil pakarajaatne koa. ⁴² Tapi Jubata Panampa nyauhi mereka ba miaratn mereka koa sambayang ka bintakng-bintakng ka angit, dah tatulis ka daamp kitab nabi-nabi," Hoi bangsa Israel, ahe ge' kita'k udah mareant panompoatn ka aku sagala laok dinyambaleh ba sarahatn kit'a salama ampat puluh tahunt ka padang gurun? ⁴³ Kita' udah narima tampat sambayang ka Molokh ba bintakng dewa Refan, sarata bayangan- bayangan nang kita' minjawat untu' nyambah ia koa, sampe Aku muang kita' jauh ka nagari Babel. Am. 5:25-27 ⁴⁴ Na'k ene'k moyang diri' udah ada ba Tabernakel ( Kemah Jubata)kasaksiatn ka padang gurun, saparati Jubata Panampa udah marentahatn waktu Ia ba kata ka Musa, kade' ia arus minjawat hal koa sabagai contoh nang ia nee'k. ⁴⁵ Nyianlah kemah nang dingicakng ene'k moyang diri', ka tanah nyian ba rage - rage Yosua. Nyian ta jadi waktu mereka ta'ama' ngalahtn bangsa-bangsa nang di ngajang Jubata Panampa ka muha nak ene'k moyang diri'k, aya koalah nang ta jadi sampe ka zaman Daud. ⁴⁶ Nang dimare kasih karunia mata Jubata Panampa,ia diminta namuatn tampat kadiaman Jubata Panampa Jubata Yakub. ⁴⁷ Tapi Salomo madiri rumah untu' Jubata Allah. ⁴⁸ Biarpun ya koa Jubata Panampa Nang sidi tingi' inak diapm ka rumah-rumah nang di minjawat kokot manusia; aya nang nabi ngataatn, ⁴⁹ " Angit koa mahkotaku, ba bumi koa pantinyakatn paha Ku. Rumah aya mae' ge' nang bisa kita madiriatn untu' Aku? ja Jubata, ba dimae ge' tampat Ku baranti ( istirahat)? ⁵⁰ Buke' ge' kokotKu nang minjawat samua koa? ⁵¹ Kita' koa bangsa nang karas kapala ba ina ba baak ka daapm ati ba pikiran ( lahir baru), kita' nolak hane Roh Kudus, kita'k bakalakuan aya na'k ene'k moyang kita' . ⁵² Nabi nang mae nang inak mereka seksa di na'k ene'k moyang kita'? kabatn'e koa munuh na'k nabi nang ada ngadohoi'k ka atangan Maha Banar; lalu kao angkitn jaji penghianat ba pamunuh'E ugak, ⁵³ Kita' lah urakng nang narima Taurat nang di natapatn na'k malekat-malekat, tapi kita'k ina'k mihara'e. ⁵⁴ Apas koa na'k anggota-anggota Dewan nangar parihal koa ,mereka marasa ati'e rasa padih ta iras, sampe gigi'e bagaret ka Stefanus. ⁵⁵ Tapi ia, dingisi' Roh Kudus, ia nee'k ka saruga sapanuh ati ia nyaksiatn Kamuliaatn Jubata Panampa lalu ia nee'k Jubata Yesus agi'k ba diri ka sabalah kanan Jubata Panampa. ⁵⁶ Lalu Stefanus ba kata, " tee'k lah, aku nee'k saruga tabuka, ba Jubata Yesus gi'k ba diri ka sabalah kanan Jubata Panampa. ⁵⁷ Mereka koa ngampak nyarekng ba nutupi tarenyekng, sampe sabaya-baya nyarabu ia. ⁵⁸ Lalu mereka koa muang ia ka luar kota' aka koa di nabaki' ba batu: na'k saksi koa mongan pakean ne ka paha Saulus. ⁵⁹ Stefanus pake batu, ia tarus ba kata nyareng'k ka Jubata kata'e, Jubata Yesus , tarima'k lah rohku" ⁶⁰ Ia tatugo balutut sambi ngampak nyareng'k, " Jubata, amelah tanggongan dosa nyia ka mereka." aka' ia bakata koa, lalu ia mati.