¹ Jam sambilan maam Petrus ba Yohanes naik ka kadiaman Jubata Panampa pas waktu koa waktu untu' sambayang. ² Di koa ada nang laki lumpuh dari ia dimaranakatn, koa lah nang minjawat ia tiap ari dimikut, dinguringan ka pintu kadiaman Jubata Panampa nang di sabut Gerbang Indah. Biar ia bisa minta sadakah ka urakng-urakng nang taama ka Kadiaman Jubata Panampa koa. ³ Sawaktu ia nee Petrus ba Yohanes taama' ka kadiaman Jubata Panampa koa, ia minta sadakah. ⁴ Petrus, sambi nee urakng koa ia ba Yohanes , bakata " tee lah ka kami." ⁵ Lalu urakng lumpuh koa nee ka ia badua, sambi baarap sadakah dari ia badua. Tapi Petrus bakata perak ba amas aku ina ada, tapi ahe nang aku ada, aku bareatn ka kao. ⁶ Daapm dama Yesus Karistus dari Nazaret koa, bajaatn lah. ⁷ Petrus ngangkat kokot kanan ne: nuukngi ia badiri aka koa paha ba tuakng-tuakng raka pahae jaji kuat. ⁸ Sambi nangkot, urakng lumpuh koa badiri lalu mulai bajaatn, ia taama' barage Petrus ba Yohanes ka daapm kadiaman Jubata Panampa, Ia bajaatn, nangkot, lalu badendang muji Jubata Panampa ⁹ Samua urakng nee ia bajaatn tarus badendang muji Jubata Panampa. ¹⁰ Kabatn ne maratiatn kade urakng koa nang tai duduk minta sadakah ka Gerbang Indah kadiaman Jubata Panampa; lalu kabatn ne heran ba takjub ahe nang udah balaku ka urakng koa. ¹¹ Samintara ia nunaan Petrus ba Yohanes, samua urakng badariatn ngarubukngi kabatne ka tampat nang disabut Serambi Salomo, kabatne kaheranan sidi. ¹² Sawaktu Petrus nee hal koa, ia nyahuti' urakng-urakng koa," kita' urakng Israel ngahe kita' heran?" ngahe kita' neeatn kami, saolah-olah kamilah nang minjawat ia bajaatn sasuai kuasa, ba kasalehatn kami babaro?. ¹³ Jubata Panampa Abraham, Isak, ba Yakub, Jubata ene' moyang diri' udah nyanjung Yesus amba-E. Ia lah urakng nang udah kao nyarahatn ba kao nolak ka adapatn Pilatus, waktu Pilatus mao' mebasatn na' Ia. ¹⁴ Kao' nolak nang Kudus ba nang Banar,ba minta uga' sa' gantie urakng nang pamunuh untu' dibebasatn bagi kao. ¹⁵ Kao udah munuh paminjawat kaidupatn, nang udah dibangkitatn di kuasa Jubata Panampa dari kamatiatn - kamilah saksie koa. ¹⁶ Angkitn, ba iman ka daapm E-urakng nang kao nee ba kanal- dama nang sama minjawate kuat. Iman nang ngalalui Yesus dimareatn kasambuhatn untu sabagai bukti bagi diri' samua. ¹⁷ Ampeatn, kamaru'-kamaru' aku nauan kade' kita' udah ngalakukan koa soale ina nauan, aya tolen nang udah di ngalakukan di na' pamimpinnyu. ¹⁸ Tapi parihal nang udah Jubata Panampa matakatn sa nape e ngalalui moot na' nabi, kade Karistus nang di utus-E koa harus mandarita seksa, dan ampeatn Ia udah nyukupatn koa. ¹⁹ Untu' koa batobat lah, muaknglah agik, biar dosa-dosa nyu di apusatn, biar mungkin ana atakng masa kelegaan dari hadirat Tuhan; ²⁰ Biar Ia bisa ngutus Karistus nang udah di natapatn untu' kao, Karistus Yesus. ²¹ Ia lah nang harus ditarima ka saruga, sampe waktu pamulihatn sagala sasuatu, untu' hal koa Jubata Panampa udah matakatn sanape' e dee ngalalui moot na' nabi nang kudus. ²² Musa udah bakata, 'Tuhan Jubata mao' mangkitatn nabi nang aya aku ka antara kamaru'-kamaru' nyu. Kao ana akan nangaratn samua nang ia ngataatn ka kao. ²³ Ana akan tajadi kade satiap urakng nang ina' nangaratn nabi koa mao' dibinasaatn samuae dari samak urakng-urakng koa. ²⁴ Samua nabi dari Samuel sampe na' nabi nang udah atakng saudah ia, kabatne udah nubuatatn ba mambaritaatn zaman nyian. ²⁵ Kao lah kamuda'-kamuda' nang laki dari na' nabi dan dari pajanjiatn nang Jubata Panampa minjawat ba na' ene' moyang nyu, yamae ia dah bakata ka Abraham, 'Dari banihnyu, samua kaluarga kabinua akan di barakati'. ²⁶ Aka' koa Jubata Panampa mangkitatn amba-E, Ia ngutus untu' pandahulue biar mare barakat ka kao carae adalah minjawat kao babalik dari kejahatan."