¹ Díxolle IaVeH a Moisés: fálalle aos sacerdotes fillos de Aarón, e dilles que non se contaminen por un morto nos seus pobos. ² Excepto por un parente próximo, pola súa nai ou polo seu pai, polo seu fillo ou polo seu irmán, ³ ou pola súa irmá virxe, próxima a el, que non teña marido, por ela contaminarase. ⁴ Non se contaminará o dirixente no seu medio do seu pobo, facéndose inmundo. ⁵ Non afeitarán tonsura na súa cabeza, nin raparán o borde da súa barba, e non se farán cortes no seu corpo. ⁶ Santos serán ao seu Deus, e non profanarán o nome do seu Deus, pois eles ofrecen as ofrendas acendidas para IaVeH e o pan do seu Deus. Polo tanto, serán santos. ⁷ Non se casarán con muller que sexa prostituta ou que fose deshonrada, nin con muller repudiada polo seu marido, porque él é santo ao seu Deus. ⁸ Ti o santificarás, polo tanto, pois él ofrece o pan do teu Deus. Santo será para ti, pois santo son eu IaVeh o que vos santifica. ⁹ E se a filla dun home sacerdote contamínase fornicando, ao seu pai deshonra, e será queimada no lume. ¹⁰ O que sexa sumo sacerdote entre os seus irmáns, sobre a cabeza do cal foi derramado o aceite da unción, e que consagrou a súa man para levar as vestiduras, ese non descubrirá a súa cabeza, nin rachará os seus vestidos. ¹¹ E non irá onde haxa corpo algún de persoa morta, non se contaminará nin polo seu pai nin pola súa nai. ¹² Non sairá do santuario, nin profanará o santuario do seu Deus, pois o aceite consagrado da unción do seu Deus está sobre el. Eu IaVeH. ¹³ Tomará por esposa a unha muller virxe. ¹⁴ Non tomará viuva, nin divorciada, nin deshonrada, nin prostituta, senón que só tomará por muller a unha virxe do seu pobo, ¹⁵ para que non profane a súa descendencia entre o seu pobo, pois eu IaVeH son o que o santifica. ¹⁶ E falou IaVeH a Moisés, dincindo: ¹⁷ fálalle a Aarón e dille: ningún home dos teus descendentes, nas sucesivas xeracións, que teña algún defecto, achgarase para ofrecer o pan do seu Deus. ¹⁸ Porque ningún home que teña defecto hase achegar, sexa cego, coxo, mutilado, ou deforme, ¹⁹ ou home que teña crebadura de pé ou de man, ²⁰ ou corcovado, ou anano, ou con ollos defectuosos, ou que teña sarna, ou tiñoso, ou testículo mancado. ²¹ Ningún home da descendencia do sacerdote Aarón, que teña defecto, achegarase para ofrecer ofrendas acendidas para IaVeH. Hai defecto nel; non se achegará para ofrecer o pan do seu Deus. ²² Poderá comer o pan do seu Deus procedente das cousas santísimas e das santas. ²³ Mais non irá onda o velo, nin se achegará ao altar, por canto hai defecto nel. Non profanará os meus santuarios porque Eu son IaVeH o que os santifica. ²⁴ Así faloulle Moisés a Aarón, e aos seus fillos, e a tódolos fillos de Israel.