¹ Estes son os mandamentos que lles promulgarás: ² Se mercas un servo hebreo, seis anos servirá, mais despois será libre, de balde. ³ Se entrou só, sairá só. Se tiña muller, entón a súa muller sairá con el. ⁴ Pero se o seu señor lle dera muller, e ela dera a luz fillos ou fillas, entón a muller e os fillos serán para o señor dela, e el sairá só. ⁵ Mais se o servo dixese insistentemente: eu amo ao meu señor, a miña muller e aos meus fillos, non sairei libre, ⁶ entón o seu señor levarao ante Deus, e faralle estar xunto a porta ou o poste da porta, e perforaralle a orella cun punzón, e el serviralle para sempre. ⁷ Se un home vende a súa filla por serva, non se sairá ela como adoitan saír os servos. ⁸ Se non agradase ao señor ao que fora enviada, este deixará que a rescaten e non terá dereito a vendela a pobo estranxeiro cando rompa con ela. ⁹ Se o señor a destina como esposa para o seu fillo, fará con ela segundo o costume coas fillas. ¹⁰ E se tomase outra muller para el, non lle disminuirá a ela o seu alimento, nin o seu vestido, nin o deber conxugal. ¹¹ Pero se el non fixese ningunha destas tres cousas, entón ela sairá libre sen ter que pagar diñeiro ningún. ¹² Quen fira a alguén, facéndoo morrer, tal persoa morrerá. ¹³ Pero se non tiña intención de ferilo, senón que Deus o puxo nas súas mans, entón Eu sinalarei para ti lugar onde fuxir. ¹⁴ Agora ben, se alguén enfurécese contra o seu próximo e o mata con aleivosía, quitaralo do meu altar para que morra. ¹⁵ Quen fira ao seu pai ou a súa nai, morrerá. ¹⁶ Quen secuestre a unha persoa, xa sexa que a venda ou que fose atopada no seu poder, tal persona morrerá. ¹⁷ Quen maldiga ao seu pai ou a súa nai, morrerá. ^{18 19} Se uns rifan e un deles fire ao seu próximo cunha pedra ou co puño, pero este non morre, senón que cae na cama, pero se se levanta e pode saír fóra co seu bastón, entón o que o feriu será absolto. Só pagará polo tempo que aquel estivo sen traballar, e fará que o curen por completo. ²⁰ Se alguén bátelle a un servo ou serva cun pao, e o mata, esa persoa será castigado. ²¹ Mais se sobrevive un día ou dous, entón non será castigado, porque son da súa propiedade. ²² Se durante una pelexa, alguén ferira a unha muller embarazada e a fixera abortar, pero sen causarlle outro dano, o agresor deberá pagar a multa que o marido lle pida e que os xuices ratifiquen. ²³ Pero se a muller morre, entón hase pagar vida por vida, ²⁴ ollo por ollo, dente por dente, man por man, pé por pé, ²⁵ queimadura por queimadura, ferida por ferida, golpe por golpe. ²⁶ Se alguén fere o ollo do seu servo, ou o ollo da súa serva, e o dana, deixarao en liberdade por causa do seu ollo. ²⁷ E se lle fai saltar un dente ao seu servo, ou un dente a súa serva, deixarao ir libre por causa do seu dente. ²⁸ Se un boi cornea a un home ou a unha muller, e a causa diso morre, o boi será apedrado e non se comerá a súa carne, pero o dono do boi será absolto. ²⁹ Pero se o boi corneaba xa dende tempo atrás, e ao seu dono lle fora notificado pero no o gardara, e matase a un home ou a unha muller, entón o boi será apedrado, e tamén morirá o seu dono. ³⁰ Se lle fose imposto prezo de rescate, entón dará pola súa vida canto lle sexa imposto. ³¹ Se o boi cornea ao fillo ou á filla dalgún, farase conforme a este decreto. ³² Se o boi cornea a un servo ou a unha serva, pagaráselle ao seu amo treinta siclos de prata, e o boi será apedrado. ³³ Se algún abre ou escava un pozo, e non o cubre, e cae alí un boi ou un asno, ³⁴ o dono do pozo ha de compensar pola perda. Devolveralle os cartos ao dono, e o cadaleito será seu. ³⁵ E se o boi dalgún fere o boi doutro e morre, entón han de vender o boi vivo e repartir os cartos, e repartirán tamén o boi morto. ³⁶ Pero se era notorio que o boi xa corneaba dende tempo atrás, e o seu dono non o gardara, entón pagará boi por boi, e quedará el co boi morto.