¹ Waktu koa ka daapm jemaat Antiokhia ada sangahe urakng nabi ba pangajar, ialah Barnabas ba Simeon nang di saru' uga' Niger,ka Lukius urakng kirene ba Menahem nang dingahoanan ba raja wilayah Herodes, ba Saulus. ² Ada ari koa waktu kabatne baribadah ka Jubata ba puasa, bakatalah Roh Kudus " Khususatnlah Barnabas ba Saulus ka Aku untuk tugas nang udah Ku nantuatn ka kabatne. ³ Maka bapuasa ba badoa kabatne ,aka' marakati' kabatne nang badua koa,lalu kabatne miaratn nang dua koa barangkat. ⁴ Sabab dinyuruh Roh Kudus ,Barnabas ba Saulus barangkat ka Seleukia,dari koa kabatne balayar ka Siprus. ⁵ Satibae ka Salamis kabatne ngabaratn Firman kabanaratn Jubata Panampa' ka rumah urakng-urakng Jahudi ,Yohanes ngayukngi kabatne sabagai pambantu' ka kabatne. ⁶ Kabatne ngalilingi saluruh pulo koa sampe ka Pafos, Dikoa kabatne batamu urakng Jahudi badama Baryesus ia koa tukang sihir ba nabi palsu. ⁷ Ia adalah ayukng Gubernur pulo koa,Sergius Paulus adalah urakng pintar,Gubernur koa nyaru' Barnabas ba Saulus, soale ia kapingin nangara' firman Jubata. ⁸ Tapi Elimas ayakoalah damae daapm bahasa Yunani, tukang sihir koa ngalangi-ngalangi kabatne dan barusaha melokatn gubernur koa dari imanne. ⁹ Tapi Saulus, nang disaru' uga' Paulus nang di panuhi Roh Kudus , nee' ia koa. ¹⁰ Lalu bakata : Ei.. anak ibalis kao nang bainsi' bamacam - macam tipu-muslihat,ba kajahatatn kao musuh dari sagala kabanaratn,ina' me kao barantia' melokatn maraga Juabata nang ocor koa! ¹¹ Angkitn tee' kokot Jubata nimpaa' kao, kao jaji buta' ,sangahe ari ana ina' nee' mata ari,sajakoa uga' urakng koa di nutupi' kabut ba galap,sambil ngaraba-ngaraba urakng ia minta' di ejengan. ¹² Nee' kajadian koa Gubernur koa jaji picaya' ia takjub sabab ajaran Jubata koa. ¹³ Lalu Paulus ba ayukng-ayuknge ningaatn Pafos balayar ka Perga ka Pamfilia ; tapi Yohanes bapisah ningaatn kabatne lalu muakng agi' ka Yerusalem. ¹⁴ Dari Perga kabatne ngalanjutatn pajaanan kabatne,lalu ngaramus ka Antiokhia ka Pisidia. Waktu ari sabat kabatne ampus ka rumah ibadat,lalu duduk dikoa. ¹⁵ Dah aka' macaatn dari ukum Taurat ba Para Nabi-nabi,pajabat-pajabat rumah ibadat koa nyuruh batanya ka kabatne " kamaru' - kamaru', kade' kamaru' - kamaru' ada pasatn nang mambangun ba nang bisa ngibur umat nyian silahkan mare' pandapate. ¹⁶ Lalu umpatlah Paulus,ia mare' kode ba kokote,lalu bakata : Ei.. urakng - urakng Israel ba kao nang gai' uga' ka Jubata Panampa' dangaratn boh !. ¹⁷ Jubata urakng Israel nyian,udah milih ene' moyang diri' udah minjawat umat koa jaji aya',waktu kabatne diapm ka Mesir jaji urakng asing. Ba kokot -Te nang luhur Ia udah mimpin kabatne kaluar dari nagari koa. ¹⁸ Ampat puluh tahutn lamae ,Ia sabar ka tingkah laku kabatne ka padang gurun. ¹⁹ Aka' minasaatn tujuh bangsa ka tanah kanan, Ia magi - magiatn tanah koa jaji tanah warisan ka kabatne. ²⁰ Salama kira - kira ampat ratus lima puluh tahutn,aka' koa Ia marei' kabatne hakim - hakim sampe ka jaman nabi Samuel. ²¹ Salanjute kabatne minta seko' raja,lalu jubata mare' kababtne Saul bin Kisy dari kaum Benyamin,ampat puluh tahutn lamae ia marentah. ²² Aka' Saul dinyingkiratn, Juabata ngangkat Daud jaji raja kabatne, soal Daud Jubata udah ngataatn: Aku udah namu Daud bin Isai,urakng nang bakenan ka ati-Ku, ba nang taat ka samua kainginan-Ku. ²³ Dari katuruannelah ,sasuai ba nang udah Ia nyanjiatn.Jubata Panampa' udah mangkitatn Juruslamat untuk urakng Israel, Iakoa Yesus. ²⁴ Sanape' Ia atakng Yohanes udah ngabaratn ka saluruh bangsa Israel untuk batobat ba maptis diri'e. ²⁵ Waktu Yohanes amper salasai majaanan tugase,Ia bakata: Aku buke' lah Ia nang kita' ngira, tapi Ia ana