² Kadua balas Rasul nyaru'k samua lalu bakata : Ina'klah tapat uga'k rasae kade'k kami ina'k nangaratn pakataatn Jubata Panampa'k kahe ngalayania'k meja. ³ Kita'k arus milih, tujuh urakng laki-laki dari antara kita'k babaro, urakng-urakng nang dikanal baik, nang bainsi'k Roh Kudus, nang bijaksana nang bisa diri'k tojok onto' nangani urusan nyian. ⁴ Parihal kami nyian, kami tatap tarus salalu badoa kadaapm palayanan Firman. ⁵ Pakataatn para Rasul koa dinarima samua urakng. Aka' koa kabatnne milih Stefanus, urakng nang bainsi'k Iman ba Roh Kudus, ba Filipus, Prokhorus, Nikanor, Timon, Parmenas, ba Nikolaus, urakng antiokia nang baragama Yahudi. ⁶ Urakng-urakng picaya ngicakng urakng-urakng nyian ka adapatn Para Rasul, nang doakan lalu ngangkt kokote ka atas kabatnne. ⁸ Maka Stefanus, nang bainsi'k Anugerah nang manyak uga'k Kuasa ,agi'k ngadaatn mujizat-mujizat nang luar biasa ba tanda-tanda ka urakng manyak koa. ⁹ Lalu ba muokatni'k urakng-urakng jahudi nang umpat ka jemaat Sinagoge nang dimatak uga'k rumah Sinagoge Libertini, umpat ka kaum Kirene, ba Alexanderia,ada uga'umpat ka Sisilia ba Asia Urakng-urakng nyian badabat ba Stefanus. ¹⁰ Tapi kabatne ina'k sanggup ngadapi'k hikmat ba Roh nang bakata-bakata ngalalui Stefanus. ¹¹ . Lalu diapm-diapm kabatne ngasut nang lain biar bakata : kami nangar sandiri'k, Stefanus koa nyaci Musa ba Jubata Panampa'k . ¹² Lalu kabatne ngasut nang lain ,urakng-urakng tuha, para ahli Taurat, lalu kabatne ngatangi'k Stefanus ,Iya di nangkap, lalu di ngicakng ka Dewan Agama. ¹³ Kabatne basaksi palsu, jakatae : urakng nyian ina'k baranti bakata ia maleceh tampat suci nyian ba Taurat. ¹⁴ Kami udah nangar urakng nyian, jakatae jare Jubata Yesus nang umpat ka Nasaret koa,mao'k ngancuratna;k tampat nyian ba Adat nang udah Musa narusatn ka diri'k." ¹⁵ Samue'e urakng nang duduk ka Dewan Agama ngarahatn mata ka Stefanus lalu nee'k muhae aya muha malaekat.