PETRUS MAMPARTANGGUNGJAWAPATN BAPTISAN KORNELIUS KAYERUSALEM ¹ Rasul-rasul ba saudara-saudara nang ka Yudea nangar, kade' bangsa-bangsa lain uga' dah narima' pakataatn Jubata Panampa'. ² Waktu Petrus sampe ka Yerusalem,urakng-urakng dari golongan babaak basalisih paham ba ia. ³ Kabatne bakata " kita' udah taama' ka rumah urakng-urakng nang ina' babaak lalu sama-sama makatn ba kabatne. ⁴ Tapi Petrus ba ulang-ulang nyalasatn samuee,jakatae ; ⁵ Aku masih ka kota Yope,tiba-tiba rohku dinyongkopi kuasa Ilahi lalu aku nee', ka paneeatnku; ada aya jukut, aya kaikng nang ibar bagantukng ampat pasagi di nurunan umpat ka angit sampe ka adaapatn ku. ⁶ Aku nee' sidi-sidi, aku nee samua janis binatang nang ba paha ampat, ba binatang liar, ada binatang nang bajaatn nyoor,ada uga' samua janis burukng. ⁷ Lalu aku nangar ada suara bakata ka aku " umpatlah petrus sambalehlah, lalu makatni'lah. ⁸ Tapi jakataku, bai' Jubata, aku bai',soale aku nape' paranah ahepun nang amai' ( pantang ) nang ina' baraseh ( tahir ) masok ka mootku. ⁹ Tapi untuk nang kadua kalie aku nangar suara dari saroga bakata ka aku : Ahe nang Juata madahatn baik, ina' muih dipadahatn amai'. ¹⁰ Hal koa tarjadi sampe talu kali,lalu samuae koa di narik agi' ka angit. ¹¹ Tapi waktu koa uga' talu urakng badiri ka totoratn rumah, kamae kami numpaknga',kabatne koa umpat ka Kaisarea di ngutus ampus ka aku. ¹² Lalu jakata Roh Kudus ka aku : ampuslah bakabatne ame rasa ragu, anam urakng nyian nampingia' aku, kami taama' ka rumah urakng koa. ¹³ lalu ia bacurita ka kami, ayamae ia nee' malaekat badiri kadaapm rumahe, bakata ka ia : suruh urakng ka Yope untuk nyemput Simon nang biasa disaru' uga' Petrus. ¹⁴ Ia nyampeatna' suatu barita ka kao, nang ngatangana' kaslamatan ka kao ba saluruh insi' rumahnyu. ¹⁵ Waktu aku mulai ngomong; turutnlah Roh Kudus ka kabatne, sama aya dee ka diri'. ¹⁶ Lalu taringatlah aku ka pakataatn Jubata: Yohanes mambaptis pake ai',tapi kao dbaptis pake Roh Kudus. ¹⁷ Jadi kade' Jubata Panampa' mare' KaruniE ka kabatne , sama aya kita' waktu kita' mulai picaya' ka Yesus Karistus, ina' mungkin aku nyegaha' Ia. ¹⁸ Waktu kabatne nangar koa , kabatne jaji tanang lalu nyambah Jubata Panampa', jakatae : Ka bangsa- bangsa lain uga' Jubata Panampa' mare' Karunia patobatatn nang mimpin kaidupatn. ¹⁹ Samintara koa manyak kamaru'-kamaru' koa uga' badariatni ka nagari lain, salapas panganiayaan koa.Stevanus dingukum mati. kabatne tasabar sampe ka Fenisia,Siprus,ba ka Antiokhia,tapi kabatne ngabaratn Injil ka urakng Jahudi kahe. ²⁰ Tapi ka antara kabatne koa ada sangahe urakng,urakng Siprus ba urakng nang udah atakng ka Antiokhia,baromongi uga' ba urakng Yunani,sambil ngabaratn bahwa Yesus adalah Jubata nang batol. ²¹ Kokot Jubata salalu nonoi' kabatne,lalu manyak urakng nang jaji picaya' lalu babalik ka Jubata Yesus. ²² Maka sampelah khabar parihal kabatne koa ka jamaat ka Yerualem, lalu jamaat koa ngutus Barnabas ka Antiokhia. ²³ Sasudah Barnabas atakng ba nee' Kasih Karunia Jubata Panampa'. basukacita ia, ia nasehati' kabatne biar tatap satia ka Jubata. ²⁴ Sabab Barnabas Urakng Baik,ba bainsi' Roh Kudus ba bariman.sajumlah urakng dimabai' ka Jubata. ²⁵ Lalu ampuslah barnabas ka Tarsus, mao' ngaguia' Saulus , aka' batamu ba ia, ia di maba ka Antiokhia. ²⁶ Kabatne diapm sama-sama ka rumah jamaat salama satahutn sambil ngajar ka urakng manyak parihal Jubata Yesus. ²⁷ Waktu koa ataknglah sangahe urakng nabi umpat ka Yerusalem ka Antiokhia. ²⁸ Nang seko' dari kabatne badama Agabus Bangkit kahe ka ia ada kuasa Roh paneatn nang bisa narawang, bahawa saluruh dunia mao' dinimpa' musim pangapar,nang koa uga' bisa tarjadi waktu zaman Klaudius. ²⁹ Lalu murid-murid bapaham untu' ngumpulatn sumbangan ,sasuai kamampuan kabatne masing-masing,lalu dingiriman ka kamaru'-kamaru'' nang diapm ka Yudea. ³⁰ Parihal koa kabatne nyalanan uga' lalu kabatne ngiriman ka panatua- panatua malalui' Barnabas ba Saulus.