¹ Ada saurakng ka kota Kaisarea, damae Kornelius, ia perwira dari pasukan Italia. ² Ia urakng nang taat, nang nyambah Jubata Panampa ba saisi' rumahe; ia mareatn manyak sidi duit ka urakng-urakng Yahudi dan sau badoa ka Jubata Panampa. ³ Sakitar jam sambilan pada ari koa, ia jalas-jalas dah nee ka daamp sote' penglihatan ada saurakng malaekat Jubata atakng ka ia. Malaekat koa bakata ka ia, " Kornelius" ⁴ Kornelius nee ka malaekat koa, ia kagaianan sidi, lalu bakata, "ada ahe nyian tuan?" Kata malaekat koa ka ia, doa dan sadakah nyu ka urakng miskin udah naik jaji tugu panompoatn ka adirat Jubata. ⁵ Ampeatn utuslah sangahe urakng ka kota Yope untu' ngicakng urakng badama Simon nang di sabut Petrus. ⁶ Ia badiamp ba panyamak kuit badama Simon nang rumahe ka sisi laut. ⁷ Pas waktu malaekat bakata ka ia koa udah dari, Kornelius nyarui dua urakng palayan dan uga seko' saridadu nang nyambah Jubata ka antara na' saridadu koa. ⁸ Kornelius udah nyuritaatn ka kabatn'e samua nang udah jaji dan ngirim kabatn'e koa ka Yope. ⁹ Pas ampagi ka gumare arie, waktu kabatn'e ka daamp pajaanan dan kabatn'e koa udah nyamaki kota koa , Petrus naik ka atap rumah untu' badoa. ¹⁰ Lalu sataruse ia kaparatn dan mao' makatn sasuatu, tapi pas urakng-urakng agik nyiapatn makatn maam, ia ada namu panglihatan. ¹¹ Ia dah nee angit tabuka, ba sabuah tampat dinurunan, tolen kaikng nang aya'k turutn ka bumi, dinurunan dengan kaampat sudute. ¹² Kadaamp tampat koa, ada ba macam-macam laok nang ba paha ampat dan sagala malata ka bumi, iya ba burukng-burukng ka angit. ¹³ Lalu, sabuah suara bakata ka ia: " umpat Petrus, sambaleh dan makatn lah." ¹⁴ Tapi Petrus bakata, amelah yakoa Jubata aku ina suah makatn sagala sasuatu nang kotor nang amai'k( dingalalai'k). ¹⁵ Tapi suara koa bakata agik, ka duae ka ia, ahe nang di ngudusatn di Jubata ame di batak kotor atau amai'k. ¹⁶ Hal koa dah talu kai tajadi; tarus tampat koa langsung dinaap agik naik ka angit. ¹⁷ Samintara koa Petrus kabingungan sidi, ahe maksut panglihatan nang ia nee koa, tee' lah urakng nang dingutus di Kornelius udah badiri ka depan gerbang koa, saudah koa kabatn'e batanya kamae rumahe koa. ¹⁸ Dan urakng-urakng koa nyarui dan batanya sidi gek ahe koa Simon nang di sabut Petrus ada dikoa. ¹⁹ Pas Petrus gi'k mikiratn parihal panglihatan koa, Roh baraseh bakata ka ia," tee lah talu urakng agik ngaguik kao. ²⁰ Umpat dan turutn lah, ampuslah barage kabatn'e koa." ²¹ Bakatalah Petrus ka urakng-urakng koa, aku lah nang kita' ngagui'k, ngahe kita atakng koa?" ²² Urakng-urakng koa bakata: ada urakng badama Kornelius ia urakng nang banar nang picaya ka Jubata , dan dikanal oleh bangsa Yahudi, ada malaekat Jubata nang Kudus madahatn minta' kao untu' atakng ka rumahe biar ia bisa nangaratn kabar dari kita'k. " ²³ Lalu Petrus ngundang urakng-urakng koa taama' ba ia. Ka ampagi arie ia ampus ba urakng-urakng koa ka Yope, dan ayukng-ayunknge ampus uga ba ia. ²⁴ Pas ari ampagie kabatn-kabatne ampus ka Kaisarea. Kornelius agik nunggu-nunggu kabatne koa, Ia udah ngomoan karabat-karabat ba ayukng-ayuknge. ²⁵ Koa tajadi pas Petrus tamak, Kornelius namui ia aka koa ba lutut ka paha'e untok nyambah Iya. ²⁶ Tapi Petrus ngangkat