¹ Waktu ari Pantekosta sampe urakng-urakng ba komok ka daapm sote tampat ² Tiba-tiba atakng angin ribut umpat ka saruga ka samua tampat urak'ng ba komok ba dudukatn. ³ Muok lah jiah-jiah api nang singah ka atas kabatn ne koa. ⁴ Kabatne barinsi Roh Kudus lalu bakata-kata ka bahasa-bahasa nang lain. ⁵ Lalu di koa ada urakng-urakng Yahudi nang idup ka Yerusalem urakng-urakng alem dari satiap bangsa ka babah angit. ⁶ Waktu suara koa kadangaratn, urakng manyak atakng barage rage tarus ka bingungan samua urakng nang nangar kabatne bakata-kata kadaapm bahasae koa. ⁷ Kabatn ne takajut bacampur heran lalu kabatne bakata, sidi ngihan ge kabatn ne koa, bukenya kabatne koa urakng Galilea? ⁸ Diri' bisa nangar kabatne bakata ka daapm bahasa diri', tampat dirik di maranakatn. ⁹ Urakng Partia, Media ba Elam nang diaapm ka mesapotamia ka yudea ,pontus ba asia. ¹⁰ Urakng Firgia ba Pamfilia Mesir ba daerah Libia samak Kirene, na' pangunjung dari Roma uga. ¹¹ Urakng-urakng Yahudi dan bangsa lain nang nganut agama Yahudi, urakng Kreta ba urakng Arab uga. Diri' nangar mereka bakata tentang kamulian pakarajaatn Jubata Yesus. ¹² Urakng-urakng samua kagum bacampur mangap. nangar kata-kata urakng lain, ahe maksut samua nyian?. ¹³ Malah urakng-urakng nang lain ngoloan, matak ia kamabuk anggor barahu. ¹⁴ Petrus badiri barage ka sabalas rasul, bakatalah Petrus, hoi urakng-urakng Yudea nang samua diapm ka Yerusalem, dangar kata ku nyian biar kao nahui', paratiatn kata-kataku nyian. ¹⁵ Urakng-urakng nyian ina' kamabuk aya nang kao ngira, soale angkitn baru' jam talu gumare. ¹⁶ Nyianlah firman nang di matakatn di nabi Yoel. ¹⁷ Koa pasti tajadi ka ari pangabisatn, Jubata Panampa bakata Aku maok nyurahatn RohKu ka samua urakng. Kamuda laki ba kamuda bini akan ba nubuat, urakng bujakng akan nee penglihatan-penglihatan ba urakng-urakng tuha namu mimpi. ¹⁸ Pada ari koa Aku mao' nyurahatn RohKu ka na' amba-amba ku nang laki ba nang bini. ¹⁹ Aku mao' nojokatn kaajaipatn ka atas angit ba tanda-tanda ka babah dunia, darah, api, pakomoan asap. ²⁰ Mataari barubah jaji galap, buatn barubah jaji darah, sanape' atakng ari Jubata nang aya' koa. ²¹ Salapas koa saepun nang nyarui' dama Jubata Yesus di salamatatn. ²² Hoi urakng-urakng Israel, dangaratn kata-kata nyian: Yesus dari Nazaret, Ia koa urakng nang udah di nantuatn Jubata bagi nyu malalui' mujizat-mujizat, batanda-tanda ayak nang dah Jubata Panampa ngarajaan koa tangah-tangahnyu, sesuai nang kao nauan babaro. ²³ Sasuai rancana nang dah di nantuatn ba pangatahuatn Jubata sanape'e, Ia udah dinyarahatn, kao, oleh kokotnyu nang pangalanggar ukum, udah dinyalipatn ba di munuh. ²⁴ Nang Jubata Panampa mangkitatn,ina kana dari singsara kamatiatn-Ne, soale mustahil bagi-E untu' dikuasai oleh kamatiatn.. ²⁵ Jukute Daud udah bakata soal Ia, Aku salalu nee Tuhan ka dapatn muhaku, Ia ada ka sabalah