¹ Angkit'n ayaian boh page kamaru', aku maritaat'n barita Injil ka kita', nang aku maritaat'n ka kita' samua, nang udah kita' narima, nang udah kita' nyangii' sidi-sidi. ² Malalui' barita Injil kuihanlah kita samua' dinyalamatat'n, tapi kita' arus sidi-sidi nyangii' firman nang udah aku maritaat'n koa ka kita', kacuali kade kita' picaya' olo'-olo'. ³ Aku udah matakat'n parihal nang paling panting sidi, nang udah aku narima' uga, ka kita' bahawa Kristus mati onto' samua kasalahat'n kita' nang sasuai sidi ba Alkitab. ⁴ Ia udah dinyubur, lalu umpat agi' ka ari nang ka tau, ⁵ Ia udah neeat'n diri'E ka Kefas, lalu ka kaduabalas muritE. ⁶ Aka' koa, Ia neeat'n diriE uga ka labih dari limaratus page kamaru' sakaigus. Ada nang masih idup sampe angkit'n dari kabat'ne koa, tapi ada uga' nang udah mati. ⁷ Aka' koa, Ia pun neeat'n diri'E uga' ka Yakobus, lalu ka samua rasul ⁸ Nang paling dudi, sarupa anak nang baru aka' dimaranakat'n sanape' waktue, Ia pun neeat'n diri'E ka aku. ⁹ Sabape, akulah nang paling enek ka antara rasul-rasulE nang sabanare ina' pantas disaru' rasul, barang ga' dee akulah nang suka nyiksai' jemaatE. ¹⁰ Barakat Jubatalah nang minjawat aku aku masih ada sampe angkit'n. BarakatE koa minjawat idupku sidi barati. Aku bakaraja bakueh kekeh labih dari urak'ng lain, nang koa buke' karna aku nang kuat tapi samua'e' kahe barakat Jubata hane. ¹¹ Angke kuihanlah, baiknya aku atau ge'nya kabat'ne, kami tatap ngajari' urak'ng. ¹² Kade Kristus di baritaatn bangkit dari kamatiatn, ngahe ada ada sagahe urakng dari kitak bakata bahwa inak ada kabnagkitatn dari kamatiatn? ¹³ Kade inak ada kabangkitan dari kamatiatn, Kristus inak dibangkitatn. ¹⁴ Ba sia-sialah pambaritaatn kami ba sia-sialah ugak imannyu. ¹⁵ Talabih agik, kami ngian kadapatan jadi saksi pangalok Allah karana kami mare kasaksian bahawa Allah udah bangkitatn Kristus, nang inak dibangkitatn-Ia.Kade memang urakng mati koa inak dibangkitan. ¹⁶ Sabab, kade urakng mati iank dibangkitatn, Kristus ugak inak dibangkitatn. ¹⁷ Ba kade Kristus inak dibangkitatn, sia-sialah imannyu, ba kao ugak masih ada kadaapm dosa-dosanyu. ¹⁸ Aya koa ugak, kabatanne nang udah mati daapm Kristus koa udah binasa. ¹⁹ Kade pagarapatn dirik ka daapm Kristus kahe untok idup ngian aja, dirik ngian adalah urakng-urakng nang paling singsara dari samua manusia. ²⁰ Tapi angkitn, Kristus udah dibankitatn dari urakng mati, jadi buah pamula dari samua urakng picayak nang udah mati. ²¹ Sabab, sama saparti kamatiatn tajadi lewat sekok urakng, makae lewat sekok urakng ngianlah kabangkitatn dari antara urakng mati tajadi. ²² Sabab daapm Adam samuae mati, aya koa ugak daapm Kristus samuae mao diidupatn. ²³ Tapi, tiap-tiap urakng sasuai urutanne: Kristus sabage buah pamula, akak koa kabatnne nang adalah milik Kristus, waktu kaatangan-Nya agik. ²⁴ Apas koa sampe parabise. koalah waktu Iya udah ngancuratn samua pamarentahatn, samua kakuasaatn, ba samua kakuattatn. ²⁵ Makae, Iya harus bisa marentah sampe Allah narohatn samua musuh-E ka babah paha-E. ²⁶ Musuh terakhir nang mao dibinasaatn koa adalah kamatiatn. ²⁷ Makae, Allah udah narohatn sagalae koa kababah paha-E. Tapi, waktu dingataatn bahwa sagalae koa udah dinantaratn ka babah- E. Sidilah bahwa ngian buke kahe Allah babaro, nang nantaratn sagalae koa ka babah Kristus. ²⁸ Waktu sagalae koa dinantaratn ka babah Kristus, akak koa Anak sandirik ugak nang nantaratn ka Iya, nang barani ngalawan samuae koa ka ka babah kahe Kristus sahingga Allah mao menijawat sagala-galae koa ka daapm samuae. ²⁹ Kade inak aya koa, ahelah nang mao karajatn nak kabatne nang dibaptis untok urakng nang mati? Kade urakng mati inak dibangkitatn sama sakali, lalu ngahe urakn-urakng membatis utok kabatne koa? ³⁰ Ngahe ba kami ada ka daaapm bahaya