iya, lalu bakata, "Badiri unang! Aku koa manusia ugak." ²⁷ Samintara Petrus ngomong ba iya, iya tamak lalu namuik manyak urakng bakumpul basama. Iya bakata ka urakng koa, "Kao babaro nauan kadek inak muihatn ka urakng Yahudi untok ba hubungan gek ngatangi'k urakng koa ka nagari lain. ²⁸ Tapi Jubata Panampak udah nojok aku kadek aku inak muih nyabut sa urakng Taino cemar mao koa najis." ²⁹ Karana koa aku atakng inak mantah iya, pas aku di ngutus. Jadi aku batanyak ka kao ngahe kao di ngutuk untok aku." ³⁰ Kornelius bakata, "Ampat ari nang udah pas ba jam nang sama, aku gik badoa ka abut patakng, aka koa ne'e nang laki badiri ka adapatnku make pakean nang bacahaya. ³¹ Ia bakata, "Kornelius, doanyu dah dinangaratn Jubata Panampak, aka koa parsembahatn nyu nang kao marek urakng kodo udah ngingatatn Jubata Panampak ka kao. ³² Jadi, suruh unang urakng ka Yope, aka koa icakng ka kao nang laki badama Simon, nang dinyabut Petrus. Ia diapm ka rumah urakng Panyamak kuit nang badama Simon, ka samak laot." ^{33 34} Aka koa Petrus mukak moot'e lalu bakata, " Sajujur'e, aku ngarati kadek Jubata Panampak inak bapihak ka sae pun koa. ³⁵ Malahan, ka satiap nagari urakng nang sambayang trus nang ngalakuatn nang batol dinarimak Dihe. ³⁶ Kao nauan barita kadek Ia dingutus ka umat Israel, pas Iya nyampeatn kabar gagas tantang damai sejahtera ngalaluik Jubata Panampak, nang Iya koa Jubata atas sagala'e. ³⁷ Kao babaro nauan kadekparistiwa koa tajadi, yakoa ka saluruh Yudea, dimulai'k umpat ka Galilea, saudah pamaptisatn Yohanes dinyampeatn; ³⁸ Paristiwa koa ada kaitan'e ba Jubata urakng Nazaret, ayamae Jubata Panampak udah ngurapi'k Ia ba Roh Kudus ba kuasa-E. Ia ampus untok babuat baik aka koa nyamuhatn samua nang dinindas di ibalis. ³⁹ Kami koa saksi dari samua nang udah dingalakuatn Dihe baik ka nagari Urakng Yahudi ba ka Yerusalem-Jubata nyian nang urakng koa munuh, aka koa ngantukng Iya ka kayu salib. ⁴⁰ Jubata Panampak mangkitatn Iya ka ari nang katiga aka koa nyajiatn Iya nang Kakal. ⁴¹ Buke'k ka samua urakng, tapi ka saksi nang udah iya milih sanape'k e di Jubata Panampak-kami babaro, nang makatn ba nyocok barage Iya saaka'k Iya bangkit ka antara urakng mati. ⁴² Ia nang udah marintahatn dirik mare nauan ka urakng nang manyak lalu basaksi kade'k nyianlah Urakng nang udah di milih Jubata Panampak koa untok jadi hakim dari nang idup ba nang mati. ⁴³ Koa adalah bagi'E samua Nabi koa basaksi, saaka'k e sae urakng nang picaya'k ka daapm Iya harus narimak pangampunan dosa ngalalui'k nama-E." ⁴⁴ Samintara Petrus masih ngomongan kata-kata koa, Roh Kudus turutn ka atas samua nang nagaratan firman koa,. ⁴⁵ Ba, urak-urakng picaya nang babaak, nang atakng barage Petrus, kaheranan sabab barakat Roh Kudus udah dinurunan, ka bangsa nang lain ugak sama. ⁴⁶ Sabab, kabatnne nanagaratn urak-urakng koa bakata ka samua bahasa ba ngagungan Allah. Lalu, Petrus bakata, ⁴⁷ Buke inak ada sekok pun nang bisa nahan aik untuk di baptisatn ka urakng-urakng nang udah narima Roh Kudus sama saparti dirik ngian? Lalu, Petrus nyuruhatn kabatne untok dibaptis ka daapm dama Kristus Yesus. ⁴⁸ Lantas, urakng-urakng koa minta untuk Petrus badiapm barage kabatnne salama sagahe ari.