ataknga' sasudah aku, mukaa' kasote pun aku ina' layak. ²⁶ Ei.. kamaru'-kamaru' ku baik nang katurunan Abraham mao'pun nang gai' ka Jubata Panampa'. khabar kaslamatan koa udah dinyampeatn ka diri'. ²⁷ Sabab panduduk ba pamimpin- pamimpin Yerusalem bai' ngakoi' Yesus,waktu nyantuatn ukuman mati ka Ia, kabatne napati' pakatatn nabi-nabi nang dimacaatn satiap ari sabat. ²⁸ Walopun kabatne ina' namui' alasan nang tapat atas ukuman mati koa',tapi kabatne udah minta' ka Pilatus biar Ia dibunuh. ²⁹ Aka' kabatne napati' parihal ahe nang udah tatulis tentang Ia, kabatne nurunan Ia dari kayu salib koa lalu maguringan Ia ka daapm kuburan. ³⁰ Tapi Jubata Panampa' mangkitatn Ia dari antara urakng nang dah mati. ³¹ Salama sangahe ari ia neatn diri'E ka kabatne nang nunaan Ia Umpat ka Galilea ka Yerusalem,kabatne koa nang saksiE untuk umat nyian. ³² Lalu kami angkitn nyampeatn khabar kasukaan koa ka kao,soale janji nang dimare' ka enek moyang diri'. ³³ udah di genapi' ka diri',katurunan kabatne,waktu mangkitatn Yesus saparati nang udah dinulis ka daapm mazmur nang kadua: Anak Ku Kao ! Aku udah maranakatn Kao ari nyian. ³⁴ Jubata Panampa' udah ngidupatn Ia dari antara urakng nang dah mati soale Ia Ina' akan disarahatn agi' ka kabinasaan.Hal koa Jubata nyataatn daapm pakataatn-Ne nyian: Aku mao' napatia' ka kao janji - janji nang suci nang bisa dipicaya',nang ku mareatn ka Daud. ³⁵ Sabab koa Ia bakata ka daapm mazmur nang lain : Kao ina' hanne miaratna' urakng KudusNyu nee' kabinasaatn. ³⁶ Sabab Daud nuruti kainginan Jubata Panampa' waktu zamanne,lalu ia mati dimaguringan ka samak ene' moyange,ia memang dinyarahatn ka kabinasaan. ³⁷ Tapi Yesus nang di mangkitatn Jubata Panampa' ina' ayakoa. ³⁸ Jaji katahui'lah kamaru' - kamaru', sabab kahe ka Ialah dingabaratn ka kao pangampunan dosa . ³⁹ Kahe ba Ia lah satiap urakng nang picaya' namu kabebasatn dari sagala dosa, nang ina' kao namui' dari ukum Musa. ⁴⁰ Sabab koa lah waspada,ame sampe balaku ka ka ahe nang udah dimadahatn kadaapm kitab nabi - nabi. ⁴¹ Ingatlah ei..kao nang pangina, tacanganglah,lalu lanyap,sabab aku majaanan pakarajaatn waktu zaman nyu;kade' dicaritaatn ka kao ⁴² Waktu Paulus ba Barnabas kaluar, kabatne diminta' ngomongan masalah koa waktu ari sabat barikute. ⁴³ Salasai Ibadah manyak urakng Jahudi ba panganut - panganut agama Jahudi nang gai' ka Jubata Panampa' nunaan Paulus ba Barnabas ;kadua rasul koa ngajar ba nasehati' kabatne biar kabatne tatap idup ba kasih Jubata Panampa'. ⁴⁴ Waktu ari sabat barikute ataknglah amper saluruh kota koa mao' nangara' pakataatn Jubata Panampa'. ⁴⁵ Tapi waktu urakng Jahudi nee' urakng nang manyak koa timu lah rasa iri dangkie sambil maleceh,kabatne mantah ahe nang dingataatn Paulus koa. ⁴⁶ Tapi sidi barani Paulus ba Barnabas bakata " Memang ka kaolah pakataatn Jubata nyian doho' dibaritaatn tapi kao nolak ba nganggap diri' nyu ina' layak untuk namua' idup nang kakal,maka koa kami bapaling kabangsa - bangsa lain. ⁴⁷ Sabab nyianlah nang dimarentahatn ka kami : Aku udah nantuatn kao jaji nang tarakng untuk bangsa - bangsa lain nang ina' kanal ka Jubata Panampa', biar kao maba barita kaslamatan sampe ka ujukng dunia." ⁴⁸ Nangar koa barepoatni' samua nang ina' kanal ka Jubata Panampa' tapi kabatne mamuliakan pakataatn Jubata,ba samua urakng nang dinantuatn Jubata Panampa' untuk idup nang kakal,manjadi picaya'. ⁴⁹ Lalu pakataatn Jubata Panampa' di ngabaratn ka saluruh dunia . ⁵¹ Malah Paulus ba Barnabas ngibasatn dabu ka paha kabatne, minjawat paringatan ka urakng - urakng koa ,kabatne lalu ampus ka Ikonium. ⁵² Murid - murid nang ka Antiokhia, sidi ba sukacita bakomo' ba RohKudus,