kananku karna koa aku ina' tagoyahatn. ²⁶ Oleh koalah atiku repo sidi ba jiahku badendang mamuji Ia, insi'ku akan idup kadapm kayakinan. ²⁷ Karna Kao ina akan ningaatn jiwa ku ka Hades, dan uga' Kao ina' miaratn Roh BarasehNyu nee' karusakatn. ²⁸ Kao neeatn ka aku jaatn kahidupatn; Kao minjawat aku dipanuhi sukacita ba muhaNyu. ²⁹ Kamaru-kamaru, aku bisa bakata kakao yakin tantang Daud Apak Bangsa diri': ia udah mati dan dinguburatn, dan kuburanne ada kadiri' sampe ari nyian. ³⁰ Ia koa lah nabi nang udah nahui kade Jubata Panampa udah bajajanji, basumpah ka ia, kade' ia akan nampatatn saurakng dari katurunan tahtae. ³¹ Ia udah nee, sanape e tantang hal nyian dan udah ngataatn tantang kebangkitatn dari Karistus, 'ia pun ina' ditinggaatn ka hades, dan daging-Nge ina ngalami karusakatn. ³² Yesus nyian nang udah di bangkitatn Jubata Panampa, soal koa diri' samualah saksi-saksi e. ³³ Sabab koa saudah dingangkat kasabalah kanan Jubata Panampa' dan udah narima Roh baraseh nang di janjiatn dari Jubata Panampa, Ia nyurahatn , sasuai nang kao nee ba nangar. ³⁴ Daud ina' naik kasaruga,tapi ia bakata, ' Tuhan bakata ka Tuanku, "duduklah ka sabalah kokot kananKu, ³⁵ Hingga Aku minjawat munsuh-munsuh jaji pantinyakatn pahanyu. ³⁶ Sabab koa, biarlah samua umat Israel nauan pasti kade Jubata Panampa minjawat Ia sabagai Tuhan dan Karistus, Yesus lah nang udah di mabak ka palang kayu salib koa. ³⁷ Waktu urankg-urankng nangar koa, padihlah ati mareka,lalu batanya' ka Petrus ba rasul nang lain, "sodaraku ahe nang harus kami pabuat?" ³⁸ Dan Petrus nyawap ka dangan koa, "batobatlah dan masing-masing dibaptis, daapm dama Yesus Karistus untu' pangampunan dosa-dosanyu, dan kao akan narima Roh Baraseh. ³⁹ Baginyulah janji koa dan untu' anak-anak nyu uga bagi samua nang jauh, samanyak urakng nang di manggil di Tuhan Jubata dirik. ⁴⁰ Manyak pakataatn lain ia nyaksiaatn dan maksa mereka; katae' " Salamatant lah dirinyu babaro dari piturut'n nang jahat." ⁴¹ Lalu kabatn'e narima pakataatnne dan di baptisatn, dan ari koa jumbalah kabatn'e koa batambah kira-kira talu ratus jiwa. ⁴² Kabatn'e bertekun tarus daamp pangajaratn na' rasul dan pasatuatn, macahatn roti dan daamp doa. ⁴³ Rasa gai nyinkapi samua urakng, dan manyak mujizat ba tanda-tanda nang dah tajadi ngalalui na' rasul. ⁴⁴ Dan samua urakng nang udah jaji picaya bakomo' dan samua milik kabatn'e koa jaji milik basama. ⁴⁵ Dan urakng-urakng nyua samua milik dan harta-hartae dan magi-magiatn ka urakng-urakng samua sasuai kapararuatn masing-masing. ⁴⁶ Satiap ari kabatn'e bakomo' ka daamp kadiaman Jubata, kabatn'e koa macah-macahatn roti ka daamp rumah-rumah, urakng-urakng koa saling babagi makanan dengan sukacita, ba ngarendahatn ati. ⁴⁷ Urakng-urakng koa mamuji Jubata dan disukai samua urakng. Lalu satiap ari Jubata nambahatn ka kabatn'e koa urakng-urakng nang dah dinyalamatatn.