¹ Lalu Paulus ningaatn Atena, tarus ampus ka Korintus. ² Ka Korintus ia batamu ba urakng Yahudi badama Akwila, nang barasal dari Pontus. Ia baru atakng umpat dari Italia ba Priskila, binie, barang kaisar Klaudius udah marentahatn, supaya samua urakng Yahudi ningaatn Roma. Paulus singah ka rumah kabatne koa. ³ Barang kabatne koa ngalakuatn pakarajaan nang sama, ia diapm sirage-rage ba kabatne koa, jukute kabatne koa sabaya tukang kemah. ⁴ Satiap ari Sabat Paulus bakata ka daapm rumah ibadah dan barusaha ngayakinkan urakng-urakng Yahudi ba urakng-urakng Yunani. ⁵ Waktu Silas ba Timotius atakng, umpat ka Makedonia, Paulus sapanuhe bisa maritaatn firman, dimae ia mare kasaksian ka urakng-urakng Yahudi, kade Yesus koa adalah Mesias. ⁶ Tapi waktu urakng-urakng munsuhi ia ba maleceh/menghujat, ia ngibasatn dabu dari pakeaane lalu bakata ka kabatne koa: "biarlah darahnyu tatumpah ka atas kapalanyu babaro; aku baraseh, ina basalah. Mulai dari ampeatn aku mao ampus ka bangsa-bangsa lain." ⁷ Maka kauwar lah ia dari dikoa, lalu atakng ka rumah urakng nang badama Titius Yustus, nang ba ibadah ka Jubata, dan rumahe basampingan ba rumah ibadah. ⁸ Tapi Krispus, kapala rumah ibadah koa, jaji picaya ka Tuhan basama-sama sa insi rumahe, dan manyak dari urakng-urakng Korintus, nang nangaratn pambaritaatn Paulus, jaji picaya ba mare diri'e dibaptis. ⁹ Pas waktu maam ba firmanlah Tuhan ka Paulus ka daapm paneeanan: " Ame gai'! Taruslah maritaatn firman, ame diam! ¹⁰ Sabab aku nyaratai kao dan ina ada seko' urakng pun nang akan nyangkam dan malasah kao, barang manyak umat-Ku ka kota' nyian." ¹¹ Lalu diapm lah Paulus ka di koa salama satahutn anam buatn dan ia ngajaratn firman Jubata ka tangah-tangah kabatne. ¹² Tapi salapas Galio jaji gubernur ka Akhaya, bangkitlah urakng-urakng Yahudi barage-rage ngalawan Paulus, lalu ngicakng Paulus ka dapatn Pangadilan. ¹³ Ja kabatne: " ia nyian barusaha ngayakinkan urakng untu' sambayang ka Jubata, jaatne batentangan ba Ukum Taurat." ¹⁴ Waktu Paulus mao' mulai'a bakata, bakatalah Galio ka urakng-urakng Yahudi koa: " Hei urakng-urakng Yahudi, kade sakirae dakwaannyu parihal palanggaran atau kajahatan, udah sapatute aku narima pakaranyu, ¹⁵ tapi kade hal koa adalah pasalisihatn parihal pakataatn atau dama atau ukum nang balaku ka antara kao, maka haruslah kao babaro nang ngurusi iya; aku ina' rela jaji hakim atas pakara nang aya nyian. ¹⁷ Lalu ia ngusir kabatne koa dari ruang pangadilan. ¹⁶ Lalu urakng koa samua nyarabu Sostenes, kapala rumah ibadah, lalu mangkongngi'k ia ka dapatn pangadilan koa, tapi Galio sidi nana' ngirauatn hal koa. ¹⁸ Paulus diapm sangahe ari agik ka Korintus. Lalu ia ba padah ka kamaruk-kamaruk nang dikoa, dan balayar ka Siria, salapas ia nyukur buuk'e ka Kengkrea, barang ia udah ba nazar. Priskila ba Akwila ngayukngi ia. ¹⁹ Lalu sampelah kabatne ka Efesus. Paulus ningaatn Priskila ba Akwila dikoa. Ia babaro taama' ka rumah sambayang dan ngomong ba urakng-urakng Yahudi. ²⁰ Kabatne minta ka ia untu' badiapm labih lama agik dikoa, tapi ia ina nyangupi e. ²¹ Ia ba padah lalu bakata: " Aku mao' muakng ka kao, kade koa kamaoan Jubata." Lalu dari lah ia ka Efesus koa. ²² Ia sampe ka Kaisarea apas koa naik ka darat, dan mare salam ka jemaat, ia barangkat ka Anthiokia. ²³ Apas sangahe arie ia diapm dikoa, ia barangkat ugak, lalu ngulilingi saluruh tanah Galatia ba Frigia untu' makaras ati samua murid. ²⁴ Samintara koa ataknglah ka Efesus seko' urakng Yahudi nang badama Apolos, nang barasal dari Aleksandria. Ia urakng nang fasih bakata ba mahir daapm soal-soal kitab Suci. ²⁵ Ia udah narima pangajaratn daapm jaatn Tuhan. Rancakng sidi ia bakata ba taliti ia ngajar parihal Yesus, tapi ia kahe nahui baptisan Yohanes. ²⁶ Ia mulai ngajar dengan barani ka rumah ibadah. Tapi salapas Priskila ba Akwila nangaratn iya, kabatne ngicakng ia ka rumah kabatne ba taliti nyelasatn ka ia Jaatn Tuhan. ²⁷ Karna Apolos mao' nyabaranga ka Akhaya, kamaru'-kamaru' ka Efesus ngirim surat ka murid-murid di koa, biar kabatne nyambuti ia. Sasampe'e ka Akhaya maka ia, oleh kasih karunia Jubata, jaji urakng nang sidi baguna untu' urakng-urakng nang picaya. ²⁸ Barang ina kasuah-suahatn ia mantah urakng-urakng Yahudi ka muha umum ba buktiatn dari Kitab Suci kade Yesus adalah Mesias.