¹ Falou Deus todas estas palabras: ² Eu son IaVeH teu Deus, que saqueite da terra de Exipto, de casa de escravitude. ³ Non terás outros deuses diante de min. ⁴ Non te farás ídolo, nin imaxe do que está arriba nos ceos, nin abaixo na terra, nin do que está nas augas debaixo da terra. ⁵ Non te inclinarás ante elas, nin as servirás, porque Eu son IaVeH teu Deus, Deus celoso, que castiga a maldade dos pais sobre os fillos até a terceira e a cuarta xeración dos que me aborrecen. ⁶ Pero fago misericordia a miles aos que me aman e gardan os meus mandamentos. ⁷ Non tomarás o nome de IaVeH teu Deus en van, pois non terá por inocente IaVeH a quen tomare o seu nome en van. ⁸ Lémbrate do día de repouso para santificalo. ⁹ Seis días traballarás e farás toda a túa obra, ¹⁰ mais o sétimo día é repouso para IaVeH teu Deus. Non farás nel obra ningunha, ti, nin teu fillo, nin túa filla, nin o teu servo, nin a túa criada, nin a túa besta, nin o teu estranxeiro que está dentro das túas portas. ¹¹ Porque en seis días fixo IaVeH os ceos e a terra, o mar, e tódalas cousas que hai neles, e reposou no sétimo día. Polo tanto, IaVeH bendixo o día de repouso e santificouno. ¹² Honra a teu pai e a túa nai, para que os teus días se alonguen na terra que IaVeH teu Deus dache. ¹³ Non asasinarás. ¹⁴ Non adulterarás. ¹⁵ Non roubarás. ¹⁶ Non darás falso testemuño contra o teu próximo. ¹⁷ Non cobizarás a casa do teu próximo, non cobizarás á muller do teu próximo, nin o seu servo, nin a súa criada, nin o seu boi, nin o seu asno, nin cousa algunha do teu próximo. ¹⁸ Todo o pobo observaba os tronos e os lóstregos, e o son da trompeta, e o monte que afumaba; e véndoo o pobo, tremeron, e mantivéronse lonxe. ¹⁹ E dixéronlle a Moisés: fala ti connosco, e nós escoitaremos, pero que non fale Deus con nós, non sexa que morramos. ²⁰ E díxolle Moisés ao pobo: non temades, porque para probaros viu Deus, e para que diante vosa haxa temor del, para que non pequedes. ²¹ E o pobo mantívose en pé ao lonxe, e Moisés acercouse á escuridade onde estaba Deus. ²² E IaVeH díxolle a Moisés: así lle dirás aos fillos de Israel: vós vistes falei convosco que desde os ceos. ²³ Non fagades xunta min deuses de prata, nin vos fabricaredes deuses de ouro. ²⁴ Altar de terra farás para min, e sacrificarás sobre el os teus holocaustos e as túas ofrendas de paz, as túas ovellas e as túas vacas. ²⁵ En todo lugar onde Eu faga lembrar o meu Nome, virei a ti e bendireite. E se me fas altar de pedras, non o constrúas con pedras labradas, porque se ergues ferramenta sobre el, profanaralo. ²⁶ E non subas por chanzos ao meu altar, para evitar mostrate nu sobre el.