¹ Paulus ba Silas naap maraga ngalalui Amfipolis ba Apolonia lalu atakng ka Tesalonika. Dikoa ada sabuah rumah ibadah urakng Yahudi. ² Aya biasae Paulus ta'ama ka rumah ibadah koa .Talu ari Sabat baturut - turut ia ba kata ka kabatne koa bagian - bagian dari Kitab Suci. ³ Ia nerangkan ka mereka ba nojokatn, bahwa Mesias harus manderita ba bangkit ka antara urakng mati , lalu ia ba kata: " Nyianlah Mesias, ya koa Yesus , nang ku baritaatn ka kita'k." ⁴ Sangahe urakng dari mereka koa jaji picaya'k lalu ba gabung ba Paulus ia ba Silas dan uga'k urakng manyak urakng Yunani koa nang gai'k ka Allah, ba ina'k sadikit nang bini - bini terkemuka. ⁵ Tapi urakng-urakng Yahudi ka da'am atie dangki , barakat bantuan dari panjahat ba pareman -pareman pasar, mereka minjawat keributan ba ngaco kota koa, mereka nyarabu rumah Yason ba maksud untuk ngadapatn Paulus ba Silas ka sidang rakyat. ⁶ Tapi waktu mereka narikatn Yason ba adik - baradik e ka muha pangurus - pangurus kota, sampe ngampak , jare " urakng - urakng nang ngaco saluruh dunia udah atakng ka dian, ⁷ Dan Yason narima'k mereka koa numpakng ka rumahe. mereka samua ba tindak ma lawan ketetapan - ketetapan kaisar ba ngataatn, bahwa ada seko'k raja lain, yakoa Jubata Yesus ⁸ Waktu urakng rami ba pangurus - pangurus kota nagar samuae koa, mereka jaji gelisah. ⁹ Tapi mereka aka namu jaminan umpat ka Yason ba adi- baradi e, mereka lalu di ngalapasatn. ¹⁰ Waktu ma'am koa uga'k langsung kamaru - kamaru di koa nyuruh Paulus ba Silas barangkat ka Berea, Pas sampe di koa ampuslah mereka koa ka rumah ibadah urakng Yahudi. ¹¹ Urakng - urakng Yahudi di koa lebih baik atie dari pada urakng -urakng nang ada ka Tesalonika, jukut mereka koa narima'k firman koa dengan rela ati ba tiap ari mereka koa nyalidiki Kitab Suci untuk nauan, ahe gek samuae koa banar. ¹² Manyak di antara mereka koa nang jaji picayak; inak sadikit uga'k di antara nang bini - bini terkemuka ba nang laki - laki Yunani. ¹³ Tapi waktu urakng-urakng Yahudi dari Tesalonika nauan bahwa kade ka Berea uga udah di maritaatn Firman Allah oleh Paulus, atakng ugalah kabatne ka koa ngaut ba ngalisahatn ati urakng manyak. ¹⁴ Tapi kamaru-kamaru dikoa nyuruh Paulus bijak barangkat ampus ka pantai laut, tapi Silas ba Timotius masih diapm ka Berea. ¹⁵ Urakng-urakng nang ngiringi Paulus ngayunkngi ia sampe ka Atena, lalu muakng ba pasatn Silas ba Timotius biar kabatne koa sa bijak-bijake atakng ka ia. ¹⁶ Samintara Paulus ngantiatn kabatne ka Atena, sedih sidi atie barang ia neek, kade kota koa barinsi patung-patung berhala. ¹⁷ Karna koa ka rumah ibadah ia ba tukar pikiran ba urakng-urakng Yahudi ba urakng-urakng nang gaik akan Allah Jubata, tarus ka pasar satiap ari ba urakng-urakng nang ia namui di koa. ¹⁹ Lalu kabatne koa ngicakng Paulus ngadap sidang Areopagus ba ngataatn: " Muih gek kami nauan ajaratn barahu mae nang kao ngajaratn nyian?" ²⁰ Barang kao mapadangari ka kami pakara-pakara nang aneh. makae koa kami mo nauan, ahe artie samua koa. ²¹ Adapun uraskng-urakng Atena ba urakng-urakng asing nang diamp di koa inak ba waktu untuk sasuatu salain untuk ngataatn ba nagar sagala sasuatu nang barahu. ²² Paulus ampus badiri ka atas Aeropagus tarus bakata: Hei urakng-urakng Atena, aku nee kade daapm sagala hal kao sidi-sidi baibadah ka dewa-dewa. ²³ Sabab waktu aku bajaatn-jaatn ka kotanyu dan aku nee barang-barang pujaannyu, aku namui uga sabuah mezbah ba tulisan: Ka Jubata nang ina dikanal. Ahe nang kao sambah tanpa nganali'k iya, koa lah nang ku maritaatn ka kao. ²⁴ Jubata nang udah nyajiatn bumi ba sagala insi dunia, Ia nang adalah Tuhan atas angit ba bumi, ina diapm ka daapm kuil-kuil buatan kokot manusia ²⁵ dan ugak ina di layani di kokot manusia, saolah-olah ia kakurangan ahe-ahe, barang Ia lah nang mare idup ba sengat ba sagala sasuatu ka samua urakng. ²⁶ Dari sekok urakng Ia udah majajiatn samua bangsa ba umat manusia untu' niapmi'k muka bumi ba Ia udah nantuatn musim-musim untu' kabatne batas-batas kadiaman kabatne koa, ²⁷ biar kabatne ngagoik Ia ba mudah-mudahan menjamah dan namuan Ia, biarpun Ia ina jauh dari diri'k masing-masing. ²⁸ Sabab kadaapm Ia dirik idup, bagarak diri'k ada, aya saparati nang udah dingataatn di na pujangga-pujangganyu: ²⁹ Sabab diri'k dari katurunan Jubata uga'k. Karna dirik barasal dari katurunan Allah Jubata, diri'k ina muih bapikir, kade keadaan ilahi sama saparati amas atau perak atau batu, ciptaan kasenian ba kaahlian manusia. ³⁰ Ba ina agik mandang jaman kabodoatn, maka ampeatn Jubata maritaatn ka manusia kade kamae-mae samua urakng harus batobat. ³¹ Barang ia udah natapatn sote'k ari, pas waktu koa Ia nang adil akan ngakimi dunia di sekok urakng nang udah dinantuatn Dihe, saudah Ia mareatn kasamua urakng suatu bukti tentang hal koa, dengan cara mangkitatn Ia dari antara urakng mati. ³² Waktu kabatne nangar tentang kabangkitan urakng mati, maka ada nang nyaci, nang lain bakata " lain kali maan kami nangar kao bakata soal koa." ³³ Lalu Paulus dari ningaatn kabatne koa. ³⁴ Tapi sangahe urakng nang laki-laki ngabungan dirik e ba ia lalu jaji picaya, ka antarae koa Dionisius, anggota majelis Aeropagus, ugak ba urakng-urakng lain nang barage-rage ba kabatne.