¹ YAKOBUS MATI, PETRUS DIMEBASATN DARI PINJARA Kia-kira waktu koa raja Herodes mulai batindak karas ka sangahe urakng dari jemaat. ² Ia nyuruh munuh Yakobus,kamarkapala Yohanes pake padang. ³ Waktu ia nee',parihal koa minjawat ati urakng Jahudi karepoatn,ia narusatn parbuatanne koa,tarus ia nahan Petrus,waktu koa ari raya Roti,ina baragi. ⁴ Salesai Petrus dinangkap,Herodes nyuruh minjaraatn ia dibawah panjagaan ampat regu,masing-masing ampat parajurit.Maksute koa,kade' udah abis paskah ia ngicaknga' Petrus ka urakng rami. ⁵ Ayakoalah Petrus ka daapm pinjara, tapi jemaat sidi tekun badoa ka Jubata Panampa'. ⁶ Waktu maam sanape' Herodes mao' ngadiratna ia ka urakng rami,Petrus tidur ka antara dua urakng parajurit koa, di ngikat pake dua ete' rante ,salain koa parajurit nang lain bajaga ka muha pintu. ⁷ Tiba-tiba badiri seko' urakng malaekat Jubata samak Petrus ,basinar cahaya ka daapm roangan koa, lalu malaekat koa napok petrus mao' ngumpatatn ia jakatae : bijak umpat, lalu rante nang kokot Petrus baguguratn tabuka'. ⁸ Lalu kata malaekat koa ka ia; ikat pingaknyu ba pake uga' sapatunyu; iapun ngalaksanakan samuee,malaekat koa bakata ka ia pake uga jubahnyu lalu tunaan aku. ⁹ Lalu ia nunaan Malaekat ka uwas iapun ina' nahui' ahe nang malaekat koa minjawat koa banar-banar tajadi.ia nyangka kahe paneanne hane. ¹⁰ Aka' kabatne ngalalui' tampat pangawalan kasatu,ba tampat pangawalan kadua,sampelah kabatne ka pintu gerbang basi nang notoka' ka kota , pintu koa tabuka' babaro untuk kabatne udah sampe ka uwas kabatne bajaatn sampe ka ujukng maraga , lalu tiba-tiba malaekat koa ningaatn ia. ¹¹ Aka' ia sadar ka diri' e,Petrus bakata : angkitn nahui' lah aku, batol-batol Jubata udah nyuruh malaekate nyalamatatn aku dari kokot Herodes ba samua ahe nang urakng Jahudi maoi'. ¹² Aka' bapikir sabantar ; ampuslah ia karumah Maria, uwe' Yohanes nang di saru' uga' Markus dikoa manyak urakng bakomo' sambil badoa. ¹³ Waktu ia ngador pintu,ataknglah seko' urakng amba nang bini badama Rode,biar nahui sae nang ngador pintu gerbang koa. ¹⁴ Ia tarus kanal ka suara koa suara Petrus,tapi saking ia karepoatn ia sampe kaupaatn muka' pintu gerbang koa ,lalu taama' kadaapm mataki' nang lain,soale Petrus ada ka depan pintu gerbang koa. ¹⁵ Ja kabatne ka nang bini koa; kao nyian nyigo see,tapi ia tarus matakatn bahwa nang koa banar-banar Petrus,ja kabatne bakata agi nang koa malaekate. ¹⁶ Tapi Petrus tarus ngador pintu gerbang,waktu kabatne muka' pintu gerbang koa kabatne tacangang. ¹⁷ Tapi Petrus mare' isyarat ba kokote, biar kabatne diam,lalu kabatne bacurita ayamae Jubata ngejengan ia kaluar dari pinjara,ja Petrus ka kabatne sampeatn hal nyian ka Yakobus, ka kamaru'-kamaru' diri' ia kauwas lalu ampus ka tampat lain. ¹⁸ Ka Ampagie ribut parajuri-parajurit koa,kabatne batanya-tanya ahe nang tajadi ka Petrus. ¹⁹ Herodes nyuruh ngagoi' Petrus tapi ia ina' tamu.lalu Herodes nyuruh mareksa parajurit-parajurit koa,lalu parajurit - parajurit koa dimunuhi samuae.kamudian ia umpat ka Yudea notok Kaisarea ia natap kakoa. ²⁰ Herodes bera sidi ka urakng Tirus ba urakng Sidon,atas kaputusan basama kabatne ampus ngadap Herodes, kabatne bahasil mujuk Blastus pagawai istana raja mao' bapihak ka kabatne ,lalu kabatne ngajuatn pardamaian, soale nagari kabatne namu bahan makanan umpat ka wilayah raja. ²¹ Sampelah ari nang udah dinantuatn,Herodes make pakean karajaan,tarus duduk ka atas tahta,lau bapidato ka kabatne. ²² Rakyatepun bagambira nyambut ia, " nyian suara jubata buke' suara manusia ". ²³ Sayakoa uga' moote di nampar malaekat Jubata soale ia ina' mare rasa hormat ka Jubata Panampa' ia lalu mati dmakatni antokng. ²⁴ Maka pakataatn Jubata makin maluas, samakin manyak di nangar urakng. ²⁵ Barnabas ba Saulus muakng agi ka Yerusalem. aka' kabatne nyalasaiatn tugas palayananne,Kabatne maba Yohanes nang disaru' uga' Markus.