tarus satiap waktu? ³¹ O, page kamaru', tiap ari aku sau ngadapi' kamatiat'n, demi kabangganku ka kita', nang aku miliki' dari Yesus Kristus, Jubata diri'. ³² Kade' nurut tubuh tainoku nyian, ahe me untunge aku bakalahi ba laok-laok ganas ka Epesus? Kade urakng mati inak dibankitant, " Ijeklah dirik makatn ba nyocok soale ampagi dirik mati". ³³ Ame kita' tatipu: "Parayungan nang buruk bisa ngancurat'n kabiasaan-kabiasaan nang baik. ³⁴ Iduplah baik-baik, ame gia sau badosa agi'. Ada ka antara kita' nang ina kanal ka Jubata. Aku matakat'n parihal nyian supaya kita nauan rasa supe'. ³⁵ Kade' ada urak'ng nang batanya, "Ayamae urak'ng nang udah mati diumpatat'n? Ba tubuh ayame kabat'ne mao' atak'ng agi'? ³⁶ O, urak'ng nang baga! Ahe nang kita' tabur ina' akan idup, kacuali kade' ia mati doho'. ³⁷ Ahe nang kita' taburat'n buke'lah tubuh tanaman nang mao' tumuh koa, tapi ege' nang ina' bakuit aya ege' gandum atau ge'nya'a ege'-ege' nang lain. ³⁸ Tapi Jubata mare'nya tubuh sarupa nang Ia mao'i' dan tiap ege' dimare'at'n tubuhe babaro-babaro. ³⁹ Buke' samua dageng sabaya, tapi kahe sete dageng taino, nang laine sigah laok-laok, nang laine sigah buruk'ng-buruk'ng, nang laine sigah ikat'n. ⁴⁰ Ada uga' tubuh surgawi ba tubuh duniawi, tapi kamuliaan nang surgawi koa babeda sidi dan kamuliaan nang duniawi koa pun babeda uga'. ⁴¹ Kamuliaan mataari babeda, kamuliaan buat'n babeda, kamuliaan bintak'ng-bintak'ng uga babeda karna sete' bintak'ng babeda ba bintak'ng nang lain ka daap'm hal kamuliaan. ⁴² Ayakuihanlah uga' ba kabangkitat'n urak'ng nang dah mati. Ditaburat'n daap'm kabinasaan, lalu diumpatat'n daap'm kaidupat'n. ⁴³ Ditaburat'n daap'm kahinaan, diumpatat'n daap'm kamuliaan. Ditaburat'n daap'm kalamahan, diumpatat'n daap'm kakuatan. ⁴⁴ Ditaburat'n daap'm tubuh jasmani, diumpatat'n daap'm tubuh rohani. Kade' ada tubuh jasmani, ada uga' tubuh rohani. ⁴⁵ Ada tatulis jare, " Taino nang partama, Adam jaji jiwa nang idup." Adam nang dudi jaji roh nang mare' idup. ⁴⁶ Tapi, nang rohani buke'lah nang partama. Nang partama koalah nang jasmani, aka' koa baru'lah nang rohani. ⁴⁷ Manusia nang partama asale dari dunia, kuihanlah dabu tanah. ⁴⁸ Sarupa ba nang barasal dari dabu tanah, ayakuihanlah uga' kabat'ne nang barasal dari dabu. Sabaya ba nang sipate surgawi, ayakuihanlah uga' kabat'ne nang surgawi. ⁴⁹ Ayamae diri' nang dinyiptaat'n sarupa taino nang asale dari dabu, diri'pun ana make rup taino nang sipate surgawi. ⁵⁰ Aku matakat'n parihal nyian ka kita', page kamaru', bahawa dageng ba darah ina' bisa taama ka daap'm Karajaan Saruga. Ayakoa uga'nya nang bisa binasa, ina bisa mewarisi nang ina' bisa binasa. ⁵¹ Coa' dangar! Aku matakat'n sete' rahasia, bahawa diri' ina' akan mati samua'e, tapi diri' samua mo' diubah, ⁵² Daap'm sakadep mata ma'an, waktu sarompet nang paling dudi: karna sarompet pasti babunyi, urak'ng mati ana siang idup baumpatat'n, tubuh diri' siang dingubah jaji tubuh nang ina' bisa mati, ⁵³ Sabape, samua nang binasa arus make nang ina' bisa binasa. Nang bisa mati nyian, arus nganaan nang ina' bisa mati. ⁵⁴ Waktu dimae nang ngagat nganaan nang ina'bisa ngagat, dan nang udah mati nyian nganaan nang ina' bisa mati, maka taganapi' firman nang de'e udah lama tatulis jare: "Kamatiat'n udah dinaat'n di kamanangan," Yesaya 25:8 ⁵⁵ O, kamatiat'n, dimae kamanangannyu? O, kamatiat'n, dimae sangetnyu?" Hosea 13:14. ⁵⁶ Sanget kamatiat'n koa kuihanlah dosa, dan kuasa dosa kuihanlah Hukum Taurat. ⁵⁷ Tapi, diri' sidi basukur ka Jubata nang udah mare' diri' kamanangan malalui' Jubata, nang diri' nyaru' Yesus Kristus. ⁵⁸ O samua page kamaru' saiman nang sidi aku kasihi', badirilah kita' kuat, ame gua-gua, karajaanlah samua pakarajaan Jubata. Samua kuah kekeh pakarajaan kita' ka Jubata ina' jaji puso.