¹ IAVEH falou a Moisés, dicindo: ² Dille aos fillos de Israel: Claquera home dos fillos de Israel, ou dos estranxeiros que viven en Israel, que ofreza algún dos seus fillos a Moloc, de seguro morrerá, o pobo da terra o apedrará. ³ E eu porei o meu rostro contra ese home, e cortareino de entre o seu pobo, pois deu da súa descendencia a Moloc, contaminando o meu santuario, e profanando o meu santo nome. ⁴ E se o pobo da terra pecha os seus ollos respecto daquel home que da dos seus fillos a Moloc, para non matalo, ⁵ entón eu porei o meu rostro contra aquel home e contra súa familia, e cortareino de entre o seu pobo, con tódolos que fornicaron en pos del, prostituíndose con Moloc. ⁶ E a persoa que atenda a médiums e adiviños, para prostituirse tras deles, eu porei o meu rostro contra tal persoa, e cortareina de entre o seu pobo. ⁷ Polo tanto, santificarédesvos e seredes santos, pois eu IAVEH son o voso Deus. ^{8 9} E gardaredes os meus mandamentos e os cumpliredes. Eu IAVEH que vos santifico. O home que maldiga ao seu pai ou á súa nai, de certo morrerá. Ao seu pai ou á súa nai maldiciu. O seu sangue será sobre el. ¹⁰ Se un home comete adulterio coa muller doutro home, o adúltero e a adúltera morrerán. ¹¹ E calquera home que se deite coa muller do seu pai, a nudez do seu pai descubriu, polo que ambos morrerán, e o seu sangue será sobre deles. ¹² Se algún home se deita coa súa nora, ámbolos dous morrerán, pola súa maldade o seu sangue será sobre deles. ¹³ Se un home se deitara con varón como con muller, abominación terían feito. Ámbolos dous morrerán e o seu sangue será sobre deles. ¹⁴ O home que tomara a unha muller e á nai dela, comete vileza. Queimarán no lume a el e a elas, e non haxa vileza entre vós. ¹⁵ Calquera home que copule cun animal morrerá, e mataredes o animal. ¹⁶ E se unha muller se achega a un animal para deitarse con el, entón matarás á muller e ao animal. Morrerán e o seu sangue será sobre deles. ¹⁷ Se algún home toma á súa irmá, filla do seu pai ou da súa nai, e ve a súa nudez, e ela ve a del, cousa detestable é esta. Ámbolos dous serán cortados de diante dos ollos dos fillos do seu pobo. Por canto descubriu a nudez da súa irmá, o seu pecado levará. ¹⁸ Calquera home que durma cunha muller en periodo de menstruación, e descobra a súa nudez, o seu fluxo descubriu, e ela destapou o seu fluxo de sangue. Ámbolos dous serán cortadas de entre o seu pobo. ¹⁹ A nudez da irmá da túa nai, ou da irmá do teu pai, non a descubrirás, pois á túa parenta deshonrarías e levarás a túa iniquidade. ²⁰ O home que se deite coa súa tía, a nudez do seu tío descubriu. Levarán o seu pecado e morrerán sen fillos. ²¹ Respecto ao home que tome á muller do seu irmán, impureza é isto. Por canto descubriu a nudez do seu irmán, sen fillos serán. ²² Gardaredes todos os meus estatutos e todas as miñas leis, e as cumpliredes, e así non vos vomitará a terra na que vos introduzo para que vivades nela. ²³ Non andaredes nos estatutos das nación que eu expluso de diante de vós, pois eles fixeron todas estas cousas, e aborrecinos. ²⁴ Mais a vós díxenvos: vós poseredes a terra deles, e daréivola por herdanza, terra da que flue leite e mel. Eu IaVeH o voso Deus, que vos apartei dos pobos. ²⁵ Vós faredes diferenza entre animal limpo e inmundo, e entre ave limpa e inmunda, e non vos contaminaredes con animal ou con ave, ou co que se move sobre a terra. Estas cousas aparto por ser inmundas. ²⁶ Seredes para min santos, poise eu IaVeH son santo, e separeivos dos pobos para que sexades para min. ²⁷ E o home ou a muller que sexa entre eles médium ou adiviño, morrerá, serán apedrados e o seu sangue será sobre deles.