¹ Waktu koa Petrus ba Yohanes gik ngatai'k urakng manyak,nak imam ba pamimpin kadiaman Jubata panampak ba urakng saduki ngatakngi'k kbatne. ² kabatne sidi taganggu'k soale Petrus ba Yohanes ngajar urakng manyak parihal Yeses ba ngabarat'n Yesus koa sidi bangkit. ³ urakng-urakng koa naap ba minjaraat'n iya ba dari aap'm sampe maam ari. ⁴ Tapi manyak kaantara urakng urakng koa nangar kabar koa lalu picayak,kira - kira sakitar lima ribu urakng nang picayak. ⁵ Pas ampagi arie,nak pamimpin kabat'ne,tua-tua ba siang ahli Taurat bakomok barage-rage ka Yerusalem. ⁶ Imam ayak Hanas,Kayafas,baYohanes.Aleksander,ba samua katurunan dari Imam ayak ,ada dikoa. ⁷ Pas waktu koa kabatne ngadap Petrus ba Yohanes katangah-tangah kabatne,kabatne batanyak,ba kuasa ahe gek,atau daapm dama sae gek,kao udah minjawat pakara koa? ⁸ Aka'k koa Petrus,nang dinginsii'k di Roh Kudus,bakata kakabat'ne ,kao pamimpin masyarakat ba nang tuha-tuha, ⁹ Kade dirik'k ari nyian ditayaik sote'k parihal ba kalakuan baik ka seko'k urakng nang gik rongko'k,bacara ahe urakng nyian dinomoan. ¹⁰ Ahe jarelah nyian ditauaat'n dinyu samua.ba samua rakyat israel,kade,kadaapm dama Yesus Karistus dari Nazaret,nang dah kao nyalipatn dah dingidupatn di Jubata Panampa'k dari antara urakng mati .kahe ka Ia lah urakng nyian bisa badiri daap'm kaadaan sehat kaadapat'ne. ¹¹ Yesus Karistus koa batu nang udah kao muang,tapi dah jaji batu panjuru ¹² inak ada kasalamatat'n lain ka saepun soale inak ada dama lain kababah angit,nang udah dingaruniaat'n kamanusia,nang oleh koa dirik harus disalamatat'n, ¹³ Waktu kabatne dah nee'k kabaranian Petrus ba Yohanes,dan nyadari'k kade kabat'ne koa urakng nang biasa,inak ba pendidikan, koalah kabat'ne heran sidi dan nyadari'k kade'k Petrus ba Yohanes koa udah lama samak ba Yesus. ¹⁴ Karena kabat'ne udah nee'k urakng-urakng nang dinomoan koa badiri barage Petrus ba Yohanes,jadi kabatne inak bisa bakata ahe pun,nantak'ng hal koa. ¹⁵ Saudah kabat'ne marentah na'k rasul untuk ningaat'n parukuman,kabatne bakata kadirik'e babaro. ¹⁶ Kabatne bakata ,urakng-urakng nyian mao diri'k kahe sabanare? jakatae udah tabukti kade'k mujizat nang luar biasa udah jaji lewat kabatne, koa,nang dah dinauan di samua urakng nang diap'm ka Yerusalem,dirik inak bisa agik basangka. ¹⁷ Tapi biar inak maluas kamasarakat ,ijeklah dirik ngingatat'n dangan kakoa biar inak agik bakata kasaepun soal dama nyian. ¹⁸ Lalu kabatne nyaruk, Petrus ba Yohanes taama'k,ba nyaruk kabatne untuk inak bakata sakai pun agik atau bakata ngajar daapm dama Yesus ¹⁹ Tapi Petrus ba Yohanes nyawab babakata ka kabatne,nang mae nang batol ka adapatn Jubata panampa'k, ge'k,taat kakao gek, atau taat ka Iya,putusat'n lah kao babaro, ²⁰ Karna kami inak mungkin inak bakata tentang ahe nang dah kami nee'k ba nangar. ²¹ Aka'k ngingatat'n Petrus ba Yohanes ,lalu kabatne dimiaratn dari.kabatne inak bisa namuan alasan untuk ngukum iya ba dua soale samua urakng gik nyambah Jubata panampa'k atas ahe nang udah jaji. ²² Urakng nang ngalami'k mujizat, nomoan koa udah ba umur labih dari ampat puluh tahutn . ²³ Aka'k kabatne dimebasatn,Petrus ba Yohanes muakng ka ayukng-ayuknge dan ngalaporatn samua nang dah dingataatn di na'k imam kapala ba nang tuha-tuha. ²⁴ pas kabatne nangar hal koa,kabat'ne ngampak'ki' Jubata lalu bakata Jubata panampa'k kao nang minjawat angit ba binua,ba laot,ba samua nang ada kadaapme. ²⁵ Kita,k nang ngalalui'k Roh Kudus Nyu.ba nangalalui'k moot enek moyang kami Daud ambaNyu, bakata, ngahe bangsa-bangsa nang buke'k Yahudi bera,ba urakng-urakng mikiratn hal-hal nang sia-sia? ²⁷ Bahkan,mao Herodes atau Pontius Pilatus,basama ba bangsa-bangsa nang buke'k Yahudi ba urakng-urakng buke'k Yahudi dan ugak urakng-urakng Israel,udah bakomo,k basama kadaapm kota,k nyian ngalawan ambaNyu Yesus nang kudus,nang udah kita'k ngurapi'k ²⁸ Untuk ngarajaan na'k jukut nang udah Kita'k nantuatn dari pamula oleh kuasa ba kahendakNyu. ²⁹ Angkit,n,Jubata, tee,klah ancaman-ancaman kabatne ba karuniat'n lah kabaranian amba-ambaNyu untuk ngabarat'n FirmanNyu. ³⁰ Agar samintara Kita'k nyooat'n kokotNyu untuk,nomoan,tanda-tanda ba mujizat-mujizatNyu muih jaji ngalalui'k dama Yesus ambaNyu nang Kudus, ³¹ Akak kabatne udah badoa,tempat kabatne bakomo'k basama koa bagua,lalu kabatne samua dinginsi'ik di Roh Kudus.lalu kabat'ne barani ngabarat'n Firman Jubata panampa,k. ³² Samue'e kabatne nang picaya'k saati sajiwa,dan inak seko'k pun dari kabatne bakata bahwa ahepun barange adalah milikike babaro; tapi samuae'e adalah hak kabatne basama. ³³ Ba Kuasa nang ayak na'k rasul ngabaratn kasaksian kabatne tentang kabangkitatn Jubata Yesus,lalu anugrah ayak turutn ka atas kabatne samua. ³⁴ Inak ada seko'kpun dari kabatne nang bakakurangan,soale samua nang miliki'k tanah ba rumah dinyua,lalu ngicakng asil panyaatne koa. ³⁵ Lalu dimuangan kababah paha rasul,udah koa dimagi-magiatn kasamua urakng nang picaya'k,sasuai ba kaparluane. ³⁶ Yusuf,urakng Lewi,urakng nang barasal dari Siprus,nang di na'k rasul di nyabut Barnabas(nang artie,Bujakng pangibur). ³⁷ Aka'k koa Ia nyua uma milike ia ngicakng duite koa ka paha rasul-rasul.